​iPhone X ​ស្មាតហ្វូន​ទំនើប​របស់​ក្រុមហ៊ុន Apple បាន​បង្ហាញ​ខ្លួន​ជាមួយ​បច្ចេកវិទ្យា​ថ្មីៗ ក្នុង​នោះ​រួម​មាន​ទាំង​មុខងារ Animoji ​ចំណែក Samsung វិញ​ក៏​បាន​បង្កើត​មុខងារ​ស្រដៀង​គ្នា​នេះ​បញ្ចូល​ទៅ​លើ​ស្មាតហ្វូន​ជំនាន់​ចុងក្រោយ Galaxy S9 និង S9 Plus ផង​ដែរ។ ​រីឯ​ពេល​នេះ យើង​មាន​វីដេអូ​បង្ហាញ​នូវ​ការ​ប្រៀបធៀប​រវាង​មុខងារ AR Emoji នៅ​លើ S9 និង S9 Plus ​ជាមួយ​មុខងារ Animoji របស់ Apple ។ https://youtu.be/8zoWkmLIzKY ​ដូច​ដែល​យើង​បាន​ឃើញ​ក្នុង​វីដេអូ​ខាង​លើ​អីចឹង ប្រព័ន្ធ​មុខងារ​ទាំងពីរ​នេះ​គឺ​ឈរ​លើ​គំនិត​ស្រដៀង​គ្នា តែ​ក៏​មាន​ចំណុច​ខុស​គ្នា​ដោយ​ឡែក​ដែរ ហើយ AR Emoji ​របស់ Samsung ​អាច​ឱ្យ​អ្នក​ប្រើ​បង្កើត​តួអង្គ​ជា​ខ្លួន​ឯង​បាន​ទៀត​ផង។ ដូច្នេះ​អ្នក​អាច​បង្កើត AR Emjoji ​ដែល​មាន​រូបរាង​ដូច​ជា​អ្នក​អីចឹង។ ​សម្រាប់​មុខងារ​សម្គាល់​ផ្ទៃ​មុខ​ទាំង facial expressions និង facial data ​របស់ Apple ​ហាក់​មាន​ដំណើរការ​បាន​ល្អ​ត្រឹមត្រូវ​ជាង ក៏​ប៉ុន្តែ​អ្វី​ដែល​អ្នក​អាច​ធ្វើ​បាន​នៅ​លើ​មុខងារ AR Emoji ​របស់ Samsung ​គឺ​ច្រើន​ជាង​មុខងារ Animoji ​របស់ Apple ។ ក្រុមហ៊ុន Samsung ​នឹង​ចេញ​លក់​ស្មាតហ្វូន​ថ្មី​របស់​ខ្លួន Galaxy S9 និង S9 Plus ​ចាប់ពី​ថ្ងៃ​សុក្រ​ទី១៦ មីនា​នេះ​នៅ​តាម​ទីផ្សារ​បណ្ដា​ប្រទេស​មួយ​ចំនួន ហើយ​វា​ក៏​ត្រូវ​គេ​រំពឹង​ថា នឹង​ជា​ស្មាតហ្វូន​ពេញ​និយម​បំផុត​មួយ​របស់ Samsung ក្នុង​ពេល​បច្ចុប្បន្ន។ iPhone X ​របស់ Apple និង Galaxy S9/ S9 Plus របស់ Samsung ​គឺ​ជា​កំពូល​ស្មាតហ្វូន​ទំនើប​ចុងក្រោយ​ដូច​គ្នា ដែល​អ្នក​អាច​ជ្រើសរើស​ប្រើ​ជា​ទូរស័ព្ទ​សំណព្វចិត្ត​។ ក្រុមហ៊ុន​ទូរស័ព្ទ​ខ្នាត​យក្ស​ទាំងពីរ កំពុង​ព្យាយាម​ដណ្ដើម​ចំណែក​ទីផ្សារ​រៀងៗ​ខ្លួន ហើយ​មិន​ថា​ប្រិយមិត្ត​សម្រេច​ចិត្ត​ទិញ​ម៉ូដែល​ណាមួយ​នោះ​ទេ គឺ​ប្រាកដ​ជា​មិន​ចេះ​ខុស​ឡើយ ព្រោះ​ទាំង​ពីរ​ម៉ូដែល​សុទ្ធតែ​ជា​ទូរស័ព្ទ​ល្អឥតខ្ចោះ​នាពេល​បច្ចុប្បន្ន៕ ​ដោយ៖ រឹទ្ធិរាជ ប្រភព៖ MacRumors