កាលពី​ដើម​សប្ដាហ៍​នេះ យើង​បាន​ឮ​ដំណឹង​ជុំវិញ​ស្មាតហ្វូន​ទំនើប​ថ្មី​មួយ​ម៉ូដែល​របស់ Vivo គឺ V9 ​ហើយ​ពេល​នេះ យើង​ទើប​ទទួល​បាន​ជុំវិញ​ស្មាតហ្វូន​គែម​អេក្រង់​ស្ដើង​មួយ​ទៀត​របស់​ក្រុមហ៊ុន​ទូរស័ព្ទ​ចិន​នេះ​គឺ Vivo V21 វិញ​ម្ដង។ ក្រុមហ៊ុន​នឹង​ប្រារព្ធ​ពិធី​សម្ពោធ​ស្មាតហ្វូន​ទំនើប​ស៊េរី​ថ្មី​ទាំង​ពីរ​ម៉ូដែល​នេះ ​នៅ​លើ​ទីផ្សារ​ប្រទេស​ចិន ថ្ងៃ​ទី១៩ ​ខែ​មីនា​ខាង​មុខ។ Vivo 21 ​ថ្មីៗ​នេះ ទើប​លេច​ចេញ​លក្ខណៈ​សម្បត្តិ​មួយ​ចំនួន​នៅ​ក្នុង​ការ​ធ្វើតេស្ត benchmark ​ដែល​បង្ហាញ​ឱ្យ​ឃើញ​ពី​ទំហំ​អេក្រង់​របស់​វា​មាន ៦,៤៣អ៊ីញ។ អេក្រង់ V21 ​នឹង​មាន​ទំហំ​សមាមាត្រ 19:9 aspect ​ហើយ​ជា​កម្រិត FHD+ នៅ 2280x1080px ។ លក្ខណៈ​សម្បត្តិ​ផ្សេង​ទៀត​រួម​មាន៖ បំពាក់​ឈីប Qualcomm Snapdragon 660 ​និង​មាន RAM 6GB ។ ​ ស្មាតហ្វូន​ទំនើប​នេះ នឹង​បង្ហាញ​ខ្លួន​ជាមួយ​អង្គ​ចងចាំ​ទំហំ 128GB ហើយ​ក៏​មាន​ម៉ូដែល 64GB ផង​ដែរ តែ​មាន RAM ត្រឹម 4GB ​ប៉ុណ្ណោះ។ Vivo V21 ​នឹង​ដំណើរការ​ដោយ​ប្រព័ន្ធ​ប្រតិបត្តិការ​ចុងក្រោយ​របស់ Google គឺ Android 8.1 Oreo ​ហើយ​ឆាប់ៗ​ខាង​មុខ លក្ខណៈ​សម្បត្តិ​លំអិត​ជាង​នេះ នឹង​ត្រូវ​លាត​ត្រដាងឮ ដោយ៖ រឹទ្ធិរាជ ប្រភព៖  TAS