Ford អភិវឌ្ឍ​ប្រព័ន្ធ​រថយន្ត​ទំនើប​ Ford Co-Pilot 360 នឹង​ចាប់ហ្វ្រាំង​ដោយ​ស្វ័យប្រវត្តិ​ក្នុង​ហេតុការណ៍​បន្ទាន់ រួម​ទាំង​បច្ចេកវិទ្យា​ថ្មី​មួយ​ចំនួន​



ថ្មីៗ​នេះ​ក្រុមហ៊ុន Ford ​បាន​ប្រកាស​ចេញ​នូវ​ក្បួន​ថ្មី នៃ​មុខងារ​ជំនួយការ​អ្នក​បើកបរ driver-assistance ដែល​សន្យា​នឹង​អាច​ចាប់​ហ្វ្រាំង​ដោយ​ស្វ័យប្រវត្តិ​ក្នុង​ហេតុការណ៍​បន្ទាន់​ភ្លាមៗ​បាន និង​រួម​ទាំង​ស្តង់ដារ​បច្ចេកវិទ្យា​សុវត្ថិភាព​ផ្សេងៗ​ទៀត​នៅ​លើ​រថយន្ត​ស៊េរី​ទំនើប​របស់​ខ្លួន។ ក្រុមហ៊ុន​រថយន្ត​អាមេរិក​នេះ កំពុង​ផ្ដោត​អភិវឌ្ឍ​ប្រព័ន្ធ​រថយន្ត​ពាក់​កណ្ដាល​ស្វ័យប្រវត្តិ​ជា​មុន​សិន ដែល​មាន​លក្ខណៈ​ដូច​ជា Autopilo របស់​ក្រុមហ៊ុន Tesla ដែរ។ ​វា​ជា​សញ្ញាណ​មួយ​នៃ​ការ​រីកចម្រើន​បច្ចេកវិទ្យា​ផ្នែក​សុវត្ថិភាព ដែល​នឹង​បំពាក់​នៅ​លើ​រថយន្ត​ជាច្រើន​ស៊េរី​នៅ​អនាគត​ឆាប់ៗ​ខាង​មុខ។

ក្រុមហ៊ុន Ford ​បាន​អភិវឌ្ឍ​ចេញ​មុខងារ driver-assistance ​ថ្មីៗ​មួយ​ចំនួន​រយៈពេល​ប៉ុន្មាន​ឆ្នាំ​កន្លង​មក​នេះ​ហើយ ប៉ុន្តែ​ឥឡូវ​នេះ​គឺ​ដល់​ពេល​ដែល​ត្រូវ​ច្របាច់​​មុខងារ​ចំនួន៥ នេះ​បញ្ចូល​គ្នា​ក្រោម​ឈ្មោះ​បច្ចេកវិទ្យា​ថ្មី​មួយ​គឺ Ford Co-Pilot 360។ ប្រព័ន្ធ​ថ្មី​នេះ​រួម​មាន (1)-ប្រព័ន្ធ​ហ្វ្រាំង​ស្វ័យប្រវត្តិ​សម្រាប់​ហេតុការណ៍​បន្ទាន់ automatic emergency braking, (2)-​ម៉ូនីទ័រ​សម្រាប់​អ្នក​ខ្សោយ​ភ្នែក blind spot monitors, កាមេរ៉ា​បម្រុង​ទុក-Backup camera, lane keep assist និង auto high beams ។ ​រថយន្ត​ស៊េរី​ខ្ពស់​ជំនាន់ premium version ​ដែល​បាន​បំពាក់​នូវ adaptive cruise control ​ជាមួយ lane centering, evasive steering assist ​ហើយ​នឹង post-collision braking ​នឹង​មាន​នូវ​ជម្រើស​មួយ​ត្រូវ​បង់ប្រាក់​លើស​តម្លៃ​ធម្មតា​ដោយសារ​បច្ចេកវិទ្យា​កម្រិត​ខ្ពស់ advanced technology ​ច្រើន​ជាង​ស៊េរី​រថយន្ត​ទូទៅ។ ​ វា​គឺ​ជា​ជំហាន​ថ្មី​មួយ​របស់​ក្រុមហ៊ុន​រថយន្ត​ខ្នាត​ធំ​របស់​ពិភពលោក​។ លោក Sam Abuelsamid ​អ្នក​វិភាគ​ជាន់ខ្ពស់​នៅ Navigant Research ​បាន​លើកឡើង​ថា ខណៈ​ដែល​លោក​ចង់​ឃើញ​បច្ចេកវិទ្យា​ថ្មីៗ​ទាំង​នោះ រួម​ទាំង adaptive cruise control ​ជា​ស្តង់ដារ​ដ៏​ល្អ វា​គឺ​ជា​ជំហាន​ជាក់លាក់​មួយ​នាំ​ទៅ​រក​គោលដៅ​ត្រឹមត្រូវ៕ ​ដោយ៖ រឹទ្ធិរាជ ប្រភព៖ theverge
X
5s