​យើង​បាន​ឮ​ដំណឹង​ជាច្រើន​មិន​ចេះ​ចប់ ដែល​លើកឡើង​ថា ក្នុង​ឆ្នាំ​នេះ ក្រុមហ៊ុន Apple នឹង​ណែនាំ​ទូរស័ព្ទ iPhone ​ស៊េរី​ថ្មី​ចំនួន​ដល់​ទៅ ៣ម៉ូដែល គឺ iPhone X ​ជំនាន់​ថ្មី, iPhone ​អេក្រង់ ៦,៥អ៊ីញ​ដែល​អាច​ត្រូវ​ហៅ​ឈ្មោះ​ថា iPhone X Plus ​និង​ទី៣ គឺ​ជា iPhone អេក្រង់ LCD ​ទំហំ ៦,១អ៊ីញ។ ប្រសិន​ជា​អ្នក​ឆ្ងល់​ចង់​ដឹង​ថា តើ​ Apple នឹង​ចេញ​លក់ iPhone ស៊េរី​ថ្មី​ទាំង​នេះ​ក្នុង​តម្លៃ​ប៉ុន្មាន ដូច្នេះ​នេះ​ជា​ការ​វិភាគ​របស់​អ្នក​ជំនាញ​នៅ RBC ដែល​ជា​ពន្លឺ​ខ្លះៗ​អាច​ជា​ការ​ពិត។

iPhone អេក្រង់ LCD ​មាន​តម្លៃ​ធូរ​ត្រឹម​ខ្ទង់ ៧០០ដុល្លារ​ប៉ុណ្ណោះ ចំណែក iPhone X ​ស៊េរី​ថ្មី​វិញ​នឹង​មាន​តម្លៃ​ចាប់ពី ៨៩៩ដុល្លារ ​ខណៈ​ដែល iPhone X Plus ​នឹង​មាន​តម្លៃ​ប្រហែល $999 ពោល​គឺ​ជា​តម្លៃ iPhone X ​នាពេល​បច្ចុប្បន្ន។ iPhone X ​ទំហំ​អេក្រង់​តូច​ជាង​គេ នឹង​មាន​លក់​ក្នុង​តម្លៃ​ទាប​ជាង​មុន ដែល​អ្នក​វិភាគ​រំពឹង​ថា វា​អាច​នឹង​ទទួល​បាន​ការ​ពេញនិយម ហើយ​ទាញ​យក​ចំណែកទីផ្សារ​អ្នក​ប្រើប្រាស់​ខ្លាំង​ជាង​មុន។ យ៉ាងណា រង់ចាំ​ទាល់តែ​ថ្ងៃ​ប្រកាស​មក​ដល់​ទើប​យើង​បាន​ដឹង​ច្បាស់​ថា តើ Apple ​នឹង​ចេញ​លក់ iPhone ស៊េរី​ថ្មី​ឆ្នាំ​នេះ តម្លៃ​ចាប់ពី​ប៉ុន្មាន​ដល់​ប៉ុន្មាន​ខ្លះ ៕ ​ដោយ៖ រឹទ្ធិរាជ ប្រភព៖ gsmarena