ក្រុមហ៊ុន Lenovo ថ្មីៗនេះទើបបន្ថែមសមាជិកស្មាតហ្វូនត្រកូល K ថ្មីចំនួន ២ម៉ូដែលទៀតហើយ ដែលជា Lenovo K5 និង K5 Play។ ស្មាតហ្វូនទាំងពីរម៉ូដែល មានលក្ខណៈ សម្បត្តិប្រហាក់ប្រហែលគ្នា។
Lenovo K5 មានអេក្រង់ទំហំ ៥,៧អ៊ីញកម្រិត HD+ ប្រើឈីប MediaTek MT6750 និងមាន RAM 3GB រីឯអង្គចងចាំរបស់វាមានទំហំ 32GB ហើយអាចបន្ថែម microSD បានថែមទៀត។ ចំណុចពិសេសនៅលើស្មាតហ្វូនថ្មីនេះ គឺបានបំពាក់ជាមួយកាមេរ៉ា ៣គ្រាប់ ខាងមុខ១ និងខាងក្រោយ២។ កាមេរ៉ាមុខទំហំ 8MP រីឯកាមេរ៉ាភ្លោះខាងក្រោយ មួយមានទំហំ 13MP និងមួយទៀតទំហំ 5MP ។ K5 មានកម្លាំងថ្ម 3000mAh ។
K5 Play ជាស្មាតហ្វូនស៊េរីទាបជាង K5 បន្តិច ដោយវាមានអេក្រង់ ៥,៧អ៊ីញកម្រិត HD+ ហើយប្រើឈីប Snapdragon 430 ។ វាមានជម្រើស RAM 2GB អមដោយអង្គចងចាំ 16GB និងជម្រើស RAM 3GB អមដោយអង្គចងចាំទំហំ 32GB ។
Lenovo K5 Play មានកាមេរ៉ាភ្លោះខាងក្រោយ មួយមានទំហំ 13MP និងមួយទៀតទំហំ 2MP ។ តម្លៃ Lenovo K5 ចាប់ពី ១៤៣ដុល្លារ ចំណែក K5 Play ចាប់ពី ១១២ដុល្លារ៕
ដោយ៖ រឹទ្ធិរាជ
ប្រភព៖ GSM Arena
