ស្មាតហ្វូនទំនើបចុងក្រោយរបស់ Samsung ទាំងពីរម៉ូដែល Galaxy S9 និង Galaxy S9 Plus ពេលប្រកាសចេញដំបូង គ្មានមុខងារ FM Radio នោះឡើយសម្រាប់ទីផ្សារអាមេរិក។ នេះគឺជាកំហុសមួយ ប៉ុន្តែក្រុមហ៊ុននឹងធ្វើការជួសជុលនៅកំណែសូហ្វ៊ែរជំនាន់ក្រោយ។
ក្រុមហ៊ុននឹងកំណត់ឱ្យមានការគាំទ្រមុខងារស្ដាប់វិទ្យុបាននៅលើស្មាតហ្វូនទាំងពីរ ហៅថា NextRadio ក្រោយមានបញ្ហា error ផ្នែកសូហ្វ៊ែរ។ Samsung បានសាងកំហុស ខ្វះចន្លោះក្នុងការបញ្ចូល NAB FM API ទៅក្នុង Galaxy S9/S9 Plus ម៉ូដែល Unlocked ។ ក្រុមហ៊ុនការងារ បានអះអាងថា នឹងផ្ដោតលើការជួសជុលបញ្ហាកើតមាននេះជាអាទិភាព នៅក្នុងកញ្ចប់សូហ្វ៊ែរជំនាន់ថ្មី តែមិនទាន់បញ្ជាក់កាលបរិច្ឆេទដាក់ឱ្យអាប់ដេតនៅឡើយ។
លេខម៉ូដែល SM-G960UI និង SM-G965UI ដែលមិនដំណើរការជាមួយ FM ចំណែក SM-G960U និង SM-G965U ត្រូវបានចែកចាយលក់តាមក្រុមហ៊ុនសេវាទូរស័ព្ទ ហើយវាដំណើរការ FM យ៉ាងប្រក្រតី។ Samsung កំពុងបញ្ចូលការគាំទ្រសម្រាប់ FM Radio នៅលើ Galaxy ទាំងពីរស៊េរីតាមរយៈកញ្ចប់ Software Update ថ្មី ក្នុងពេលឆាប់ៗខាងមុខ តែមិនទាន់ដឹងពីកាលបរិច្ឆេទច្បាស់ការណ៍នៅឡើយ៕
ដោយ៖ រឹទ្ធិរាជ
ប្រភព៖ Piunikaweb, Android Police
