ទោះបីលោកអ្នកកំពុងប្រើស្មាតហ្វូន Android រយៈពេលយូរហើយក្ដី ក៏មិនប្រាកដថា អ្នកមានពេលវេលា ក្នុងការស្រាវជ្រាវមុខងារពិសេសៗនៅលើទូរស័ព្ទខ្លួនហើយនោះឡើយ។ ដូច្នេះទំព័រនេះ យើងសូមលើកយកគន្លឹះ និងល្បិចមានប្រយោជន៍ ទាំង១០ ពាក់ព័ន្ធទូរស័ព្ទ Android មកបង្ហាញជូនដូចតទៅ៖
១) បិទ (disable) សារក្រើនរំលឹក (notification) របស់កម្មវិធី (app)
ពេលខ្លះ ការបង្ហាញសារ notification នេះ អាចជារឿងរំខានអ្នកទៅវិញ ម្យ៉ាងវាក៏ជាចំណុចរួមផ្សំធ្វើឱ្យទូរស័ព្ទឆាប់អស់ថ្មផងដែរ។
-ប្រសិនអ្នកចង់បិទ notification នៃកម្មវិធីណាមួយត្រូវចុចជាប់មួយខណៈពេលនៅលើ notification នោះ ដើម្បីបង្ហាញជម្រើស App Info រួចចុចចូល។
-ត្រូវដកធីកចេញពី “Show Notifications” រួចចុច OK ជាការស្រេច។
២) បិទអ៊ីនធឺណិតទូរស័ព្ទ ឬ Mobile Data
នៅពេលឈប់ប្រើអ៊ីនធឺណិតទូរស័ព្ទ លោកអ្នកគួរតែបិទ (disable) លើ Mobile Data ដើម្បីជៀសវាងអស់លុយ ម្យ៉ាងដើម្បីកុំឱ្យស៊ីថ្ម ក៏ដូចជាថែមទាំទូរស័ព្ទមិនឱ្យឡើងកម្ដៅ។
-ចូលទៅ Settings → Data Usage
-ដកធីកចេញពី Mobile Data ជាការស្រេច។
៣) កំណត់ទំហំអ៊ីនធឺណិតដែលចង់ប្រើ (Set Mobile Data Limit)
ធ្វើបែបនេះ ដើម្បីដឹងថា តើទូរស័ព្ទរបស់អ្នកប្រើអស់អ៊ីនធឺណិតទំហំប៉ុន្មាន ហើយក៏ដើម្បីកុំឱ្យប្រើអ៊ីនធឺណិតជ្រុលអស់លុយច្រើនផងដែរ។
-ចូលទៅ Settings → Data Usage
-កំណត់ Data Limit ដោយចាប់ទាញឡើងលើ ចំពោះរបារពណ៌ទឹកក្រូច
-កំណត់រយៈពេល ដែលអ្នកចង់ប្រើប្រាស់មិនឱ្យលើសពីទំហំ GB ដែលអ្នកបានកំណត់ គឺចាប់អូសត្រង់របារដេកពណ៌ស។
អ្នកនឹងទទួលបានការបញ្ជាក់ប្រាប់ ប្រសិនទូរស័ព្ទប្រើប្រាស់អ៊ីនធឺណិតជិតដល់ទំហំកំណត់។
៤) បន្ថែមគណនី Google ច្រើន (Add Multiple Google Accounts)
You need a Google account to use an Android phone but did you know you canchoose to run more than one Google account on your Android device. This is convenient if you use more than one account for several of your Google services. To add multiple Google accounts:
អ្នកប្រើមួយចំនួន ប្រហែលមិនមែនមានតែ គណនីអ៊ីមែលមួយនោះទេ ដូច្នេះគេអាចត្រូវការភ្ជាប់ចូលប្រើច្រើនលើសពីគណនីមួយ។
-ចូលទៅ Settings → Add account
-ចុចលើ Google ហើយបញ្ចូលព័ត៌មានគណនី Google របស់អ្នក
-បន្ទាប់ពីបានបន្ថែមរួចហើយ ត្រូវជ្រើសរើស អ្វីដែលអ្នកចង់ sync ជាមួយគណនី។ ត្រូវធ្វើដូចគ្នា សម្រាប់ការបន្ថែមគណនីក្រោយៗ។
៥) បិទការធ្វើបច្ចុប្បន្នភាពកម្មវិធីដោយស្វ័យប្រវត្តិ (Disable automatic App Updates)
ការ update កម្មវិធីពេលខ្លះ ពុំជារឿងល្អនោះឡើយ ព្រោះនៅពេលទូរស័ព្ទមានអ៊ីនធឺណិតខ្សោយគឺវា ធ្វើឱ្យអ្នកចំណាយពេលយូរ ឬ update បានពាក់កណ្ដាលក៏ដាច់ទៅវិញ ម្យ៉ាងក៏ធ្វើឱ្យស៊ីលុយអ៊ីនធឺណិតទូរស័ព្ទដោយមិនដឹងខ្លួនផងដែរ។
-បើក Play Store ហើយចូលទៅ Settings របស់ Play Store
-ចុចលើ Auto-update apps
-ជ្រើសរើស Do not auto-update apps
ប្រសិនអ្នកចង់ បើក (enable) អាប់ដេតអូតូវិញ ត្រូវធ្វើតាមជំហានដូចគ្នា ដោយជ្រើសរើស Auto-update apps។
៦) ឆែកមើលការអាប់ដេតប្រព័ន្ធ Android
សម្រាប់អ្នកប្រើទូរស័ព្ទ Android ដែលកំពុងដំណើរការជាប្រភេទ stock ROM អ្នកប្រហែលជាចង់ឃើញការអាប់ដេតថ្មីលើប្រព័ន្ធដំណើរការលើទូរស័ព្ទរបស់អ្នក។ ដើម្បីឆែកមើលថាតើ ទូរស័ព្ទនោះអាចអាប់ដេត version ហើយឬនៅត្រូវចូលទៅ៖
-ចូលទៅ Settings → About phone/tablet
-ចុចលើ System updates
-ចុចលើ Check now ដើម្បីស្វែងរកកញ្ចប់អាប់ដេត
៧) ប្ដូរ Default Apps ក្នុងការបើក (open) ឯកសារណាមួយ
if you have already set some default apps for particular tasks (e.g. using Chrome for opening web links) but wish to change this:
ប្រសិនអ្នកបានកំណត់ default app លើកិច្ចការខ្លះហើយនោះ (ឧទាហរណ៍៖ ការប្រើ Chrome សម្រាប់បើកមើលតំណភ្ជាប់វែបសាយ) ប៉ុន្តែក្រោយមកចង់ប្ដូរទៅបើកតាម Firefox វិញ។ ដូច្នេះអ្នកអាចផ្លាស់ប្ដូរតាមជំហានខាងក្រោម៖
-ចូលទៅ Settings → Apps
-ចុចលើកម្មវិធីណាមួយ រួចហើយចុចលើប៊ូតុង Clear defaults
៨) រៀបចំ shortcuts របស់ Homescreen ដោយដាក់ក្នុងថត Folders
កម្មវិធីដែលដំឡើងតាមក្រោយ អាចមានភាពរប៉ាត់រប៉ាយ នៅលើ Homescreen និងអាចធ្វើឲ្យដំណើរការទូរស័ព្ទយឺត។ ការចេះរៀបចំក៏ងាយស្រួល ឱ្យអ្នកបើកកម្មវិធីបានរហ័ស មិនពិបាកចំណាយពេលអូសចុះអូសឡើងដែរ។ អ្នកអាចបង្កើតជា Folder ដោយដាក់ឈ្មោះប្រភេទកម្មវិធីងាយស្រួលចំណាំ ឧទាហរណ៍៖ Photo Edit, Game, Extra Tools។ អ្នកគ្រាន់តែបង្កើត Folder រួចហើយ ចុចជាប់មួយខណៈ ពេលនៅលើកម្មវិធី (app) ណាមួយ រួចហើយអូសចូលទីតាំងដែលអ្នកចង់រក្សាទុក។
៩) បិទ Animations ដើម្បីធ្វើឱ្យស្មាតហ្វូនដើរលឿនជាងមុន
នេះគឺជាគន្លឹះ ក្នុងការធ្វើឲ្យស្មាតហ្វូន Android ដំណើរការលឿនជាងមុន ដោយបិទ animations។ អ្នកត្រូវភ្ជាប់ជាលក្ខណៈ Developer Options នៅក្នុង Settings ឬ About របស់ទូរស័ព្ទ។
នៅក្រោម Developer options សូមចុចលើ Window animation scale រួចចុចធីកយក Animation off ដើម្បីបិទរាល់ animations ទាំងអស់។
១០) របៀបបិទ (Turn Off) មុខងារកែពាក្យដោយស្វ័យប្រវត្តិ (Auto-Correction)
លោកអ្នកពេលខ្លះប្រហែល មិនចូលចិត្តមុខងារនេះទេ ព្រោះពិបាកក្នុងការវាយអក្សរជាលក្ខណៈ ប្រកប ឱ្យតែលោកអ្នកវាយពាក្យស្រដៀង នោះនៅពេលចុចដកឃ្លា វានឹងកែពាក្យនោះអូតូ ប៉ុន្តែនេះពុំជាអ្វីដែលអ្នកចង់បានទេ។ ដើម្បីបិទត្រូវអនុវត្តតាមជំហានខាងក្រោម៖
-Settings → Language & input
-ចុចលើរូប icon Settings ដែលនៅជាប់ keyboard ដែលអ្នកកំពុងប្រើ ឧទាហរណ៍ Google Keyboard
-រកមើល Auto-Correction ហើយចុចលើវា
-ចុចយក Off ដើម្បីបិទ (auto-correction)
