កំណត់ត្រាពិភពលោកថ្មីលើកាមេរ៉ាដែលមានតម្លៃខ្ពស់កប់ពពក បានរកឃើញនៅលើ Leica 0 Series Prototype ដែលជាកាមេរ៉ារបស់ក្រុមហ៊ុនអាល្លឺម៉ង់។ វាត្រូវបានលក់ចេញដោយតម្លៃ ២,៩៦លានដុល្លារ។ កាលពីប៉ុន្មានឆ្នាំមុនកាមេរ៉ា Leica 0 Series ត្រូវបានដាក់លក់ក្នុងតម្លៃកំណត់មួយទាបជាងនេះ ហើយក្រោយៗមកចេះតែឡើងថ្លៃរហូតដល់ខ្ទង់ជិត ៣លានដុល្លារនេះ។
តម្លៃរបស់ Leica 0 Series កាលពីឆ្នាំ២០០៧ ត្រឹមតែ ៤៣៥០០០ដុល្លារប៉ុណ្ណោះ ក្រោយមកឆ្នាំ២០១១ ឡើងថ្លៃដល់ ១,៨៩លានដុល្លារ ហើយឆ្នាំ២០១២ ឡើងដល់ ២,៧៩លានដុល្លារ ហើយក្នុងឆ្នាំ២០១៨ នេះឡើងដល់ ២,៩៦លានដុល្លារ។ សូមទស្សនាវីដេអូខាងក្រោមដើម្បីស្វែងយល់បន្ថែមអំពីកាមេរ៉ាតម្លៃថ្លៃបំផុតរបស់ពិភពលោកនេះ ដែលត្រូវបានលក់ក្នុងការដេញថ្លៃកាលពីខែមុន។
https://youtu.be/g-O1kAVJsvw
ការដេញថ្លៃបានចុងក្រោយគឺនៅ Westlicht ទី៣២ នៃទីក្រុងវីឃែនប្រទេសអូទ្រីសនៅថ្ងៃទី១០ ខែមីនាដែលជាកាមេរ៉ាស៊េរី ១២២ (serial number 122) ត្រូវបានដាក់តម្លៃដេញថ្លៃដំបូងចាប់ពី ៤០០០០០អឹរ៉ូ។
វាគឺជាតម្លៃខ្ពស់បំផុតដែលមិនធ្លាប់មានក្នុងប្រវត្តិសាស្ត្រនៃកាមេរ៉ាដាក់ដេញថ្លៃ។ អ្នកឈ្នះការដេញថ្លៃកាមេរ៉ា Leica 0-series ជាមួយលេខស៊េរី 116 មុន ក៏ស្ថិតនៅសារមន្ទីរ WestLicht ដូចគ្នាដែរ គឺនៅឆ្នាំ២០១២ ជាមួយតម្លៃដេញថ្លៃសម្រេចចុងក្រោយនៅ ២,១៦លានអឺរ៉ូ៕
សូមអាន៖ Leica ចេញកាមេរ៉ា Q “Snow” ជំនាន់ Limited Edition ដើម្បីអបអរព្រឹត្តិការណ៍ Winter Olympics 2018 នេះ
ដោយ៖ រឹទ្ធិរាជ
