​ក្រុមហ៊ុន Ford ថ្មីៗ​នេះ​ទើប​ប្រកាស​រថយន្ត​ប្រភេទ​ដឹក​ទំនិញ​ស៊េរី​ថ្មី F-15 truck ​ដែល​ប្រើ​ម៉ាសីន​ម៉ាសូត 3.0L ​នឹង​មាន​លក់​លើ​ទីផ្សារ​ចាប់ពី​ខែ​ឧសភា​ក្រោយ​នេះ។ រថយន្ត truck ប្រើ​ម៉ាស៊ីន F-150 diesel ​នេះ​នឹង​ជួយ​សន្សំសំចៃ​ការ​ចំណាយ​លើ​ឥន្ធនៈ​បាន​មួយ​កម្រិត ក្នុង​ការ​ប្រើ​វា​ជា​រថយន្ត​សណ្ដោង និង​ផ្ទុក​បាន។ ម៉ាស៊ីន​របស់​វា​មាន​កម្លាំង ២៥០សេះ និង​កម្លាំង​រមូល ៥៩៦ញូវតុនម៉ែត្រ។ Ford F-15 ថ្មី​នេះ​មាន​ចង្កឹះ​លេខ​អូតូ កម្រិត​ល្បឿន​ចំនួន 10-speed SelectShift។ តាម​ការ​ប៉ាន់ស្មាន​របស់​ ទី​ភ្នាក់ងារ​ការពារបរិស្ថាន​ដែល​ហៅ​កាត់ EPA ឱ្យ​ដឹង​ថា រថយន្ត​នេះ​ស៊ី​ប្រេង 30mpg ​ឬ​ប្រហែល ១២,៧គីឡូម៉ែត្រ​ក្នុង​១លីត្រ​ក្នុង​ការ​បើកបរ​លើ​ផ្លូវ​ហាយវេ ចំណែក​ផ្លូវ​ក្នុង​ក្រុង​ស៊ី​ប្រេង 22mpg ឬ​ប្រហែល ៩,៣គីឡូម៉េត្រ/លីត្រ។ ​រថយន្ត​ប្រភេទ truck ថ្មី​របស់​ក្រុមហ៊ុន​អាមេរិក​នេះ ប្រើ​ម៉ាស៊ីន​ម៉ាសូត​ថ្មី​ដែល​អាច​ផ្ទុក​ទំនិញ​បាន​១១៤០០ផោន ទៅ ២០២០ផោន។ សម្រាប់​តម្លៃ​របស់​វា​មិន​ទាន់​ត្រូវ​ក្រុមហ៊ុន​បញ្ជាក់​ឱ្យ​ដឹង​នៅ​ឡើយ ខណៈ​កាលបរិច្ឆេទ​ដាក់​លក់​គឺ​ចាប់ពី​ខែ​ឧសភា​ក្រោយ​នេះ៕ សូម​អាន ៖ Ford បញ្ចេញ​វីដេអូ Teaser បង្ហើប​រូបរាងរថយន្ត Focus ​ស៊េរី​ថ្មី​ដែល​នឹង​បង្ហាញ​ខ្លួន​​នៅ​ថ្ងៃ​ទី១០ មេសា​នេះ​ហើយ (Video) ​ដោយ៖ រឹទ្ធិរាជ