ថ្មីៗនេះក្រុមហ៊ុន Asus ទើបសម្ពោធស្មាតហ្វូនស៊េរីថ្មីដែលមានកម្លាំងថ្មខ្លាំងរហូតដល់ 5000mAh មានឈ្មោះថា Zenfone Max Pro M1 ។ ស្មាតហ្វូនត្រកូល Zenfone ថ្មីរបស់ក្រុមហ៊ុនទូរស័ព្ទតៃវ៉ាន់នេះ បំពាក់មកជាមួយអេក្រង់ ៦អ៊ីញប្រភេទ IPS LCD សមាមាត្រ 18:9។
Asus ZenFone Max Pro M1 ជាស្មាតហ្វូនកាមេរ៉ាកាមេរ៉ាភ្លោះ ដែលមានទំហំ 13MP+5MP នៅខាងក្រោយ ហើយខាងមុខទំហំ 8MP។ វាមាន RAM ពីរជម្រើសគឺ 3GB និង 4GB និងមានដល់ម៉ូដែល RAM 6GB សម្រាប់ម៉ូដែល Premium ខ្ពស់ទាំងកាមេរ៉ាភ្លោះ 16MP+5MP និងកាមេរ៉ា selfie ទំហំ 16MP ថែមទៀត។
ស្មាតហ្វូន Asus Zenfone Max Pro M1 នឹងមានលក់ចាប់ពីថ្ងៃទី២ ខែឧសភាខាងមុខ នៅលើគេហទំព័រ Flipkart។ សម្រាប់តម្លៃម៉ូដែល 3GB/32GB ប្រហែល ១៣៥អឺរ៉ូ ចំណែកម៉ូដែល 4GB/64GB តម្លៃប្រហែល ១៦០អឺរ៉ូ ចុងក្រោយគឺម៉ូដែល 6GB/64GB តម្លៃ ១៨៥អឺរ៉ូ ដែលគិតជាលុយដុល្លារប្រហែល ១៦៥ដុល្លារ / ១៩៥ដុល្លារ / ២២៥ដុល្លារ៕
ដោយ៖ រឹទ្ធិរាជ
