​របាយការណ៍​ថ្មីៗ​នេះ អះអាង​ថា ក្រុមហ៊ុន HMD Global ​នឹង​ប្រារព្ធ​ធ្វើ​ព្រឹត្តិការណ៍​សម្ពោធ​សមិទ្ធផល​ថ្មី​នៅ​ប្រទេស​ចិន​ចុង​ខែ​មេសា​នេះ។ មាន​ការ​លើកឡើង​ថា ក្រុមហ៊ុន​អាច​នឹង​ផលិត Nokia X ​ជំនាន់​ថ្មី​ពី​ម៉ូដែល​ឆ្នាំ២០១៤ ឬ Nokia 10 ។ ពេល​នេះ នៅ​សល់​តែ​ប៉ុន្មាន​ថ្ងៃ​ទៀត ក្រុមហ៊ុន​ទូរស័ព្ទ​ហ្វាំងឡង់​នេះ នឹង​ប្រកាស​ចេញ​ផលិតផល​ថ្មីៗ ដែល​អាច​មាន ស្មាតហ្វូន Nokia X6 នៅ​ក្នុង​នោះ។

Nokia X នឹង​ពុំ​មែន​ជា ស្មាតហ្វូន​កំពូល​នោះ​ទេ ដោយ​លក្ខណៈ​សម្បត្តិ​របស់​វា មាន​អេក្រង់ ៥,៨អ៊ីញ​រចនាបថ​គែម​ស្ដើង ជាមួយ​សមាមាត្រ 19:9 aspect ratio ​(7 Plus ​មាន​សមាមាត្រ 18:9)។ វា​នឹង​មាន​កាមេរ៉ា​ក្រោយ​ភ្លោះ រៀប​បញ្ឈរ​ប្រើប្រាស់​បច្ចេកវិទ្យា Carl Zeiss Lens។ បើ​តាម​សេចក្ដី​រាយការណ៍​ថ្មី​នេះ លើកឡើង​ថា Nokia X6 អាច​នឹង​ប្រើ​ឆ្នាំងសាក​ 10W ហើយ​នឹង​មាន​លក់​ក្នុង​តម្លៃ​ចាប់ពី ១៦០០យន់ ​ទៅ ១៨០០យន់ ឬ​ប្រហែល ២៥០ដុល្លារ ​និង ២៨៥ដុល្លារ។ សូម​អាន៖ Nokia 9 ​នឹង​បង្ហាញ​ខ្លួន​ឆ្នាំ​នេះ​ អម​ជាមួយ​កាមេរ៉ា​មុខ​ភ្លោះ ប្រើ​ឈីប Snapdragon 845 និង RAM 6GB ​Nokia X6 ​នឹង​បំពាក់​ឈីប​ និង RAM ពីរ​ជម្រើស ​រួម​មាន ឈីប Snapdragon 636 អម​ដោយ RAM 6GB ​និង​ម៉ូដែល​ឈីប Helio P60 ជាមួយ RAM 4GB។ ទាំង​ពីរ​ម៉ូដែល នឹង​ដំណើរការ​ដោយ​ប្រព័ន្ធ​សូហ្វ៊ែរ Android 8.0 Oreo។ ឈីប P60 ​មាន 4 Cortex-A73 cores + 4 A53 ones ចំណែក Snapdragon ​ប្រើ Kryo 260 CPU ​ដែល​ជា​ជំនាន់​កាត់​ស្រឡាយ A53 ពាក់​កណ្ដាល ហើយ​អាច​ប្រើ​ក្រាហ្វិក​ស៊េរី Adreno៕ សូម​អាន៖ Nokia ​ចេញ​ស្មាតហ្វូន​តម្លៃ​ក្រោម $១០០ ដើរ​ដោយ Android 8.1 GO ម៉ូដែល Nokia 1 ក្នុង​ព្រឹត្តិការណ៍ MWC 2018   ​ដោយ៖ រឹទ្ធិរាជ