Huawei P20 Pro ​ជាប់​ជា​ទូរស័ព្ទ​លក់​ដាច់​បំផុត​របស់​ Huawei ក្នុង​ទីផ្សារ​អឺរ៉ុប​ខាង​លិច​



ស្មាតហ្វូន​ចេញ​ថ្មី Huawei P20 Pro ​បាន​ជួយ​ឱ្យ​ក្រុមហ៊ុន​បំបែក​កំណត់ត្រា​លក់​ដាច់​បំផុត​នៅ​លើ​ទីផ្សារ​អឺរ៉ុប​ខាង​លិច ខណៈ​ស្មាតហ្វូន​ប្អូន​របស់ P20 Pro ​គឺ Hauwei 20 ក៏​កំពុង​ជោគជ័យ​ក្នុង​ទីផ្សារ​ប្រទេស​ចិន ដោយ​បង្កើត​ចំណូល​ពី​ការ​លក់​ស្មាតហ្វូន​នេះ បាន​ប្រមាណ ១៥លាន​ដុល្លារ​ត្រឹមតែ ១០វិនាទី។

​ស្មាតហ្វូន P20 Pro ​ត្រូវ​បាន​ដាក់​លក់​នៅ​លើ​ទីផ្សារ​អឺរ៉ុប​កាលពី​ខែ​មុន (ថ្ងៃ​ទី២៧ ខែ​មីនា) ហើយ​គិត​តាំងពី​ពេល​នោះ​មក Huawei P20 Plus ​ទទួល​បាន​ការ​ចាប់អារម្មណ៍ និង​លក់​ដាច់​យ៉ាង​ខ្លាំង ពោល​គឺ​លក់​ដាច់​ជាង​ Huawei ត្រកូល P ជំនាន់​មុន​ដល់​ទៅ ៣១៦%។ ស្ថានភាព​លក់​ដាច់​ខ្លាំង​ផ្ដើម​ចេញ​ពី​បណ្ដា​ប្រទេស​អង់គ្លេស បារាំង និង​អាល្លឺម៉ង់។ ចំណែក P20 ​ក៏​មាន​ចំណែក​ទីផ្សារ​ល្អ​នៅ​តាម​បណ្ដា​ទីផ្សារ​របស់ អាល្លឺម៉ង់ អេស្ប៉ាញ និង​អ៊ីតាលី​ផង​ដែរ។ ប៉ុន្មាន​ថ្ងៃ​ទៀត​នេះ (ថ្ងៃ​ទី៣ ខែ​ឧសភា) Huawei P20 Pro ​និង P20 នឹង​មាន​លក់​នៅ​លើ​ទីផ្សារ​ប្រទេស​ឥណ្ឌា ពោល​គឺ​នៅ​លើ​គេហទំព័រ Amazon ប្រចាំ​ប្រទេស​នេះ។ ម៉ូដែល Pro ​នឹង​មាន​តម្លៃ INR 65,000 ឬ​ប្រហែល ៩៧៨ដុល្លារ​អាមេរិក៕ ​ដោយ៖ រឹទ្ធិរាជ
X
5s