ក្រោមឈ្មោះ Misty II មានន័យថា វាជាជំនាន់ក្រោយនៃរ៉ូបូត Misty សមិទ្ធផលរបស់ក្រុមហ៊ុនឯកទេសរ៉ូបូតឆ្លាតវៃ Home Robot នៅអាមេរិក Sphero ដែលបានសម្ពោធជិតមួយឆ្នាំហើយ។ ដូច្នេះ Misty II នឹងរឹតតែត្រូវផលិតអមមកជាមួយមុខងារពិសេសៗផ្ដល់អត្ថប្រយោជន៍តាមតម្រូវការចាំបាច់សម្រាប់មនុស្សនាសម័យនេះមិនខាន។
https://vimeo.com/267366586
Misty II ត្រូវបានក្រុមហ៊ុនរ៉ូបូត Sphero ប្រកាសចេញអំលុងព្រឹត្តិការណ៍ CES 2018 កាលពីខែមករា ដើមឆ្នាំនេះម្ល៉េះ ហើយទើបតែត្រូវដាក់ឱ្យបញ្ជាទិញនៅពេលនេះ ក្នុងតម្លៃចាប់ពី ១៤៩៩ដុល្លារអាមេរិក។ Misty II ជារ៉ូបូតឃ្យូតគួរស្រឡាញ់ មានតួខ្លួន និងដៃពីរ និងមានភ្នែកមួយគូ អមដោយអេក្រង់សម្រាប់ប្រើជាមុខ។
រ៉ូបូតប្រភេទ programmable robot នេះ បំពាក់ដោយឈីប Qualcomm Snapdragon ចំនួន ២បន្ទះ ហើយរត់ដោយប្រព័ន្ធសូហ្វ៊េរ Windows IoT core និង Android 7 OS។ វាថែមទាំងភ្ជាប់មកជាមួយប្រព័ន្ធស្រូបសំឡេងបច្ចេកវិទ្យាខ្ពស់ស្រូបបានឆ្ងាយ far-field array mic, បំពាក់កាមេរ៉ា 4K, មាន WiFi, មុខងារសម្គាល់ផ្ទៃមុខ Facial Recognition, បាសសំឡេងចំនួន២ និងសេនសឺរសម្រាប់កំណត់ទីតាំង ក៏ដូចជាចាប់ស្គាល់កម្មបទ។
សូមអាន៖
ចិនផលិតបានរ៉ូបូតទាហាន ទុកសម្រាប់បង្ក្រាបសកម្មភាពកុប្បកម្មផ្សេងៗដោយប្រើអគ្គិសនីឆក់
ជាមួយលក្ខណៈសម្បត្តិទាំងនេះ អ្នកអាចទាញយក (download) ឬបង្កើតជាទម្រង់បញ្ជា own skill របស់អ្នកបានតាមភាសាកម្មវិធី visual block-based programming ឬ JavaScript APIs។ ចំណុចពិសេសៗដែល Misty II អាចធ្វើបានមានដូចជា សម្គាល់មនុស្ស, ប្រព័ន្ធស្វែងរកស្វ័យប្រវត្តិ, សាកថ្មដោយខ្លួនឯងនៅលើជើង dock និងជាច្រើនទៀត។ នៅលើវែបសាយ Misty Robotics បានណែនាំអ្នក ឱ្យបញ្ចូលប្រូក្រាមដើម្បីឱ្យរ៉ូបូតបំពេញមុខងារសុវត្ថិភាព ជួយយាមល្បាតផ្ទះលោកអ្នកបាន ដោយចាត់ទុកវាជាសត្វចិញ្ចឹម ពេលអ្នកមិននៅផ្ទះ។
Misty Robotics នឹងមានដាក់លក់ក្នុងតម្លៃប្រហែល ៣២០០ដុល្លារ ប៉ុន្តែប្រសិនបើអ្នកឆាប់ទិញក្នុងកម្មវិធីបញ្ចុះតម្លៃ ៥០% ដែលមានរយៈពេល ៣០ថ្ងៃនេះ នោះអ្នកនឹងសន្សំបានដល់ទៅពាក់កណ្ដាល ដែលតម្លៃនឹងចុះមកសល់ប្រហែល ១៥០០ដុល្លារ ឬលើសនេះតិចតួចប៉ុណ្ណោះ។ រ៉ូបូតទំនើបដ៏ឃ្យូត Misty II នឹងត្រូវចែកចាយលើទីផ្សារចាប់ពីខែថ្ងៃទី៤ ខែធ្នូ៕
សូមអាន៖
Asus ផលិតបានរ៉ូបូតចេះនិយាយ ចេះដើរ និងអាចយាមផ្ទះឱ្យអ្នកបានទៀត!
ដោយ៖ រឹទ្ធិរាជ
