ក្រុមហ៊ុន Samsung អាច​នឹង​ផលិត​ចេញ Galaxy Note 9 ​ដែល​មាន RAM ​ដល់ 8GB ​ហើយ​ពិសេស​នោះ​ អាច​មាន​អង្គ​ចងចាំ​រហូត​ដល់ 512GB។ នេះ​បើ​តាម​​ការ​បង្ហោះ​​សារ​មួយ លាយឡំ​ជាមួយ​អ្នក​បញ្ចេញ​មតិ ដែល​បាន​បញ្ចេញ​តារាង benchmark ​បង្ហាញ​ឱ្យ​ឃើញ​នូវ​លក្ខណៈ​សម្បត្តិ​មួយ​ចំនួន​លើ Note 9។

គណនី Twitter ដែល​មាន​ឈ្មោះ Ice Universe ​បាន​សរសេរ​ថា “If you are lucky, you will see 8GB RAM and 512GB ROM Galaxy Note9”។ ក្រោយ​មក​ក៏​មាន​អ្នក​បញ្ចេញ​មតិ Ibrahim Jaber បាន​បង្ហាញ​តារាង Benchmark ​អំពី​ទូរស័ព្ទ​លេខ​កូដ Samsung SM-N960N ដែល​គេ​សន្និដ្ឋាន​ជា Galaxy Note 9 តែម្ដង។

អ្នក​អាច​ឃើញ​ព័ត៌មាន​អំពី​ប្រព័ន្ធ និង​ម៉ាស៊ីន​របស់​វា​ដូច​ជា ប្រព័ន្ធ​សូហ្វ៊ែរ Android 8.1 ​ម៉ូដែល Samsung SM-N960N, Motherboard ជា universal9810, Memory 5600MB (ឬ 512GB)។ ចំណែក​ព័ត៌មាន​ពី​អង្គ​ប្រតិបត្តិ​ មាន​ឈ្មោះ​ឈីប ARMv8 ប្រភេទ 8-core ​ល្បឿន 1.79GHz៕ សូម​អាន៖ ដំណឹង​ថ្មី​ពី​ស្មាតហ្វូន​បត់​បាន Foldable Smartphone ​របស់ Samsung នឹង​មាន​លេខ​កូដ “Winner” អាច​ឃើញ​ពន្លឺ​ថ្ងៃ​ឆាប់ៗ ​ដោយ៖ រឺទ្ធិរាជ