​សមាគម​ការ​ត​ភ្ជាប់​រថយន្ត (CCC) ​ដែល​ជា​អង្គការ​នៅ​ពីក្រោយ​ MirrorLink ​បាន​ចេញ​ផ្សាយ​នូវ​លក្ខណសម្បត្តិ​ដំបូង​នៃ​សោ​ឌីជីថល Digital Key។ វា​នឹង​អនុញ្ញាត​ឱ្យ​អ្នក​បើក​សោ​រថយន្ត​ដោយ​ប្រើ​ទូរស័ព្ទ​ផ្ទាល់​របស់​អ្នក តាម​បច្ចេកវិទ្យា NFC ​ហើយ​ក៏​អាច​ដំណើរការ​ម៉ាស៊ីន​រថយន្ត​ផង​ដែរ។ ការងារ​លើ Version 2.0 កំពុង​ដំណើរការ​ជាមួយ​ក្រុមហ៊ុន Apple, Samsung និង LG ដែល​ជា​ក្រុមហ៊ុន​សំខាន់​ក៏​ដូច​ជា​ក្រុមហ៊ុន​ផលិត​ឈីប Qualcomm និង NXP ​និង​ក្រុមហ៊ុន​រថយន្ត​ដូច​ជា Audi, VW, BMW, GM និង Hyundai។ ស្តង់ដារ​បន្ទាប់​គួរតែ​ត្រូវ​បាន​បញ្ចប់​នៅ​រយៈពេល ៣ខែ​ដំបូង​ឆ្នាំ​២០១៩ ខាង​មុខ។ ​ស្រមៃ​មើល​ពី​លទ្ធភាព​របស់ Digital Key ទំនើប​នេះ ឧទាហរណ៍​អ្នក​ប្រហែល​ជា​អាច​ឱ្យ​នរណា​ម្នាក់​ខ្ចី​រថយន្ត​របស់​អ្នក​ជិះ​បាន ទោះបី​អ្នក​​កំពុង​ស្ថិត​នៅ​ក្រៅ​ប្រទេស​ អំឡុង​វិស្សមកាល​ដើរ​កម្សាន្ត​ក៏​ដោយ។ ក្រុមហ៊ុន​មួយ​អាច​ចាប់ផ្ដើម​ផ្ដល់​ជូន​សេវា​ជួល​រថយន្ត តាម​វិធី​យ៉ាង​សាមញ្ញ​គឺ​ដោយ​ប្រើ app នៅ​លើ​ស្មាតហ្វូន ហើយ​គ្រាន់តែ​ដើរ​ទៅ​រក​រថយន្ត និង​ចុច​ដោះសោ​ជា​ការ​ស្រេច៕ សូម​អាន៖ Audi Q8 រថយន្ត​ទំនើប​ស៊េរី​ថ្មី​ រចនាម៉ូត​ទាន់សម័យ​ជាង​គេ​ក្នុង​ត្រកូល Q ទើប​បង្ហាញ​ខ្លួនក្ដៅ (Video) ​ដោយ៖ រឹទ្ធិរាជ