​រក​ឃើញ​បាក់តេរី​បង្កជំងឺគ្រោះ​ថ្នាក់ដល់​ទារក​ ក្នុង​គំរូទឹកដោះគោ Dumex​



អគ្គនាយកដ្ឋានកាំកុងត្រូល​ នៃក្រសួងពាណិជ្ជកម្ម​   បាន​ចេញ​ផ្សាយ​នៅ​លើ​បណ្ដាញ​សង្គម​ Facebook របស់​ខ្លួន​​ក្នុងគោលបំណង​ជម្រាបដំណឹងជូនសាធារណៈជន​ ពាណិជ្ជករនាំចូលអាជីវករលក់ដុំ​ លក់រាយ​ថា​៖​ អាជ្ញាធរកសិម្ហូបអាហារ​ និងបសុពេទ្យប្រទេសសិង្ហបុរី​ បានជូនដំណឹងអំពីការរកឃើញបាក់តេរី​ Cronobacter sakazakii នៅក្នុងគំរូផលិតផលម្សៅទឹកដោះគោសម្រាប់ទារក​ Dumex Mamil Gold Infant Milk Formula-Step1 ដែលមានប្រភពដើមនៅប្រទេសម៉ាឡេសុី​ និង​នាំ​ចូលដោយ​ក្រុមហ៊ុន Danone Dumex។

ក្នុង​សេចក្ដី​ប្រកាស​ព័ត៌មាន​នេះ​ដែរ​បាន​ឱ្យ​ដឹង​ថា​ អាជ្ញាធរ​សិង្ហបុរី បាន​ផ្ដល់​ការ​ណែនាំ​ដល់​ក្រុមហ៊ុន​នាំ​ចូល​ឱ្យ​ប្រមូល​ត្រលប់​មក​វិញ​នូវ​ឡូតិ៍​ផលិតផល​ដែឡ​មាន​បញ្ហា​ និង​ផ្ដល់​ដំបូន្មាន​ដល់​អ្នក​ប្រើ​ប្រាស់​ដែល​ផ្ដល់​ជា​អាហារ​ដល់​ទារក។ បើ​តាម​ប្រភព​ដដែល​ ការ​ទទួល​ទាន​អាហារ​ ឬ​ទឹកដោះគោ​ដែល​មាន​ផ្ទុក​នូវ​បាក់តេរី​នេះ​ ​បណ្ដាល​ឱ្យ​​មាន​ជំងឺ​រលាកពោះវៀនធំ ពោះវៀនតូច​ រលាក​ស្រោម​ខួរក្បាល ។ល។ ហើយ​ទារក​ដែល​មាន​អាយុ​តិច​ជាង​ ២​ខែ (អត្រា​នៃ​ការ​ស្លាប់​មាន​ពី ១០% ទៅ ៨០%) ហើយ​ជន​ដែល​មាន​ប្រព័ន្ធ​ភាព​ស៊ាំ​នឹង​ជំងឺ​នេះ​នឹង​មាន​លក្ខណៈ​ទន់​ខ្សោយ ពោល​គឺ​ជា​ជន​ដែល​ងាយ​រង​គ្រោះ​បំផុត។ បាក់តេរី​គ្រោះ​ថ្នាក់​ ខាង​លើ មិន​ត្រូវ​បាន​រក​ឃើញ​គ្រប់​ផលិតផល​នោះ​ទេ ពោល​គឺ​នៅ​ Batch No: 09117R1 ដែល​មាន​កាលបរិច្ឆេទ​ផុត​កំណត់​ថ្ងៃ​ទី១១ ខែ​កញ្ញា ឆ្នាំ​២០១៩។  


  ​

X
5s