ប្រទេស ៤នៅអាស៊ានមានទាំងកម្ពុជា ១ផង កំពុងទទួលបានការចាប់អារម្មណ៍លើការវិនិយោគអចលនទ្រព្យ
ថ្មីៗនេះបណ្តាប្រទេសនៅអាស៊ីជាច្រើនបានបង្ហាញជាទីផ្សារដែលកំពុងរីកចម្រើននិងជាកម្លាំងដ៏សំខាន់មួយនៅក្នុងសេដ្ឋកិច្ចពិភពលោក។ ជាមួយនឹងកំណើននេះ យើងអាចនិយាយបានថា ប្រទេសនៅក្នុងតំបន់នេះ បាននិងកំពុងផ្ដោតការយកចិត្តទុកដាក់របស់ខ្លួនទៅលើលំនៅដ្ឋាន និងហេដ្ឋារចនាសម្ព័ន្ធដែលជាតម្រូវការរបស់ប្រជាជនរស់នៅក្នុងទីក្រុង។
ដោយសារតែហេតុនេះហើយ ឱកាសសម្រាប់ការវិនិយោគជាច្រើនបានទាក់ទាញវិនិយោគិនបរទេសជាច្រើន ជាពិសេសនៅតំបន់អាស៊ាន ដោយសារកំណើនសេដ្ឋកិច្ចដ៏ឆាប់រហ័សនៅក្នុងប្រទេសមួយចំនួនដូចជា ហ្វីលីពីន ថៃ និង វៀតណាម ដែលជាប្រទេសកំពុងតែរីកចំរើន។ តួយ៉ាងសេដ្ឋកិច្ចក្នុងតំបន់នេះបានកើនឡើង ៤.៨% នៅក្នុងឆ្នាំ ២០១៦ ហើយវានឹងបន្តកើនឡើងសម្រាប់ពេលអនាគត។ ប្រទេសក្នុងតំបន់អាស៊ានច្បាស់ណាស់ គឺជាទីតាំងដ៏ល្អបំផុតក្នុងការវិនិយោគជាពិសេសលើវិស័យអចលនទ្រព្យ។ នៅក្នុងអត្ថបទនេះ Bizkhmer នឹងបង្ហាញអំពីបណ្តាប្រទេសកំពូលទាំង ៤ នៅក្នុងតំបន់អាស៊ានដែលអ្នកគួរតែធ្វើការវិនិយោគអចលនទ្រព្យ ក្នុងនោះរួមមានប្រទេសកម្ពុជាមួយផងបើផ្អែកតាមការចេញផ្សាយរបស់គេហទំព័រ adaptproptech.com។
សិង្ហបុរី
ប្រទេសសិង្ហបុរី គឺជាទីផ្សារអចលនទ្រព្យមួយក្នុងចំណោមទីផ្សារអចលនទ្រព្យដែលងាយស្រួលក្នុងការវិនិយោគ។ ទីផ្សារអចលនទ្រព្យដែលមានភាពងាយស្រួលក្នុងការស្វែងរកព័ត៌មានហើយសេដ្ឋកិច្ចរឹងមាំ រដ្ឋទីក្រុងនេះមានទីផ្សារអចលនវត្ថុដែលអាចប្រកួតប្រេជែងជាមួយទីក្រុង ឡុង និងញូវយ៉ក។ ប្រទេសសិង្ហបូរីក៏ជាទីផ្សារអចលនទ្រព្យដែលមានតម្លៃថ្លៃជាងគេបំផុតនៅលើពិភពលោកដូច្នេះអ្នកត្រូវមានទ្រព្យសម្បត្តិ ច្រើនដើម្បីវិនិយោគលើអចលនទ្រព្យក្នុងប្រទេសនេះ។
ម៉ាឡេស៊ី
ប្រទេសម៉ាឡេស៊ីគឺជាប្រទេសតែមួយគត់នៅក្នុងតំបន់អាស៊ីអាគ្នេយ៍ដែលជនបរទេសអាចមានដីផ្ទាល់ខ្លួនបានយ៉ាងងាយស្រួលក៏ដូចជាខុនដូនិងផ្ទះផងដែរ។ ប្រទេសម៉ាឡេស៊ីគឺជាឱកាសក្នុងការវិនិយោគដ៏ល្អសម្រាប់អ្នកដែលស្វែងរកនូវជម្រើសផ្សេងៗម្យ៉ាងទៀត អចលនទ្រព្យនៅប្រទេសម៉ាឡេស៊ីមានតម្លៃទាបនៅឡើយបើប្រៀបធៀបទៅនឹងប្រទេសជិតខាងភាគច្រើនដូចជាសិង្ហបុរីជាដើម។
ហ្វីលីពីន
ជាមួយនឹងការផ្លាស់ប្តូរសេដ្ឋកិច្ចថ្មីដែលត្រូវបានអនុវត្តដោយរដ្ឋាភិបាលហ្វីលីពីន វិនិយោគិនបរទេសឥឡូវនេះនឹងឃើញនូវគោលនយោបាយដែលមានភាពស្និទ្ធស្នាលជាងមុនជាមួយពួកគេ។ ការវិនិយោគហេដ្ឋារចនាសម្ព័ន្ធក៏ត្រូវបានបង្កើតឡើងផងដែរដែលនឹងធ្វើឱ្យមានកំណើនសេដ្ឋកិច្ចនាំមកនូវការអភិវឌ្ឍបន្ថែមទៀតដល់តំបន់ដែលមិនធ្លាប់មានពីមុនមកមក។ ក្នុងនោះដែរ តម្លៃសម្រាប់អចលនទ្រព្យ ដូចជាផ្ទះវីឡា និងសំណង់លំនៅស្ថាន ពិតជាជាសមរម្យណាស់ ទោះជាយ៉ាងណាក៏ដោយខុនដូខ្ពស់ ៗ នៅតែជាប្រភេទអចលនទ្រព្យងាយស្រួលបំផុតសម្រាប់ជនបរទេស។
កម្ពុជា
ជាប្រទេសដែលមានកំណើនសេដ្ឋកិច្ចលឿនជាងគេបំផុតនៅតំបន់អាស៊ីអាគ្នេយ៍ កម្ពុជាដែលមានប្រជាជនជាង ១៦លាននាក់ ត្រូវបានគេមើលឃើញថា ជាទីផ្សារដែលមានសក្ដានុពលខ្លាំងមួយនៅក្នុងតំបន់ខាងវិស័យអចលនទ្រព្យ។ កម្ពុជាអាចនិយាយបាថា ជាប្រទេសមានកំណើនស្ថិតនៅក្នុងប្រភេទប្រទេសអភិវឌ្ឍន៍មានល្បឿនលឿនជាងប្រទេសអភិវឌ្ឍន៍តិចតួច ឬហៅតាមភាសាអង់គ្លេសថា Frontier Market Country។ យើងមានលក្ខខណ្ឌល្អប្រសើរសម្រាប់វិនិយោគ ពោលគឺការវិនិយោគមានការការងារ អាចធ្វើពិពិធកម្មបាន និងមានកំណើនដោយសារតែទីផ្សារសម្បូរទៅដោយកម្លាំងពលកម្ម និងឱកាស។ រូបិយប័ណ្ណដុល្លារដែលកម្ពុជាប្រើប្រាស់ក្នុងសេដ្ឋកិច្ច ក៏ជាបច្ច័យទាក់ទាញមួយដែរព្រោះថា ដុល្លារហាក់មានស្ថិរភាពជាងរូបិយប័ណ្ណក្នុងបណ្ដាប្រទេសមួយចំនួនដូចជា ដុង និងរូព្យ៉ាជាដើម៕
