ដឹងអត់ Angelina Jolie រៀបការប៉ុន្មានដងហើយ?
Angelina Jolie មុននឹងរៀបការជាមួយនឹង Brad Pitt បានរៀបការពីរដងរួចហើយ ដោយស្វាមីទីមួយរបស់នាងជាអ្នកដឹកនាំរឿងជនជាតិអង់គ្លេស ខណៈស្វាមីទីពីររបស់នាងគឺជាជនជាតិអាមេរិក និងមានអាជីពជាតារាសម្ដែងអាមេរិក អ្នកដឹកនាំ និង ជាតន្ត្រីករ។
អាពាហ៍ពិពាហ៍ដំបូងរបស់ Angelina ជាមួយនឹងស្វាមីទីមួយគឺលោក Jonny Lee Miller បានកើតឡើងនៅឆ្នាំ១៩៩៦ ដែលកាលណោះ Angelina គ្រាន់តែជាក្មេងស្រីវ័យ២១ឆ្នាំម្នាក់ប៉ុណ្ណោះ ដូច្នេះអាពាហ៍ពិពាហ៍នេះមានអាយុកាលត្រឹមតែ៣ឆ្នាំប៉ុណ្ណោះ អ្នកទាំងពីរក៏បានចែកផ្លូវគ្នាដើរ ប៉ុន្តែអ្នកទាំងពីរនៅតែរក្សាចំណងមិត្តភាពជាមិត្តភក្ដិនឹងគ្នា ហើយនៅពេលត្រូវសួរថាហេតុអ្វីបានជាបែកបាក់គ្នា អ្នកទាំងពីរបានឆ្លើយថាបញ្ហាចម្បងគឺព្រោះតែកាលណោះពួកគេទាំងពីរនៅក្មេងពេក។
បន្ទាប់ពីអាពាហ៍ពិពាហ៍ទីមួយបរាជ័យ ក្នុងឆ្នាំ ២០០០ នាងបានរៀបការម្តងទៀតជាមួយនឹងលោក Billy Bob Thornton ដែលជាតារាសម្ដែង អ្នកនិពន្ធ តន្ត្រីករ និង អ្នកដឹកនាំរឿង ប៉ុន្តែគួរឱ្យសោកស្ដាយព្រោះអាពាហ៍ពិពាហ៍លើកទីពីរនេះមានរយៈកាលត្រឹម ៣ឆ្នាំប៉ុណ្ណោះក៏បែកបាក់គ្នាទៀត ពោលគឺបែកគ្នាត្រឹមតែពីរទៅបីខែមុននឹងអ្នកទាំងពីររៀបចំចិញ្ចឹមកូនចិញ្ចឹមប៉ុណ្ណោះ។
រហូតដល់ចុងក្រោយនេះ Angelina បានរៀបការជាលើកទីបីជាមួយនឹងតារាសម្ដែងម្ចាស់ពានរង្វាន់មាសពិភពលោក Brad Pitt ដោយទំនាក់ទំនងអ្នកទាំងពីរបានត្រូវមហាជនដឹងជាសាធារណៈតាំងពី
ឆ្នាំ ២០០៦មកម្ល៉េះ។
Angelina Jolie បានរៀបអាពាហ៍ពិពាហ៍ជាលើកទីបីជាមួយ Brad Pitt ដោយអ្នកទាំងពីរមានកូនប្រុសកូនស្រីក្នុងបន្ទុកសរុប៦នាក់ កូនបង្កើត៣នាក់ និង កូនចិញ្ចឹម៣នាក់ ពោលគឺមានជនជាតិអេត្យូពី ជនជាតិវៀតណាម ដោយក្នុងនោះកូនប្រុសច្បង Maddox គឺជាជនជាតិខ្មែរ។
ប្រែសម្រួល៖ សុខា នីកា
ប្រភព៖www.qsponge.com
