ឯកឧត្តមបណ្ឌិត សេង សុភាព បង្ហាញ ៤ចំណុចជួយធ្វើឲ្យកម្ពុជាអាចឈានជើងចូលក្នុងសេដ្ឋកិច្ចឌីជីថល
ប្រព័ន្ធបច្ចេកវិទ្យាកំពុងតែរីកចម្រើនឥតឈប់ឈរពីមួយថ្ងៃទៅមួយថ្ងៃ ថ្វីត្បិតតែវាបានដើរតួនាទីយ៉ាងសំខាន់ក្នុងការជួយសម្រួលដល់កិច្ចការផ្សេងៗក៏ពិតមែន ប៉ុន្តែដោយឡែក ទីផ្សារការងារសម្រាប់ប្រជាជនអាចនឹងត្រូវប្រឈមដោយសារតែការជំនួសនូវកម្លាំងពលកម្មដោយឧបករណ៍បច្ចេកវិទ្យាទំនើបទាំងនេះ ទន្ទឹមគ្នានោះ ឯកឧត្តមបណ្ឌិត សេង សុភាព ប្រធានវិទ្យាស្ថានជាតិ NIPTICT នៅក្នុងកម្មវិធី Barcamp 2018 បានបង្ហាញពីវិធីសាស្រ្ត ៤ ចំណុចដើម្បីធ្វើឲ្យកម្ពុជាអាចឈានជើងចូលក្នុងសេដ្ឋកិច្ចឌីជីថល។
នៅក្នុងការធ្វើបទបង្ហាញខ្លី ឯកឧត្តមបណ្ឌិត សេង សុភាព បានលើកឡើង និងបង្ហាញពីឧទាហរណ៍នៃម៉ាស៊ីនដែលប្រើប្រាស់បច្ចេកវិទ្យាទំនើបបច្ចុប្បន្ន ធ្វើការបានល្អជាងមនុស្សទៅទៀត ដូច្នេះបុគ្គលិកនៅស្ថាប័ន និងពិសេសយុវជនអាចនឹងប្រឈមនឹងការបាត់បង់ការងារ។ ឯកឧត្តម មានប្រសាសន៍ដោយសង្កត់ធ្ងន់ដូច្នេះថា៖ "យើងត្រូវតែមានការផ្លាស់ប្តូរដើម្បីឈានជើងចូលទៅក្នុងយុគ្គសម័យឌីជីថលនេះ ព្រោះអ្វីៗផ្លាស់ប្តូរលឿនណាស់"។
ខាងក្រោមនេះ ជាវិធីសាស្រ្តទាំង ៤ ដើម្បីធ្វើឲ្យកម្ពុជាអាចឈានជើងចូលទៅក្នុងសេដ្ឋកិច្ចឌីជីថលរបស់ ឯកឧត្តមបណ្ឌិត សេង សុភាព ដែលបានលើកឡើង៖
ទី១ ការពង្រឹងនិងតភ្ជាប់ប្រព័ន្ធឌីជីថលបន្តទៀត ដើម្បីធ្វើយ៉ាងណាអាចឲ្យប្រជាពលរដ្ឋមិនថាអ្នកដែលស្ថិតនៅក្នុងតំបន់ជនបទក៏ដោយ អាចប្រើប្រាស់ប្រព័ន្ធបច្ចេកវិទ្យា ប្រព័ន្ធអ៊ីនធឺណេតល្បឿនលឿនទាំងនេះបាន ពោលគឺមានន័យថាប្រជាជនទាំងអស់គ្នាអាចចូលរួមប្រើប្រាស់បាន។
ទី២ រដ្ឋាភិបាលត្រូវបម្លែងខ្លួនឲ្យទៅជារដ្ឋាភិបាលអេឡិចត្រូនិច ដែលអាចការពារបាននូវសុវត្ថិភាពនៅលើប្រព័ន្ធអ៊ីនធឺណេត។
ទី៣ ការពង្រឹងនូវបរិស្ថានសម្រាប់អាជីវកម្មតូចៗ និង Start-up ដោយព្យាយាមធ្វើយ៉ាងណាឲ្យពួកគាត់បានប្រើប្រាស់នូវប្រព័ន្ធបច្ចេកវិទ្យាឲ្យបានច្រើន ដើម្បីឲ្យពួកគាត់មានភាពប្រកួតប្រជែងនៅក្នុងការផ្ដល់សេវាកម្មនិងផលិតផលដែលល្អ និងបើកទីផ្សារធ្វើយ៉ាងណាឲ្យ Startup មានទីផ្សារក្នុងការធ្វើអាជីវកម្ម។
ទី៤ ធ្វើយ៉ាងណាត្រូវតែជម្រុញឲ្យយុវជនកម្ពុជាឈានជើងចូលទៅក្នុងសម័យឌីជីថល។ ឯកឧត្តមបានបង្ហាញថា មានយុវជនកម្ពុជាមិនដល់១០%ទេដែលកំពុងសិក្សាជំនាញផ្នែក ICT (Information and Communiction Technology) ដោយឡែក មានប្រហែលជាជាង ៥០%ឯណោះដែលកំពុងតែសិក្សាជំនាញផ្នែកវិទ្យាសាស្រ្តសង្គម ដែលនេះគឺបង្ហាញពីបញ្ហាប្រឈមខ្លាំងផ្នែកទីផ្សារការងារ។ លោកបន្ថែមថាយុវជនត្រូវត្រៀមខ្លួនហើយគួរឈប់គិតពីអ្វីដែលជាមុខរបរបែបប្រពៃណី ហើយត្រូវសិក្សាជំនាញឲ្យបានច្រើនជាងមុន៕
អត្ថបទ៖ ជួប ស្រីរ័ត្ន
នៅក្នុងការធ្វើបទបង្ហាញខ្លី ឯកឧត្តមបណ្ឌិត សេង សុភាព បានលើកឡើង និងបង្ហាញពីឧទាហរណ៍នៃម៉ាស៊ីនដែលប្រើប្រាស់បច្ចេកវិទ្យាទំនើបបច្ចុប្បន្ន ធ្វើការបានល្អជាងមនុស្សទៅទៀត ដូច្នេះបុគ្គលិកនៅស្ថាប័ន និងពិសេសយុវជនអាចនឹងប្រឈមនឹងការបាត់បង់ការងារ។ ឯកឧត្តម មានប្រសាសន៍ដោយសង្កត់ធ្ងន់ដូច្នេះថា៖ "យើងត្រូវតែមានការផ្លាស់ប្តូរដើម្បីឈានជើងចូលទៅក្នុងយុគ្គសម័យឌីជីថលនេះ ព្រោះអ្វីៗផ្លាស់ប្តូរលឿនណាស់"។
ខាងក្រោមនេះ ជាវិធីសាស្រ្តទាំង ៤ ដើម្បីធ្វើឲ្យកម្ពុជាអាចឈានជើងចូលទៅក្នុងសេដ្ឋកិច្ចឌីជីថលរបស់ ឯកឧត្តមបណ្ឌិត សេង សុភាព ដែលបានលើកឡើង៖
ទី១ ការពង្រឹងនិងតភ្ជាប់ប្រព័ន្ធឌីជីថលបន្តទៀត ដើម្បីធ្វើយ៉ាងណាអាចឲ្យប្រជាពលរដ្ឋមិនថាអ្នកដែលស្ថិតនៅក្នុងតំបន់ជនបទក៏ដោយ អាចប្រើប្រាស់ប្រព័ន្ធបច្ចេកវិទ្យា ប្រព័ន្ធអ៊ីនធឺណេតល្បឿនលឿនទាំងនេះបាន ពោលគឺមានន័យថាប្រជាជនទាំងអស់គ្នាអាចចូលរួមប្រើប្រាស់បាន។
ទី២ រដ្ឋាភិបាលត្រូវបម្លែងខ្លួនឲ្យទៅជារដ្ឋាភិបាលអេឡិចត្រូនិច ដែលអាចការពារបាននូវសុវត្ថិភាពនៅលើប្រព័ន្ធអ៊ីនធឺណេត។
ទី៣ ការពង្រឹងនូវបរិស្ថានសម្រាប់អាជីវកម្មតូចៗ និង Start-up ដោយព្យាយាមធ្វើយ៉ាងណាឲ្យពួកគាត់បានប្រើប្រាស់នូវប្រព័ន្ធបច្ចេកវិទ្យាឲ្យបានច្រើន ដើម្បីឲ្យពួកគាត់មានភាពប្រកួតប្រជែងនៅក្នុងការផ្ដល់សេវាកម្មនិងផលិតផលដែលល្អ និងបើកទីផ្សារធ្វើយ៉ាងណាឲ្យ Startup មានទីផ្សារក្នុងការធ្វើអាជីវកម្ម។
ទី៤ ធ្វើយ៉ាងណាត្រូវតែជម្រុញឲ្យយុវជនកម្ពុជាឈានជើងចូលទៅក្នុងសម័យឌីជីថល។ ឯកឧត្តមបានបង្ហាញថា មានយុវជនកម្ពុជាមិនដល់១០%ទេដែលកំពុងសិក្សាជំនាញផ្នែក ICT (Information and Communiction Technology) ដោយឡែក មានប្រហែលជាជាង ៥០%ឯណោះដែលកំពុងតែសិក្សាជំនាញផ្នែកវិទ្យាសាស្រ្តសង្គម ដែលនេះគឺបង្ហាញពីបញ្ហាប្រឈមខ្លាំងផ្នែកទីផ្សារការងារ។ លោកបន្ថែមថាយុវជនត្រូវត្រៀមខ្លួនហើយគួរឈប់គិតពីអ្វីដែលជាមុខរបរបែបប្រពៃណី ហើយត្រូវសិក្សាជំនាញឲ្យបានច្រើនជាងមុន៕
អត្ថបទ៖ ជួប ស្រីរ័ត្ន
