អ្វីជាឧបសគ្គក្នុងការធ្វើ VLOG និង YOUTUBE?
ថ្មីៗនេះបណ្ដា Vloggers និង YouTubers បានប្រមូលផ្ដុំគ្នាក្នុងកម្មវិធីបាខេមអាស៊ានឆ្នាំ ២០១៨ នៅវិទ្យាស្ថានបច្ចេកវិទ្យាកម្ពុជា។ ក្រោមប្រធានបទ "Meet your favorite youtubers: Stories and Inspirations Behind Content Creation” ពួកគេ បានចែករំលែកបទពិសោធន៍ និងចំណេះដឹងជាច្រើន ពាក់ព័ន្ធនឹងការធ្វើ Vlog និង YouTube។ ពេលនោះពួកគេក៏បានបង្ហាញពីឧបសគ្គ ដែលស្ទើរឱ្យពួកគេបោះបង់ចោល។
រូបបាខេមភ្នំពេញ៖ Raven Blaze (ស្ដាំ)
ចំណែក Vlogger ជិះម៉ូតូផ្សងព្រេង Frost Zk អ្វីដែលជាឧបសគ្គរបស់លោកគឺ ខ្លួនលោកផ្ទាល់តែម្ដង។ លោកថានៅពេលលោកជិះម៉ូតូយូរៗទៅ មហិច្ឆតាចម្ងាយផ្លូវរបស់លោក កាន់តែឆ្ងាយៗទៅរហូតរាប់ម៉ឺនគីឡូ។ លោកមិនត្រឹមតែចង់ជិះជុំវិញស្រុកខ្មែរប៉ុណ្ណោះទេ ថែមទាំងចង់ជិះក្រៅប្រទេសទៀតផង។ ចំពោះបទពិសោធន៍ក្រៅប្រទេស លោកបានទៅប្រទេសវៀតណាម និងឡាវជាដើម។ លោកមានមហិច្ឆតា បង្ហាញទង់ជាតិខ្មែរ ដល់ប្រទេសផ្សេងៗទៀត តាមដែលអាចធ្វើបាន។ ទី២ គឺ Hater។ លោកថា មានទឹកចិត្ត និងបាក់ទឹកចិត្ត ក៏ដោយសារអ្នកគាំទ្រ។ ចំពោះដំណោះស្រាយ នឹងចូលទៅមើលប្រអប់ Comment។ បើ Comment ល្អ លោកយកទុក បើមិនល្អលោកមិនទុកក្នុងចិត្តឡើយ។
រូបបាខេមភ្នំពេញ៖ Frost Zk
ចំណែក Vlogger វ័យក្មេង ឡាយ ប៊ុនឡេង (Bunleng Lay) ក៏មានឧបសគ្គដូចគ្នាដែរ គឺ Hater ពេលវេលា និងទីតាំង។ បើតាមយុវជនរូបនេះ Hater ខ្លះ បញ្ចេញមតិមិនល្អ ហើយធ្វើឱ្យយុវជនចង់បោះបង់ម្ដងៗ ចំពោះដំណោះស្រាយ របស់យុវជន ប៊ុនឡេង គឺ ឈប់ខ្វល់។
Vlogger វ័យក្មេង ឡាយ ប៊ុនឡេង
ពេលវេលា ក៏ជាបញ្ហា ក៏ដោយសារតែប៊ុនឡេង ជាសិស្សកំពុងសិក្សានៅវិទ្យាស័យ ត្រូវការរៀនសូត្រច្រើន គ្មានពេលធ្វើប្លុកឡើយ ខណៈបញ្ហាចុងក្រោយ គឺទីតាំង។ ផ្ទះរបស់ ប៊ុនឡេង នៅកន្លែងប្រជុំជន មានសំឡេងរំខានច្រើន ជាហេតុពិបាកថត។ ចំពោះដំណោះស្រាយ ប៊ុនឡេង ទិញម៉ៃតូចៗដាក់ជាមួយទូរសព្ទ ឬកាមេរ៉ា ដើម្បីថត។ ចំពោះ Vlogger ផ្សេងទៀត រួមមាន ពូឃ្លាំង, ហេង វិសាល, Blank វិទូ, Samdy, ខ្មៅ, GMK, Seak Vlogger,Fa Seng ដែលមានវត្តមាននាថ្ងៃនោះ ក៏បានបង្ហាញបញ្ហាដូចៗគ្នាដែរ ពាក់ព័ន្ធពេលវេលា ពោលគឺ ពួកគេមិនបានដេក រវល់ការងារផ្ទាល់ខ្លួន សុខភាពអន់ថយ និងបាត់បង់ពេលសប្បាយជាមួយមិត្តភ័ក្តិ និងក្រុមគ្រួសារជាដើម ព្រោះតែរវល់ថត Vlog។ យ៉ាងណាពួកគេក៏បានប្រាប់ដែរថា បើចង់ធ្វើ Volg មួយមានអ្នកមើលច្រើន ត្រូវមាន Content ច្បាស់លាស់ កុំ Fake អត្តចរិត (អត្តចរិតក្នុងវីដេអូយ៉ាងម៉េច នៅខាងក្រៅក៏យ៉ាងនោះដែរ) ស្រលាញ់ និងកុំគិតពីរឿងរកលុយខ្លាំងពេក៕
