ទូរស័ព្ទ iPhone 6S បានអន្ទងចិត្តសាធារណជនមិនតិចទេ ឱ្យឈ្លក់ វង្វេងជាមួយភាពទំនើប ទាំងនៅលើការរចនា និងមុខងារថ្មីពិសេសៗនៅលើនោះ។ ដោយសារមុខងារសំបូរបែបដូច្នេះហើយទើប មានម្ចាស់ iPhone ទំនើបនេះមួយចំនួន ពុំមានពេលស្រាវជ្រាវ មុខងារ និងលក្ខណៈនៃការប្រើប្រាស់អស់នៅឡើយ។ ទំព័រនេះ យើងសូមលើកយក គន្លឹះ និងល្បិច ក្នុងការប្រើប្រាស់ iPhone 6S មាន ៩ចំណុចមកបង្ហាញជូនដូចខាងក្រោម៖
https://youtu.be/jlqvH7CO6bY
១) កំណត់ប្រើ ឬដាក់ Live Photo នៅលើ lockscreen
មុខងារ Live Photos ពិតជាពិសេស ព្រោះវាជាប្រភេទរូបថតមានចលនា ហើយនៅលើ iPhone 6S/6S Plus លោកអ្នកក៏អាចបង្កើតប្រភេទរូបបែបនេះបានដែរ។ ដើម្បីកំណត់ប្រើ ឬដាក់ Live Photo នៅលើ Lockscreen ទូរស័ព្ទ គឺត្រូវចូលទៅ Live Photo ដែលអ្នកចង់ប្រើ រួចហើយចុចលើប៊ូតុង Share → ចុចលើប៊ូតុង Wallpaper → កំណត់ទម្រង់រូបឱ្យរូប Live Photo បានពេញផ្ទៃអេក្រង់ (screen) តាមចំណូលចិត្តរបស់អ្នក → ប្រូវប្រាកដថា ប៊ូតុង Live Photo បាន select យក និងចុចកំណត់យក (set)។ បន្ទាប់មកជ្រើសរើស 'Set Lock Screen' 'Set Home Screen' ឬ 'Set Both'។
២) ប្ដូរទៅប្រើកម្មវិធីមួយផ្សេងទៀតបានរហ័ស (Quickly switch to another app)
ត្រូវចុចអូសពីចុងអេក្រង់ម្ខាងផ្នែកឆ្វេងទៅស្ដាំ ដើម្បីបើកចូលទម្រង់ “Multi-tasking Mode”។ អ្នកនឹងឃើញផ្ទាំងកម្មវិធីដែលទើបបានបើកពីពេលថ្មីៗ (recent used app)។
៣) សរសេរសារឆ្លើយតប ឱ្យរហ័សបំផុត (Text a response super quickly)
បើកកម្មវិធីផ្ញើសារ (Message) រួចហើយចុចអូសពីក្រោមឡើងលើ (ដូចរូប) ដើម្បីបង្ហាញចេញតារាងឃ្លាសម្រាប់ឆ្លើយតបរហ័ស ដូចជា “ OK”, “Thanks!” និង “Talk later?”។
៤) ចុចលើ keyboard ឱ្យប្រែទៅជា trackpad ងាយស្រួល select ជាបណ្ដុំ (Press the keyboard to turn it into a trackpad)
ដោយគ្រាន់តែចុចជាប់ ហើយអូសឡើង នៅលើ keyboard ដើម្បីប្ដូរ (move) cursor បាន (ដូចរូប)។
៥) ចែកចាយរូបថតពីក្នុង All Photos
ឥឡូវ ឧទាហរណ៍ថា អ្នកកំពុងបើកមើលរូបថត។ ប្រសិនអ្នកចុចសង្កត់លើរូបថតមួយសន្លឹកណា ហើយចាប់អូសឡើងលើ នោះអ្នកនឹងឃើញជម្រើសដូចជា៖ copy, favorite, share ឬ delete រូបថត។
៦) ធ្វើការ Preview តំណភ្ជាប់ (link) ណាមួយដោយមិនចាំបាច់បើកតាប (tab) ថ្មី
នៅក្នុងកម្មវិធី Safari, Messages ឬ Mail អ្នកគ្រាន់តែចុចឱ្យជាប់មួយខណៈពេលនៅលើ Link ណាមួយ នោះអ្នកនឹងឃើញ preview វាបាន។ ក្នុង Safari អ្នកថែមទាំងអាច ចុចជាប់ ហើយអូសឡើងលើ ដើម្បី copy តំណភ្ជាប់ URL ឬបន្ថែមវាចូលទៅបញ្ជី reading list របស់អ្នកបាន។
៧) ធ្វើការ Preview លើរូបថតដែលទើបថតបានថ្មីៗ ខណៈ ពេលកំពុងថតរូបថ្មី
នៅក្នុង Camera សូមចុចឱ្យជាប់លើរូប thumbnail ដែលស្ថិតនៅផ្នែកខាងក្រោម និងខាងឆ្វេង ហើយ អូសពីឆ្វេងទៅស្ដាំដើម្បីបង្ហាញចេញរូបថតជាស៊េរីដែលបានថតកន្លងទៅក្នុង Camera Roll (មើលរូប)។
៨) ដំណើរការ (Activate) មុខងារ Siri ជាមួយសំឡេងរបស់អ្នក
នៅលើ iPhone 6S មានលក្ខណៈពិសេស លើការប្រើប្រាស់មុខងារ Siri។ អ្នកអាចនិយាយថា “Hey Siri” គឺនឹងអាចដំណើរការ Activate មុខងារនេះបាន។ កាន់តែពិសេស នៅពេលណាអ្នករកទូរស័ព្ទមិនឃើញ អ្នកគ្រាន់តែនិយាយ “Hey Siri” ឱ្យឮៗ ហើយសួរថា “where are you!”។ អ្នកអាចកំណត់សំឡេងរបស់អ្នកបាន ដោយចូលទៅ Settings → Siri រួចបើក (enable) ”Hey Siri”។
នៅលើ iOS 9 ឥឡូវនេះអ្នកអាចនិយាយ “Find photos that I took in [location]” ឬ “Find photos that I took on [date]” ដើម្បីស្វែងរកបានយ៉ាងងាយស្រួល។ អ្នកក៏អាចនិយាយ “Remind me to [task] when I get to [location]”។
៩) ចុចលើរង្វង់មូលលើ contact ក្នុង Message ដើម្បីខលទូរស័ព្ទចេញទៅពួកគេ
នៅក្នុងកម្មវិធី Messege អ្នកអាចធ្វើការខលចេញទៅដៃគូបាន ដោយគ្រាន់តែចុចលើរូបរង្វង់មូល contact បានយ៉ាងងាយ។ អ្នកក៏អាចធ្វើដូចគ្នានេះបាន នៅលើ FaceTime, Mail, Add to extisting contact និងជាច្រើនទៀត៕
