សម្រាប់លោកអ្នកដែលទើបទិញទូរស័ព្ទថ្មី ប្រាកដជាប្លែកអារម្មណ៍ ជាមួយបទពិសោធន៍ក្នុងការប្រើប្រាស់មានលក្ខណៈ ថ្មីខុសប្លែកពីទូរស័ព្ទចាស់ខ្លះៗ ឬខុសគ្នាឆ្ងាយក៏មាន។ ជាក់ស្ដែងប្រសិនអ្នកធ្លាប់តែប្រើទូរស័ព្ទ Android ហើយប្ដូរទៅប្រើ iPhone វិញ ឬអ្នកប្រើទូរស័ព្ទ iPhone ស៊េរីចាស់ ហើយចង់ប្ដូរស៊េរីថ្មី ក៏មានភាពខុសប្លែកខ្លះដូចគ្នាដែរ។ ខាងក្រោមនេះ ជាគន្លឹះ និងល្បិចក្នុងការចាប់ផ្ដើមប្រើ iPhone ស៊េរីថ្មី។
បញ្ជាក់៖ គន្លឹះខាងក្រោមនេះ ក៏អាចដំណើរការបាននៅលើម៉ូដែល iPhone ស៊េរីចាស់ៗផងដែរ។
១) អ្នកអាចរៀបចំកម្មវិធី ដោយដាក់នៅក្នុងថតឯកសារ (folder) ចែកដាច់ប្រភេទកម្មវិធីផ្សេងពីគ្នា។ ចុច Tap ឱ្យជាប់លើកម្មវិធីរហូតដល់ចុចសញ្ញាខ្វែង (ដូចរូប)។ បន្ទាប់មកចុច tap ហើយចាប់ទាញកម្មវិធី ទៅក្នុង folder ណាមួយដែលអ្នកបានបង្កើត។ ដាក់ឈ្មោះ Folder នោះ ដើម្បីងាយស្រួលកត់ចំណាំ ក៏ដូចជាងាយស្រួលរក។ ចុចលើប៊ូតុង Home របស់ iPhone ដើម្បីបញ្ចប់ការងាររៀបចំ។
២) Download កម្មវិធី Google Maps សម្រាប់ iPhone ហើយប្រើវាជំនួសកម្មវិធីផែនទីរបស់ Apple។ Google Maps វាមានលក្ខណៈ ល្អប្រើជាង Apple Maps។ គ្រាន់តែចូលទៅ App Store រួចហើយស្វែងរក “Google Maps”។
៣) ពេលខ្លះ ប្រភេទកម្មវិធីដែលដំណើរការស្ងាត់ៗជាលក្ខណៈ run in backgound ជាផ្នែកមួយធ្វើឱ្យស៊ីថ្មខ្លាំង។ អ្នកអាចចូលទៅបិទកម្មវិធីប្រភេទនេះ នៅក្នុង Settings → General → Backgound App Refresh។
៤) អ្នកអាច sync ទូរស័ព្ទ iPhone របស់អ្នកទៅកាន់គណនី Facebook, Twitter, Flickr និង Vimeo ដើម្បីងាយស្រួល share។ បើកចូលទៅ Settings ហើយ login ចូលទៅសេវាកម្មនីមួយៗតាមធម្មតា ដោយប្រើឈ្មោះ User Name និងលេខសម្ងាត់ Password។
៥) អ្នកអាចប្លុក (block) មនុស្សមិនឱ្យខលចូល ឬផ្ញើសារដល់អ្នកដោយចូលកំណត់នៅក្នុង Settings → Phone → Blocked។ ចុចលើ “Add New” ដើម្បីបញ្ចូលលេខទូរស័ព្ទដែលអ្នកចង់ block។
៦) អ្នកអាចមើលឃើញម៉ោងពេលដែលនរណាម្នាក់បានផ្ញើសារដល់អ្នក ដោយចុចអូសពីស្ដាំទៅឆ្វេង នៅលើអេក្រង់ (screen) នៅពេលកំពុងអានសារនោះ។
៧) ចុច Tap ឱ្យយូរនៅលើសារ នោះអ្នកនឹងឃើញពាក្យ Copy ឬ Past។ ឬចុចប៊ូតុង “More” ដើម្បីមើលជម្រើសផ្សេងទៀត។ បែបនេះនឹងងាយស្រួលដល់ការសរសេរសារដដែលៗឡើងវិញ ដោយគ្រាន់តែ Copy ហើយ Past ប៉ុណ្ណោះ។
៨) អ្នកអាចធ្វើការផ្លាស់ប្ដូរផ្ទាំងកម្មវិធីដែលបានបើកដោយរហ័ស គឺគ្រាន់តែចុចពីរដង (Double tapping) នៅលើប៊ូតុង Home។
៩) នៅទីនោះ អ្នកគ្រាន់តែចាប់អូសឡើង ដើម្បីបិទ (close) កម្មវិធី។
១០) នៅក្នុង Control Panel ដោយចុចអូសពីក្រោមឡើងលើ ហើយចុចលើ “AirDrop” អ្នកនឹងអាចធ្វើការចែកចាយ Photo, Contact, និង Link ទៅកាន់ទូរស័ព្ទ iPhone ដែលនៅក្បែរគ្នា។
១១) iPhone របស់អ្នកអាច track នូវប្រវត្តិ (history) នៃការបើក (brows) លើវែបសាយ ដូច្នេះវាអាចបង្ហាញនូវផ្ទាំងពាណិជ្ជកម្ម (ads)ឡើងមក។ ប្រសិនអ្នកមិនចងឱ្យ Apple អាច track នូវ history ដូច្នោះបាន គឺត្រូវចូលទៅ Settings → Privacy → Advertising ហើយចុចលើប៊ូតុងដែលនៅបន្ទាប់ឃ្លា “Limit Ad Tracking” ឱ្យទៅជាពណ៌បៃតង។
១២) អ្នកអាចស្វែងរក app, contacts, music, email បានរហ័សដោយប្រើមុខងារ Spotlight។ ដើម្បីបង្ហាញរបារស្វែងរក (search bar) អ្នកគ្រាន់តែ ដាក់ម្រាមដៃនៅលើ screen (ចាប់ពីពាក់កណ្ដាល screen ឡើងលើ) ហើយចាប់អូសពីលើចុះក្រោម។
១៣) អ្នកអាចឆ្លើយតបសារ ដោយមិនចាំបាច់បើកចូលកម្មវិធី Message app ក៏បាន។ នៅពេលអ្នកទទួលបាន notifications ថ្មីដែលជាសាររបស់មិត្តភ័ក្ដិស្ថិតនៅកំពូលនៃ screen ទូរស័ព្ទ ដូច្នេះអ្នកគ្រាន់តែអូសចុះក្រោមបន្តិច នោះនឹងឃើញមានប្រអប់ឆ្លើយតបសារតូចមួយនៅផ្នែកខាងលើ៕
