រឿងមួយចំនួនដែលអ្នកគួរយល់ដឹងអំពីវប្បធម៌ឡាវ
ឡាវជាប្រទេសមួយក្នុងតំបន់អាស៊ាន។ ប្រទេសនេះមានព្រំដែន ខាងជើងឆៀងខាងលិចជាប់ចិន និង មីយ៉ាន់ម៉ា (ភូមា) ខាងកើតជាប់វៀតណាមខាងត្បូងជាប់កម្ពុជា និងខាងលិចជាប់ថៃ។ ប្រទេសលាវគ្មានព្រំដែនជាប់សមុទ្រទេ។ វប្បធម៌របស់ប្រទេសមួយនេះមានភាពអភិរក្ស ងាយស្រួល ចូលចិត្តលំហែច្រើនមានលក្ខណៈជាគ្រួសារនិងមិត្តភក្តិច្រើន។ អ្វីដែលប្រជាជនឡាវចូលចិត្តធ្វើគឺការធ្វើឲ្យជីវិតរបស់ពួកគេបានរីករាយ តែពេលខ្លះវប្បធម៌ឡាវហាក់មានភាពប្រទាំងជាមួយប៉ែកអឺរ៉ុបបន្តិច។
សេរីភាពក្នុងការបញ្ចេញមតិ
ប្រជាជនឡាវមិនសូវជាមានការអត់ធ្មត់ក្នុងការរិះគន់ទៅលើរដ្ឋាភិបាលប៉ុន្មានទេ ហើយអ្នកអាចនឹងពិបាករកប្រជាជនឡាវណាម្នាក់ដែលបើកគំនិតរបស់គេអំពីរឿងកុម្មុយនីស្តណាស់ បក្សនយោបាយហាក់ដូចជានៅកំណត់ការិយាធិបតេយ្យនៅឡើយ។ ប្រជាជនឡាវចូលចិត្តភាពសប្បាយ រឿងពេលវេលាហាក់មិនសូវសំខាន់ទេសម្រាប់ប្រជាជនឡាវ។ កុំភ្ញាក់ផ្អើលអីបើអ្នកត្រូវរងចាំបុគ្គលិកដើម្បីបំពេញសេវាកម្មណាមួយដល់អ្នកមិនថាសណ្ឋាគារ ឬអ្នកលក់ក្នុងហាងនោះ។ បើអ្នកមានប្រជុំជាមួយមិត្តភក្តិដែលជាជនជាតិឡាវកុំខឹងអីបើគ្រាន់តែត្រូវអង្គុយរង់ចាំគេនោះព្រោះជាទម្លាប់ទៅហើយ ហើយក៏មិនប្លែកដែរបើគេយកមិត្តដទៃពីរទៅបីនាក់ទៀតមកជាមួយនោះ។
ទម្លាប់មើលលើមើលក្រោម ជនជាតិឡាវតែងប្រកាន់យកការស្លៀកពាក់បែបប្រពៃណី ពិសេសមនុសុ្សស្រីប្រសិនបើមានការស្លៀកពាក់ប៊ីគីនី ឬវាលលើខើចក្រោមគឺជាការមិនសមរម្យឡើយ។ តែអ្នកប្រាកដជាត្រូវស្តាប់ឮពេញៗត្រចៀកនូវសម្តីប្រៀបធៀបមួយចំនួនដូចជា អ្នកខ្ពស់ អ្នកទាប អ្នកធាត់ អ្នកស្គម អ្នកសម្បុរ-ស អ្នកខ្មៅ ជាងជនជាតិដើមគេ។
ប្រតិទិនឡាវ ជាប្រទេសកាន់ព្រះពុទ្ធសាសនា ឡាវមានប្រតិទិនពីរគឺ ប្រតិទិនចន្ទគតិ ប្រើសម្រាប់ថ្ងៃឈប់សម្រាក និងពិធីបុណ្យទាននានា ចំណែកឯប្រតិទិនសុរិយគតិប្រើសម្រាប់ការងារឬមុខជំនួញ។ ពិធីបុណ្យចូលឆ្នាំថ្មីគឺក្នុងខែ មេសា។ Boun Bung Fai ជាបុណ្យកំាំជ្រួច ដែលធ្វើឡើងក្នុងខែទីប្រាំ នៃចន្ទគតិ Boun Khao Phansa ជាបុណ្យចូលវស្សាមានរយៈពេលបីខែ។
ជីវិតនិងការកំសាន្តរបស់ប្រជាជនឡាវ វប្បធម៌ឡាវគឺនិយមការសប្បាយនៅក្នុងជីវិតដូចជាការ ហូបចុក គេង និងការជជែកកំសាន្តជាមួយមិត្តនិងមនុស្សទូទៅ។ កាតព្វកិច្ចការងារមិនមែនជាអាទិភាពនៅក្នុងសង្គមរស់នៅរបស់ពួកគេឡើយ វាជារឿងធម្មតាក្នុងការអញ្ញើញសម្រាប់ការញ៉ាំអាហារ ចូលរួមសកម្មភាពចុងសប្តាហ៍ អាពាហ៍ពិពាហ៍ និងសកម្មភាពឬអ្វីៗផ្សេងទៀតសម្រាប់ការកំសាន្ត។ គំនិតរបស់ពួកគេគឺចៀសវាងពីការស្មុគស្មាញ និងផ្តល់អាទិភាពសម្រាប់ការលេងសើចជាមួយមិត្តភក្តិ ដើរលេងជាមួយគ្រួសារ និងក្លាយជាអ្នកមានឬបុគ្គលជោគជ័យ។
អាពាហ៍ពិពាហ៍ បើអ្នកត្រូវបានគេអញ្ជើញទៅចូលរូមពិធីមង្គលការជនជាតិឡាវ ទៅ ទៅ! វាជារឿងមួយដែលល្អក្នុងការទទួលបានបទពិសោធន៍ថ្មីនៃវប្បធម៌ ដោយជនជាតិឡាវនៅរក្សាវប្បធម៌ក្នុងពីធីមង្គលការដូចជាការអង្គុយជុំគ្នា ញ៉ាំអាហារថ្ងៃត្រង់ ឬអាហារពេលល្ងាចយ៉ាងសប្បាយ។ និងមានការរាំច្រៀងពេលយប់ ថតរូបជុំគ្នា ពិសារស្រារបៀរឬស្រាផលិតដោយខ្លួនឯងដោយសេរីចំពោះភ្ញៀវទាំងអស់ដែលបានអញ្ជើញចូលរួម៕
ដោយ៖ យ៉ាយ៉ា ប្រភព៖ Culture Trip
