ចំណុចមិនល្អទាំង ១១ ដែលអ្នកត្រូវដឹងនិងគួរជៀសវាង ក្នុងប្រទេសឡាវ​



​​​ឡាវ​ត្រូវ​បានគេ​ស្គាល់ថា​ជា​ប្រទេស​មួយ​ដែលមាន​វប្ប​ធម៌ល្អផូរផង់ និងជាជនជាតិ​រួស​រាយរាក់ទាក់​មួយនៅអាស៊ី។ តែប្រជា​ជន​ឡាវក៏​នៅ​មាន​ការ​ប្រកាន់​ត្រង់​ចំនុច​មួយ​ចំនួន​ក្នុង​ការ​រស់​នៅ​ប្រ​ចាំថ្ងៃ​ផងដែរ។ ដូច្នេះ BizKhmer សូម​ឲ្យធ្វើការចែករំលែកនូវចំណុច​ទាំង​ ១១ ដែលលោកអ្នកគួរដឹងអំពីប្រទេសឡាវ៖

១) មិនប៉ះ​ព្រះសង្ឃ (ចំពោះ​ស្រ្តី)
ជា​ប្រទេស​កាន់​ព្រះ​ពុទ្ធ​សាសនាហិន​យាន​ដូច​កម្ពុជា​ ថៃ​ និង​ភូ​មាដែរ ដូច​នេះ​មនុស្ស​ស្រី​មិន​អាច​ធ្វើ​ការ​ប៉ះពាល់​​ព្រះ​សង្ឃ​បាន​ឡើយ។

២) កុំធ្វើដំណើរដោយគ្មានការណែនាំ
ខណៈពេលឡាវគឺជាប្រទេសមានសុវត្ថិភាពខាង​ផ្នែក​ឧក្រិដ្ឋកម្មនិងចោរកម្ម បើប្រៀបធៀបទៅនឹងប្រទេសជិតខាងក្នុង​មួយ​ឆ្នាំមានគ្រោះ​ថ្នាក់​កើត​ឡើង​ប្រមាណ ១០០​នាក់​ប៉ុណ្ណោះ​។ ដូចនេះ​កា​រគោរព​ច្បាប់​គឺ​សំខាន់​ណាស់​សម្រាប់​ប្រទេស​ឡាវ។

៣) កុំ​ឈ្លោះ​ជាមួយ​ប៉ូលីស
ពេល​ដែល​ប៉ូលីស​ហៅអ្នកគួរ​តែ​ឈប់ហើយ​ដោះ​ស្រាយបញ្ហា​ឬទៅ​ប៉ុស្តិ៍​ប៉ូ​លីស​តាម​ការ​ស្នើ​សុំ ព្រោះ​បើ​មិន​សុខ​អ្នកមិនត្រូវ​បានគេហៅ​ទេ។ បើ​បើក​បរ​លើស​ល្បឿន​បង់​ផាក​ទៅ។

៤) កុំ​ប៉ះ​នរណា​ម្នាក់​ដោយប្រើ​ជើង​
ការ​ដែល​ដើរ​កន្លង​នរណា​ម្នាក់ដែល​កំពុង​អង្គុយ​ ឬ​ដេកវា​បង្ហាញ​ពី​ភាពអសីល​ធម៌​ឈ្លើយ​ មិនគោរពចំពោះវប្បធម៌​ឡាវ។ ការ​ដែល​លើក​ជើង​ឲ្យ​ខ្ពស់​ជាង​ដង​ខ្លួនឬ​ក្បាល​ក៏​ដូចគ្នា។ បើ​ចង់​ហៅឬនិយា​យ​ជា​មួយ​នរណា​ម្នាក់​ក៏​មិនគួរ​ប្រើ​ជើង​ដើម្បីជា​សញ្ញាដែរព្រោះ​វាជា​ការ​ប្រកាន់​។​

៥) ហាម​ពាក់​ស្បែក​ជើង​ក្នុ​ងវត្តឬ​តាម​វិហារ​នានា
ជា​ទី​កន្លែង​គោរព​សការៈ ជនជាតិ​នៅ​តំបន់​អាស៊ី​អាគ្នេយ៍ភាគ​ច្រើន​ត្រូវ​ការ​ភាព​ស្អាត​ដោយ​មិន​ពាក់​ស្បែក​ជើង​នៅក្នុ​ងវត្ត​ ឬ​វិហារ​ឡើយ។

៦) ការ​ស្រែកខ្លាំងៗ ដំ​ឡើង​សម្លេងជា​ប្រការ​មិនល្អ​
ការ​និយាយ​ស្តី​សុភាព សម្តី​ទន់ភ្លន់​ចាត់​ទុក​ជា​ការឲ្យ​តម្លៃ​ដល់​ជនជាតិ​ឡាវ ដូចនេះ​គេ​មិនត្រូវ​ការ​សម្លេង​ស្រែក​ខ្លាំង​ៗ គំហក​ដាក់​ទេ។

៧) កុំបង្ហាញការស្រឡាញ់ជាសាធារណៈ
មនោសញ្ចេត​នា​ ការ​ស្រលាញ់​បែប​មិត្តភក្តិ ឬគូសង្សារ​មិន​អាច​បង្ហាញ​ចេញជាសាធារណៈ​ដូចនៅ​ប៉ែក​អឺ​រ៉ុប​ឡើយ ដូច​ជា​ការ​ថើប ការឱប មានទំនាក់​ទំនង​ផ្លូវ​​ភេទ​មុន​រៀប​ការជា​ដើម​​។

៨) កុំទិញវត្ថុបុរាណឬផលិតផលសត្វព្រៃ
ច្បាប់​តម្រូ​វឲ្យ​មានការ​អភិ​រក្ស​វត្ថុ​បុរាណ និង​សត្វ​ព្រៃ ដូច្នេះ​ការ​ទិញ​វត្ថុ​ទាំង​នេះ​ជា​រឿង​ខុស​ច្បាប់។

៩) ថ្នាំ​ញៀន​ជា​រឿង​ខុស​ច្បាប់
ជាតិអាល់កុល គ្រឿង​ស្រវឹងហូរចេញដោយសេរីហើយអ្នកអាចត្រូវបានគេលើកទឹកចិត្តឱ្យផឹកច្រើនជាងអ្វីដែលអ្នកចង់បាន។ តែគ្រឿង​ញៀន​ជា​អ្វី​ដែល​ចាត់​ទុក​ថា​ខុស​ច្បាប់ខ្លាំង។

១០) ចៀសវាង​ការ​ងូត​ទឹក​អាក្រាត ឬដើរក្នុងឈុតប៊ីគីនី
វា​ចាត់​ទុក​ជា​រឿង​អសីល​ធម៌ចំពោះ​រឿង​ទាំង​អស់​នេះ ពិសេស​ចំពោះ​ស្រ្តីត្រូ​វបាន​គេ​រិះគន់​ខ្លាំង​ប្រសិន​បើ​មិន​ឲ្យ​តម្លៃ​លើ​វប្បធម៌។

១១) គិតមុនពេលជិះម៉ូតូ
ការ​ជិះ​ម៉ូ​តូ​គឺមាន​ប្រជា​ប្រិយ​ខ្លាំង​សម្រាប់​ការធ្វើ​ដំណើរ តែ​វា​ក៏​មានហានិ​ភ័​យ​ខ្លាំង​ដែរ។ វា​មិនមែន​ដោយ​សារ​គ្រោះ​ថ្នាក់​ទេ តែអ្នក​អា​ច​ឆ្លង​ចូល​ទៅ​ព្រំ​ដែន​ប្រទេសថៃ​ដោយ​មិន​ដឹង​ខ្លួន​។ វា​នឹង​មានការផាក​ពិន័យ​ប្រសិន​បើ​ក្មេង ឬ​បើក​បរដោយ​មិន​មាន​ប័ណ្ណ​បើក​បរ៕

ដោយ៖ យ៉ាយ៉ា