ក្រសួងសុខាភិបាលកម្ពុជា បានចេញសេចក្ដីប្រកាសអំពីអ្នកឆ្លងថ្មីចំនួន ០៤ករណី នៅខេត្តកំពង់ចាម ដែលជាជនបរទេសអ្នកទេសចរលើនាវា Viking Criuse Journey ខណៈអ្នកជាសះស្បើយមាន ៤ករណីថ្មី។ នេះបើយោងតាមការចុះផ្សាយរបស់ក្រសួងនាយប់ថ្ងៃទី ២៤ មីនា ២០២០ នេះ។

បន្ទាប់ពីទទួលលទ្ធផលវិភាគវត្ថុសំណាក់ពីវិទ្យាស្ថានប៉ាស្ទ័រកម្ពុជា រួចមកចំនួនអ្នកឆ្លងកូវីដ១៩មាន ០៤នាក់ដូចខាងក្រោម៖

1. ជនជាតិអង់គ្លេសអារយុ ៦១ឆ្នាំ និងស្រ្ដី ៧៩ ក្នុងខេត្តកំពង់ចាម
2. ជនជាតិអាមេរិក ប្ដីអាយុ ៥៩ឆ្នាំ និងប្រព័ន្ធអាយុ ៦២ឆ្នាំ ក្នុងខេត្តកំពង់ចាម

បើយោងតាមសេចក្ដីប្រកាសដដែល អ្នកជាសះស្បើយពីជំងឺកូវីដមាន ០៤ករណីថ្មី៖

1. បុរសអាយុ ៦១ឆ្នាំ និងបុរសអាយុ ៥៣ឆ្នាំ ក្នុងខេត្តត្បូងឃ្មុំ បានជាសះស្បើយ និងអនុញ្ញាតិឲ្យត្រលប់ទៅផ្ទះ
2. បុរសអាយុ ៤១ឆ្នាំ និងបុរសអាយុ ៤២ឆ្នាំ ក្នុងខេត្តបាត់ដំបង

គួរបញ្ជាក់ផងដែរថា ត្រឹមម៉ោង ២១៖៣០នាទី ថ្ងៃទី២៤ ខែមីនា ឆ្នាំ២០២០ នេះកម្ពុជាមានអ្នកផ្ទុកកូវីដ១៩សរុប ៩១នាក់ (ស្រី២៤នាក់ និងប្រុស៦២នាក់) ក្នុងនោះមានអ្នកជាសះស្បើយសរុប ០៦ករណី  (ជនជាតិចិន០១នាក់ ជនជាតិអង់គ្លេស០១នាក់ និងជនជាតិខ្មែរ ០៤នាក់)៕

អត្ថបទទាក់ទង៖ កូវីដ១៩៖ កម្ពុជាព្យាបាលអ្នកជំងឺកូវីដ១៩ ជាសះស្បើយ០២នាក់ទៀតនៅត្បូងឃ្មុំ សរុប០៤នាក់​

ដោយ៖ លង់ វណ្ណៈ