គន្លឹទាំង១០ ការពារកូវីដ១៩ និងជំងឺផ្សេង បើអ្នកជៀសមិនរួចត្រូវធ្វើដំណើរតាមយន្តហោះ
ខណៈកំពុងមានការឆ្លងរាតត្បាតកូវីដ១៩ជាសកល ធ្វើឲ្យមនុស្សជាច្រើនមិនអាចធ្វើដំណើរកម្សាន្ត ហើយក្រុមហ៊ុនអាកាសចរណ៍មួយចំនួនបានបិទជើងហោះហើររបស់ខ្លួនថែមទៀត។ អ្នកដំណើរដែលមានផ្ដាសាយ ឬកូវីដ១៩ ដែលជិះយន្តហោះ អាចនឹងឆ្លងរាលដាលទៅដល់អ្នកដំណើរដទៃដោយលក្ខខណ្ឌណាមួយ។
ក្នុងលក្ខខណ្ឌអ្នកគ្មានជម្រើស ដែលតម្រូវឲ្យអ្នកធ្វើដំណើរតាមយន្តហោះក្នុងពេលមានការផ្ទុះជំងឺនេះ អ្នកគួរដឹងអំពីវិធីសាស្ត្រមួយចំនួនដែលអាចការពារខ្លួនបានរបស់អ្នក។ ខាងក្រោមនេះគឺជាគន្លឹះទាំង ១០ចំណុចដើម្បីជួយជៀសវាងនៅពេលអ្នកធ្វើដំណើរលើយន្តហោះ៖
- វ៉ាក់សាំងការពារ
អ្នកត្រូវចាក់វ៉ាកសាំងការពារដើម្បីការពារជំងឺផ្សេងៗដូចជាគ្រុនចាញ់ គ្រុនពោះវៀន ផ្ដាសាយជាដើម នេះបើយោងតាមវេជ្ជបណ្ឌិត Scott Weisenberg ប្រធានវិជ្ជសាស្ត្រផ្នែកធ្វើដំណើរ នៅមជ្ឈមណ្ឌលសុខាភិបាល Langone ក្នុងសកលវិទ្យាល័យ New York University។
ការចាក់វ៉ាកសាំងការពារជំងឺទុកជាមុនអាចជួយអ្នកការពារមិនឲ្យមានការឆ្លងជំងឺផ្សេងៗ។ នៅពេលឆ្លងជំងឺណាចូលក្នុងខ្លួនហើយ វានឹងធ្វើអាចធ្វើឲ្យប្រព័ន្ធភាពស៊ាំរាងកាយទាំងមូលរបស់អ្នកចុះខ្សោយ ដែលអាចនឹងធ្វើឲ្យអ្នកងាយឆ្លងវីរុសដទៃដូចជាកូវីដ១៩ជាដើម។ - លាងដៃ
លោកដុកទ័រ Salvatore Pardo បានមានប្រសាសន៍ថា «លាងដៃជាប្រចាំនិងជៀសវាងការប៉ះមុខមាត់ ច្រមុះ និងភ្នែករបស់អ្នក»។ នេះគឺជាវិធានងាយស្រួលការពារមិនឲ្យមានឆ្លងមេរោគជាប់ដៃរបស់នៅពេលអ្នកចាប់កាន់របស់សាធាណៈជាដើម។ ទឹកលាងដៃ ឬអាល់កុលក៏ជាជម្រើសល្អដែរ។ - ប្រើក្រដាសជូត
ក្រុមហ៊ុនអាកាសចរណ៍បានធានានូវការសម្អាត និងសម្លាប់មេរោគទុកជាមុន ប៉ុន្តែទោះបីជាយ៉ាងនេះក៏ដោយ អ្នកត្រូវមានការប្រុងប្រយ័ត្ន តាមរយៈការជូតសម្អាតនូវរាល់កៅអី ដៃកៅអី អេក្រង់ទូរទស្សន៍លើយន្តហោះ បង្អួច និងឧបករណ៍ផ្សេងៗទៀត។ អ្នកត្រូវចាំថា ការពារប្រសើរជាងព្យាបាល។ ដូចនេះ ត្រូវអ្នកត្រូវប្រាកដថាក្រដាសជូតនោះមានជាតិអាល់កុល ដែលអាចសម្លាប់មេរោគបាន។ - ជៀសវាងការនៅជុំគ្នា
លោកដុកទ័រ Bernard Camins ប្រធានមន្ទីពេទ្យនៃការពារជំងឺឆ្ងងនៅ ប្រព័ន្ធសុខភាព Mount Sinai (Mount Sinai Health System) ទីក្រុងញូវយ៉ាក បានលើកឡើងថា៖ «សូមនៅឲ្យឆ្ងាយពីមនុស្សទាំងឡាយណាដែលមានក្អក និងរោគសញ្ញាមួយចំនួនដូចផ្ដាសាយជាដើម»។
ផ្ដាសាយ ការប៉ះពាល់ផ្ទាល់ត្រូវឲ្យឆ្ងាយពីគ្នា ៩០សង់ទីម៉ែត្រ និងជំងឺកូវីដ១៩ អ្នកត្រូវនៅឲ្យឃ្លាតពីគ្នា ១ម៉ែត្រ ៨០សង់ទីម៉ែត្រ។ អ្នកត្រូវប្រយ័ត្នផងដែរថាជាពិសេសច្រកផ្លូវដើរ និងជៀសវាងការឆ្លងនៅនៅជុំគ្នា។ - កាត់បន្ថយការទៅបន្ទប់ទឹក
ជៀសវាងការបះពាល់របស់របរមួយចំនួននៅក្នុងបន្ទប់ទឹក អ្វីគ្រប់យ៉ាងរាប់តាំងពីទ្វារបន្ទប់ទឹក ក្បាលកាច់ទឹក សុទ្ធតែប៉ះពាល់ដោយមនុស្សជាច្រើននាក់។ ដូចនេះអ្នកប្រាកដថាអ្នកមិនប៉ះពាល់របស់របស់ដែលមានមនុស្សប្រើប្រាស់ច្រើន ប្រសិនបើអ្នកបានចាប់ ប៉ះឬកាន់របស់ទាំងនោះ អ្នកត្រូវលាងដៃមិនចាកចេញ ឬប្រើប្រាស់ទឹកលាងដៃរាល់ពេលមកកាន់កៅអីរបស់អ្នកវិញ។ - ពាក់ម៉ាស់
ជាទូទៅ អ្នកត្រូវពាក់ម៉ាស់នៅពេលអ្នកមានផ្ដាសាយ ឬឈឺ ដើម្បីការពារមិនឲ្យចម្លងទៅកាន់អ្នកដទៃ ឬនៅពេលអ្នកប៉ះពាល់ផ្ទាល់ជាមួយនរណាម្នាក់ដែលឆ្លងវីរុសកូរ៉ូណា។ ដូចនេះគួរពាក់ម៉ាស់ជាប្រចាំ ជាពិសេសកន្លែងដែលមានមនុស្សច្រើន។
អ្នកក៏ត្រូវពាក់ម៉ាសជាប្រចាំផងដែរ ដើម្បីជៀសវាងការឆ្លងពីអ្នកដទៃ ពីព្រោះកូវីដ១៩ អាចស្ថិតក្នុងដំណាក់កាលមិនចេញរោគសញ្ញា១៤ថ្ងៃ ដែលសុទ្ធតែអាចចម្លងបាន។ ដូចនេះត្រូវពាក់ម៉ាសការពារនៅពេលអ្នកនៅជិតមនុស្សច្រើន។ - ខ្យល់ម៉ាស៊ីនត្រជាក់
គ្រប់យន្តហោះទាំងអស់មានកន្លែងបញ្ចេញខ្យល់ម៉ាស៊ីនត្រជាក់នៅខាងលើកៅអីអង្គុយរបស់អ្នកជាមួយខ្យល់ស្អាតទៅកាន់អ្នកដំណើរ។ លោក ដុកទ័រ Camins យន្តហោះភាគច្រើនមានតម្រងខ្យលHEPA ដែលអាចត្រងខ្យល់ដែលច្រោះតំណក់ទឹកក្នុងខ្យល់បាន។ ខ្យល់ទាំងនោះជាខ្យលស្ងួត ដូចនេះអ្នកធ្វើដំណើរគួរប្រាកដថាអ្នកគួរញ៉ាំទឹកឲ្យបានគ្រប់គ្រាន់។ - ញ៉ាំទឹក
កង្វះជាតិទឹកអាចធ្វើឲ្យប្រព័ន្ធការពាររាងការយរបស់អ្នកមានភាពចុះខ្សោយ។ កុំពិសារភេសជ្ជះដែលមានជាតិអាល់កុលឬកាហ្វេអ៊ីន ពីព្រោះវាធ្វើឲ្យអ្នកកាន់តែខ្វះជាតិទឹក នេះបើយោងតាមដុកទ័រ Pardo។
ដូចនេះពេលធ្វើដំណើរត្រូវធ្វើឲ្យប្រព័ន្ធភាពស៊ាំរាងកាយ ដោយការពារការខ្វះជាតិទឹក ដោយញ៉ាំទឹកជាប្រចាំ។ - គេង
អ្នកគួរគេងនៅលើយន្តហោះដើម្បីធ្វើឲ្យប្រព័ន្ធភាពស៊ាំក្នុងខ្លួនជួយប្រឆាំងនឹងវីរុស។ លោកដុកទ័រ Weisenberg បានមានប្រសាសន៍ថា ការគេងគឺល្អខ្លាំងសម្រាប់សុខភាពរបស់អ្នក។ រាងកាយរបស់អ្នកធ្វើការក្នុងការប្រឆាំងនឹងជំងឺកាន់តែខ្លាំងនៅពេលអ្នកគេង។ - ត្រៀមខ្លួនភាពស្ត្រេស្ត
ភាពស្ដេស្ត្រនៅពេលធ្វើដំណើរអាចនឹងកើនឡើងនៃឱកាសក្នុងការឆ្លងជំងឺនានា ដោយវាធ្វើឲ្យអ្នកងាយឆ្លងជំងឺ។ ដូចនេះត្រូវរៀបចំខ្លួនឲ្យបានរួចរាល់ជៀសវាងអាការៈស្តេស្រ តប់ប្រមល់ខ្លាំង៕
អត្ថបទទាក់ទង៖ លោក ត្រាំ ចង់ជួយកូរ៉េខាងជើងទប់ស្កាត់កូវីដ១៩ តែលោក គីមចុងអ៊ុន បែរជាតបបែបនេះវិញ
ដោយ៖ លង់ វណ្ណៈ
