ការសិក្សាថ្មីមួយដែលដឹកនាំដោយ​ក្រុមអ្នក​ជំនាញ​វេជ្ជសាស្ត្រ​នៃ​សាកលវិទ្យាល័យ Monash ប្រទេសអូស្រ្តាលី បានបង្ហាញ​​ពី​ប្រសិទ្ធភាព​នៃ​ថ្នាំ​សម្លាប់​ចៃនៅ​លើ​ក្បាលមនុស្ស ឈ្មោះ Lvermectin​ បង្ហាញថា វាអាចសម្លាប់កោសិកា​កូវីដ១៩ ​ដោយ​ប្រើ​ពេលតែ ៤៨ម៉ោង​ប៉ុណ្ណោះ​តាម​រយៈ​ការ​ពិសោធន៍នៅក្នុង​មន្ទីរពិសោធន៍។ 

លោកស្រីវេជ្ជបណ្ឌិត Kylie Wagstaff ​នៃ​វិទ្យាស្ថាន Monash Biomedicine Discovery Institute បាន​លើក​ឡើង​ថា​ ៖«យើងបានរកឃើញថា សូម្បីតែចំណែកដែលគេពុះចែកនៃថ្នាំនេះ ក៏អាចកម្ចាត់​ RNA ​របស់​វីរុស​ក្នុងរយៈពេល ៤៨ ម៉ោង ​បាន​ដែរ​ ហើយសូម្បីតែក្នុង​រយៈពេល​តែ ២៤ ម៉ោងក៏មានការថយចុះគួរឲ្យកត់សម្គាល់ផងដែរ​»។

Lvermectin  ជាថ្នាំប្រឆាំងនឹងប៉ារ៉ាស៊ីត (parasitic drug)  ត្រូវបានអនុម័តដោយរដ្ឋបាលចំណីអាហារ និងឱសថ (FDA) ដែលបង្ហាញថា មានប្រសិទ្ធភាពប្រឆាំងនឹងវីរុសសម្រាប់​អ្នក​ជំងឺ  វីរុសហ៊ីវ ជំងឺគ្រុនឈាម និងគ្រុនផ្តាសាយ។ សូម្បីតែចៃនៅលើក្បាលក៏គេអាចប្រើប្រាស់ថ្នាំនេះបានដែរ ព្រោះថា Lvermectin មានប្រភេទជាឡេលាបទៀតផង ដើម្បីលាបនៅលើក្បាល និងសក់។

ខណៈពេលដែលវាមិនត្រូវបានគេដឹងថា តើថ្នាំ Ivermectin ដំណើរការលើវីរុសយ៉ាងណានោះ ថ្នាំនេះទំនងជានឹងបញ្ឈប់ការរីរាលដាលនៃមេរោគដែលវាមានសមត្ថភាពគ្រប់គ្រាន់ក្នុងការបោលសម្អាតវីរុស។

លោកវេជ្ជបណ្ឌិត Wagstaff មានប្រសាសន៍ថា ««ខណៈពេលដែលយើងកំពុងមានជំងឺរាតត្បាតជាសកលនោះយើងហោចណាស់ប្រើពេលពី ១២ ទៅ១៨ ខែ ដើម្បីទទួលបាន និងអនុម័តឲ្យប្រើប្រាស់បានត្រឹមត្រូវ ប៉ុន្តែបើសិនជាយើងស្វែងរកថ្នាំណាដែលមានស្រាប់នោះវានឹងកាន់តែងាយ និងឆាប់រហ័សទៀតផង។ ដូចជាថ្នាំ Lvermectin ជាដើមវាអាចប្រើពេលត្រឹមតែជាងមួយខែប៉ុណ្ណោះសម្រាប់យកទៅធ្វើជាថ្នាំព្យាបាលដល់អ្នកជំងឺកូវីដ១៩»»។

អត្ថបទពាក់ព័ន្ធ៖

• នាយករដ្ឋមន្ត្រី​ជប៉ុន Abe៖ ​​ជប៉ុន​មាន​គោលបំណង​អនុញ្ញាត​ឱ្យ​ប្រើ​ Avigan ព្យាបាល​កូវីដ​
• អ្នកវិទ្យាសាស្រ្តចិនសម្រេចប្រើថ្នាំផ្តាសាយ Avigan របស់ជប៉ុន ព្យាបាលវីរុសកូវីដ១៩​
• អាមេរិកផលិតបានឧបករណ៍ធ្វើតេស្ត​ Covid19​ រកឃើញលទ្ធផល​ត្រឹមតែជាង ៥នាទី​

ដោយ៖ Anthony

ប្រភព៖ Mail Online/ MedlinePlus