ជប៉ុនគ្រោងផ្តល់ថ្នាំ Avigan រាប់លានកញ្ចប់ដល់ប្រទេសរងគ្រោះដោយកូវីដ១៩
រដ្ឋាភិបាលជប៉ុនគ្រោងផ្តល់ថ្នាំ Avigan ដែលផលិតដោយក្រុមហ៊ុនផ្នែកគីមីសាស្ត្រជប៉ុន ដល់ប្រទេសនានាជុំវិញពិភពលោកដែលរងគ្រោះដោយសារជំងឺឆ្លងកូវីដ១៩ ដោយឥតគិតថ្លៃ និងប្រទេសណាដែលត្រូវការថ្នាំនេះជាចាំបាច់។ នេះយោងតាមការចុះផ្សាយដោយកាសែតជប៉ុន NHK World-Japan។
ខណៈពេលដែលប្រទេសជប៉ុនគ្រោងផ្តល់ថ្នាំ Avigan ដល់ប្រទេសជុំវិញពិភពលោក ជប៉ុនក៏កំពុងតែធ្វើតេស្តបន្ថែមលើប្រសិទ្ធភាព និងសុវត្ថិភាពឱសថសម្រាប់ការប្រើប្រាស់ជាថ្នាំដែលមានសក្តានុពលក្នុងការព្យាបាលរោគសញ្ញាដែលបណ្តាលមកពីវីរុសកូរ៉ូណាថ្មី។
ប្រធានលេខាធិការខុទ្ទកាល័យលោក Yoshihide Suga បានប្រាប់ក្រុមអ្នកសារព័ត៌មានកាលពីថ្ងៃសុក្រថា៖ «រហូតមកដល់ពេលនេះ រដ្ឋាភិបាលបានទទួលសំណើរសុំថ្នាំប្រភេទ Avigan ពីជប៉ុន ប្រមាណ ៣០នៅជុំវិញពិភពលោក។ ហើយក៏កំពុងពង្រីកការសាកល្បងថ្នាំបន្ថែម និងកំពុងពិភាក្សាជាមួយបណ្តាប្រទេសដែលបានស្នើសុំ។ ថ្នាំទាំងនោះ នឹងត្រូវផ្តល់ឲ្យប្រទេសនីមួយៗទៅតាមបរិមាណដែលពួកគេត្រូវការដោយមិនគិតថ្លៃ»។
រដ្ឋាភិបាលអាឡឺម៉ង់ តាមសេចក្តីរាយការណ៍គ្រោងផ្គត់ផ្គង់កញ្ចប់ថ្នាំ Avigan រាប់លានកញ្ចប់ ដើម្បីព្យាបាលអ្នកឆ្លងវីរុសដែលមានជំងឺធ្ងន់ធ្ងរ។
ក្រុមអ្នកស្រាវជ្រាវនៅក្នុងប្រទេសចិន បាននិយាយថា Avigan បានបង្ហាញពីប្រសិទ្ធភាពក្នុងការសាកល្បងព្យាបាលជាមួយមនុស្សដែលឆ្លងវីរុសនេះ៕
អត្ថបទពាក់ព័ន្ធ៖
ដោយ៖ Anthony
