មុខងារដ៏ពិសេស និងសំខាន់បំផុតនៅលើ iCloud គឺ វាមានលទ្ធភាពអាចធ្វើការផ្ទេរ ឬ Sync / backup / restore ឯកសារជាមួយទូរស័ព្ទ iPhone និង iDevice របស់អ្នកបានយ៉ាងងាយស្រួល ដើម្បីជៀសវាងបាត់បង់ជាយថាហេតុ មិនថា ជ្រុះទូរស័ព្ទបាត់ ឬត្រូវចោរលួចឡើយ។
ជាច្រើនឆ្នាំមកនេះ Apple បានបន្តអភិវឌ្ឍសេវាកម្មមួយនេះ ឱ្យមានមុខងារសំបូរបែប ពិសេសផ្ដល់សុវត្ថិភាពខ្ពស់លើឯកសារផ្ទាល់ខ្លួនជាទុកចិត្តដល់អ្នកប្រើប្រាស់។ ក្រុមហ៊ុនបន្ថែមស្រទាប់ layer កាន់តែច្រើននៅលើសេវាកម្ម iCloud នេះ។ ក្នុងនោះ វាត្រូវបានច្របាច់បញ្ចូលជាមួយកម្មវិធី iMessage ធ្វើឱ្យ photo មានការភ្ជាប់ទំនាក់ទំនងទៅនឹង iCloud Photo Library ហើយសូម្បីតែអនុញ្ញាតឱ្យយើង share តាម Family Sharing បានដោយងាយស្រួល។
យ៉ាងណាបទពិសោធន៍ពិសេសនេះ ប្រហែលនៅមានប្រិយមិត្តមួយចំនួនមិនទាន់ស្វែងយល់ស៊ីជម្រៅ ឬចេះប្រើអស់នៅឡើយ ក្នុងការនាំយករូបថត និងឯកសារផ្សេងៗពី iPhone ទៅទុកក្នុង iCloud នៅឡើយ។ ដូច្នេះទំព័រនេះ យើងសូមលើកយកគន្លឹះក្នុងការប្រើប្រាស់ iCloud សម្រាប់ផ្ទុកឯកសារពី iPhone ម្យ៉ាងក៏ដើម្បីរក្សាទំហំ (space) មេម៉ូរី លើទូរស័ព្ទ និងមានសុវត្ថិភាពខ្ពស់ជាងសេវាកម្ម Cloud ដទៃ។
+ត្រូវកំណត់ប្រើ (setup) នៅលើ iPhone, iPad ឬ iPod touch ថ្មីដែលអ្នកទើបទិញប្រើ
ប្រសិនអ្នកទើបទិញ iPhone ឬ iDevice ថ្មី ពោលជាឧបករណ៍ដែលអ្នកមិនទាន់បានប្រើ ហើយអ្នកចង់ setup ថ្មី អ្នកត្រូវកំណត់នៅពេលចុះឈ្មោះប្រើ iCloud ថ្មី ឬ Apple ID ហើយយើងក៏ណែនាំឱ្យលោកអ្នកគួរតែធ្វើដែរ។ នេះជាដំណាក់កាលចាប់ផ្ដើមប្រើ iPhone, iPad ឬ iPod Touch ថ្មី។
+របៀបបើក (enable) មុខងាររក្សាទុក (Backup) ឯកសារនៅលើទូរស័ព្ទ iPhone និង iDevice ផ្សេងៗចូលទៅ iCloud
ប្រសិនអ្នកមាន iPhone, iPad ឬ iPod touch ដែលកំពុងដំណើរការមុខងារ iCloud backup ពីមុនរួចហើយ អ្នកអាចបើក (enable) ដោយងាយស្រួលតាម Settings។ នៅពេលអ្នក enable រយចហើយ នោះ iCloud នឹងធ្វើការ backup ឧបករណ៍ iDevice របស់អ្នកយ៉ាងហោចម្ដងក្នុងរយៈពេល ២៤ម៉ោង ឬអាចយូរជាងនេះ អាស្រ័យថា តើអ្នកបានភ្ជាប់អ៊ីនធឺណិត Wi-Fi ហើយមានថ្មច្រើនឬអត់។ ជាទូទៅវានឹងចាប់ផ្ដើម backup នៅពេលយប់ ខណៈ ដែលអ្នកកំពុងគេង ហើយសាកថ្មជាប់។ ប្រសិនអ្នកមិនច្បាស់ថា តើទៅមើលត្រង់ណា ដើម្បីដឹងថា iCloud បើក (enable) សម្រាប់ការ backup ហើយឬនៅ អ្នកអនុវត្តជំហានខាងក្រោម៖
-ចូលទៅ Settings នៅលើ iPhone ឬ iPad របស់អ្នក
-ចូលទៅ iCloud
-ចុចលើ Backup
-បើក (Turn On) លើជម្រើសសម្រាប់ iCloud Backup
បន្ទាប់ពីនោះ iCloud នឹងដំណើរការ backup លើឧបករណ៍របស់អ្នកទៅកាន់ server របស់ Apple នៅរាល់ ២៤ម៉ោងម្ដង ឬយូរជាងនេះ អាស្រ័យថាតើ iPhone ឬ iPad របស់អ្នកមានភ្ជាប់ Wi-Fi និងបានសាកថ្មជាប់ឬអត់ ព្រោះបើថ្មជិតអស់ មុខងារនឹងមិនដំណើរការឡើយ។
ប្រសិនអ្នកមិនធ្លាប់ backup ឯកសារចូល iCloud ពីមុនទេ បើអីចឹង backup ដំបូងអ្នកអាចត្រូវការពេលយូរ។ បន្ទាប់ពីនោះ iCloud នឹងធ្វើការ upload តែទៅលើអ្វីដែលមានការផ្លាស់ប្ដូររាប់ពីពេល backup លើកចុងក្រោយ ហើយការ backup នឹងលឿនជាងមុន។
+របៀបកំណត់ (setup) iCloud ដើម្បី Synce ដូចជា Mail, Contact, Calendars និងជាច្រើនទៀត
-ចូលទៅ Settings នៅលើ iPhone ឬ iPad
-ចុចលើ iCloud
-វាយបញ្ចូល iCloud email និង password ហើយចុច Next
-បើក (Turn On) សេវាកម្មដែលអ្នកចង់ឱ្យធ្វើការផ្ទេរ (sync) ជាមួយ iPhone ឬ iPad របស់អ្នក។ បើតាមលក្ខណៈ ដើម (default) គឺមិនបើកទាំងអស់ឡើយ។
ដោយ៖ រឹទ្ធិរាជ
ប្រភព៖ imore
