សាកលវិទ្យាល័យជំនាញធុរកិច្ច ២៥ ផ្ដល់គុណភាពអប់រំល្អបំផុត
កាលពីពេលថ្មីៗនេះ គេហទំព័រមគ្គុទេសន៍សម្រាប់និស្សិតអន្តរជាតិមួយមានឈ្មោះថា Graduate Programs.com បានធ្វើការស្ទង់មតិទៅលើ និស្សិត និងអតីតនិស្សិតបញ្ចប់ការសិក្សាពីសាកលវិទ្យាល័យធុរកិច្ចល្បីៗក្នុងលោកចំនួន ១៣ ០០០នាក់ ដើម្បីស្វែងរកសាកលវិទ្យាល័យដែលផ្ដល់គុណភាពអប់រំល្អបំផុតនៅសហរដ្ឋអាមេរិក។
គុណភាពអប់រំល្អបំផុត គឺមិនត្រឹមតែមើលទៅលើទំហំទីធ្លារសាលាប៉ុណ្ណោះទេ ប៉ុន្តែផ្ដោតទៅលើកម្មវិធីសិក្សាប្រកបដោយការប្រកួតប្រជែង បណ្ដុះបណ្ដាលទៅដោយគ្រូ និងសាស្ត្រាចារ្យល្បីៗ និងប្រកបដោយវិជ្ជាជីវៈ។ ក្រុមនិស្សិតដែលត្រូវបានធ្វើការស្ទង់មតិ បានដាក់ពិន្ទុពីលេខ ១ ដល់លេខ ១០ដែលជាចំណាត់ថ្នាក់ខ្ពស់បំផុត។ ជាលទ្ធផលសាកលវិទ្យាល័យ Case Western Reserve នៅ Cleveland អូហៃយ៉ូជាប់លេខមួយ Wake Forest នៅ North Carolina ជាប់លេខពីរ និង Harvard ជាប់លេខបី។
