​ ​ផ្អែកទៅលើ​ប្រកា​សលេខ ៣០០ របស់​ក្រសួងពាណិជ្ជកម្ម​ចុះ​ថ្ងៃទី ២៩ ខែ ធ្នូ ឆ្នាំ ២០១៥ ស្តីពី​ការចុះបញ្ជី ពាណិជ្ជកម្ម​សា​ឡើងវិញ​ក្នុង​ប្រព័ន្ធ​ស្វ័យប្រវត្ត​កម្ម តម្រូវឱ្យ ក្រុមហ៊ុន សហគ្រាស សាខា ការិយាល័យ​តំណាង បុត្រ​សម្ព័ន្ធ ឬ ទីភ្នាក់ងារ​ទាំងឡាយ​ដែល​បាន​ចុះបញ្ជី​ពាណិជ្ជកម្ម​មុន​ថ្ងៃទី ០៤ ខែ មករា ឆ្នាំ ២០១៦ មក​ចុះបញ្ជី សា​ឡើងវិញ​ក្នុង​ប្រព័ន្ធ​ស្វ័យប្រវត្ត​កម្ម​របស់​ក្រសួងពាណិជ្ជកម្ម​តាម​គេហទំព័​រៈ www.businessregistration.moc.gov.kh។ ការ​បន្ត​ការ​ចុះ​បញ្ជី​នេះ​​ធ្វើ​ឡើង​ដើម្បី​សម្រួល​ដល់​ម្ចាស់​សហគ្រាស ដែល​មិនទាន់បាន​បំពេញ​កាតព្វកិច្ច​ចុះបញ្ជី​ពាណិជ្ជកម្ម សា​ឡើងវិញ ក្នុង​ប្រព័ន្ធ​ស្វ័យប្រវត្ត​កម្ម នាពេល​ថ្មីៗ​នេះ ក្រសួងពាណិជ្ជកម្ម​បាន​ចេញ​សេចក្តីជូនដំណឹង​លេខ ២៧២៩ ចុះ​ថ្ងៃទី ៣១ ខែ ឧសភា ឆ្នាំ ២០១៧ សម្រេច​បន្ត​ការចុះបញ្ជី​ពាណិជ្ជកម្ម​សា​ឡើងវិញ​តាម​ប្រព័ន្ធ​ស្វ័យប្រវត្ត​កម្ម រហូតដល់ ថ្ងៃទី ៣១ ខែ ធ្នូ ឆ្នាំ ២០១៧​។ ប៉ុន្តែ​ក្រុមហ៊ុន សហគ្រាស សាខា ការិយាល័យ​តំណាង បុត្រ​សម្ព័ន្ធ ឬ ទីភ្នាក់ងារ ទាំងឡាយ ត្រូវ​ភ្ជាប់​ប្រតិវេទន៍​អំពី​ស្ថានភាព​សហគ្រាស​ពាណិជ្ជកម្ម (Annual Declaration of Commercial Enterprises) ប្រចាំឆ្នាំ​២០១៥​។ ​ ​ចំពោះ​ក្រុមហ៊ុន សហគ្រាស សាខា ការិយាល័យ​តំណាង បុត្រ​សម្ព័ន្ធ ឬ ទីភ្នាក់ងារ ដែល​មិនមាន ប្រតិវេទន៍​អំពី​ស្ថានភាព​សហគ្រាស​ពាណិជ្ជកម្ម (Annual Declaration of Commercial Enterprises) ប្រចាំឆ្នាំ​២០១៥ ត្រូវ​បង់ក​ម្រៃ​សេវា​តម្កល់​ប្រតិវេទន៍​ប្រចាំឆ្នាំ និង ការពិន័យ​ចំពោះ​ការមិន​តម្កល់​ប្រតិវេទន៍​ប្រចាំឆ្នាំ នៅ​ក្រសួងពាណិជ្ជកម្ម​៕ ​ដោយ​៖ ប៉ុ​ម ទូច​ ​