សារប្រយោជន៍ទាំង៦នៃការបង្កើតគេហទំព័រមួយរបស់ខ្លួនឯង
មនុស្សជាច្រើនបានបង្កើតគេហទំព័រមួយសម្រាប់ខ្លួនឯងរួចរាល់ហើយ។ ក្នុងនោះពួកគេបង្កើតវាឡើងក្នុងគោលបំណងដើម្បីសរសេរពីអ្វីដែលគេនឹកឃើញក្នុងអារម្មណ៍។ ក្នុងនោះមានរឿងជាច្រើនទៀតដែលកើតឡើងក្នុងសង្គម ក៏ដូចជាកិច្ចការសាលាផ្សេងទៀតដែលពួកគេមានចម្ងល់។ ក្រៅពីនេះតើអ្នកចង់ដឹងពីសារប្រយោជន៍ជាច្រើនទៀត នៃការបង្កើតគេហទំព័រខ្លួនឯងដែរឬទេ?
១) អ្នកអាចទទួលបានលុយពីវា៖ អ្នកនឹងទទួលបានប្រាក់ចំណេញច្រើន ប្រសិនបើអ្នកមានគំនិតធ្វើការជាមួយវាបានច្រើននោះ។ អ្នកនឹងទទួលបានជោគជ័យ កាលណាអ្នកមានគំនិតកែច្នៃធ្វើអ្វីប្លែកៗ ដើម្បីទាក់ទាញចំនួនអ្នកចូលទស្សនាគេហទំព័រអោយបានច្រើននោះ ។
២) ផ្សារភ្ជាប់ទំនាក់ទំនងជាមួយមនុស្សជុំវិញពិភពលោក៖ អ្នកអាចមានសមត្ថភាពក្នុងការទាក់ទងទៅកាន់ពួកគេបានតាមរយះ ការចែករំលែកគំនិតដែលអ្នកមានទៅកាន់ពួកគេ។ រួមទាំងការចែករំលែក គំនិត និងចំណេះគ្រប់ផ្នែកមកកាន់អ្នកវិញផងដែរ។
៣) មិនចំណាយលុយច្រើនក្នុងការបង្កើតវាទេ៖ អ្នកចំណាយថវិកាតិចបំផុតដើម្បីបង្កើតវា ក្នុងនោះដោយគ្រាន់តែភ្ជាប់ប្រព័ន្ធ អ៊ីនធឺណិតប៉ុណ្ណោះ អ្នកនឹងអាចបង្កើតវាបានតាមចិត្តដែលចង់បាន។
៤) អាចទទួលបានជំនាញថ្មីៗ ៖ អ្នកអាចទទួលបានជំនាញថ្មី ៗជាច្រើនទៀតរួមមាន ការសរសេរដើម្បីធ្វើយ៉ាងណាទាក់ទាញចិត្តអ្នកអាន ក្នុងនោះក៏មានការកែច្នៃ រូបភាពផ្សេងៗលើគេហទំព័រដើម្បីទទួលបានការចាប់អារម្មណ៍ច្រើនពីអ្នកមើលផងដែរ។
៥) ផ្ដល់ប្រយោជន៍ដល់ការរកស៊ីរបស់អ្នក៖ ប្រសិនបើថ្ងៃអនាគត អ្នកមានគំនិតក្នុងការធ្វើជំនួញអ្វីមួយ គេហទំព័រនេះ អាចជួយសម្រួលដល់ការងារនោះយ៉ាងច្រើន។ អ្នកអាចបង្ហាញ ជាគំនិតរកស៊ីអ្វីមួយទៅកាន់អ្នកដទៃនិង ធ្វើការវាស់ស្ទង់ពីមតិទាំងនោះចំពោះគំនិតអាជីវកម្មអ្នក។
៦) ស្វែងរកអ្វីដែលថ្មីដោយខ្លួនឯង៖ វាអាចជាកន្លែងមួយដឹកនាំអ្នកទៅរកអ្វីដែលថ្មី។ ពេលខ្លះ អ្នកមានចម្ងល់ពីអ្វីមួយ តែមិនដឹងថាទីណាដែលសក្ដិសមអោយអ្នកបកស្រាយយោបល់ទាំងនោះ។ គេហទំព័រនេះអាចជាកន្លែងជំរុញអ្នកទៅរកអ្វីដែលអ្នកចង់បាន៕
ប្រែសម្រួល៖ ព្រំ សុវណ្ណកណ្ណិកា
