កូរ៉ូណាវីរុស៖ តើភេសជ្ជៈក្តៅអាចការពារអ្នកពីកូវីដ១៩បានទេ?
ភេសជ្ជៈក្តៅអាចផ្តល់ជាការថែទាំដ៏ល្អដល់សុខភាព ពិសេសនៅពេលអាកាសធាតុត្រជាក់ និងដើរតួនាទីយ៉ាងសំខាន់សម្រាប់ការរម្ងាប់ចិត្តដែលមានបញ្ហា ហើយអាចធ្វើឲ្យមានអារម្មណ៍បានប្រសើរ និងបង្កើនភាពជិតស្និតជាមួយមនុស្សនៅជុំវិញខ្លួនបាន។ ខណៈដែលមនុស្សជាច្រើនអាចស្វែងរកកាហ្វេ តែ ឬភេសជ្ជៈក្តៅដើម្បីជួយពួកគេក្នុងការកាត់បន្ថយភាពតានតឹង ឬបញ្ហានានា ប៉ុន្តែរឿងមួយដែលភេសជ្ជៈក្តៅមិនបានធ្វើគឺ វាមិនអាចការពារអ្នកពីកូវីដ១៩ទេ។
លោក Ron Eccles អ្នកជំនាញផ្នែកជំងឺផ្លូវដង្ហើមនៅសាកលវិទ្យាល័យ Cardiff ចក្រភពអង់គ្លេសមានប្រសាសន៍ថា៖ «មិនមានភ័ស្តុតាងណាមួយបញ្ជាក់ថាភេសជ្ជៈក្តៅអាចការពារប្រឆាំងនឹងការចម្លងរោគដោយវីរុសនោះទេ» ។ តាមរយៈការស្រាវជ្រាវនាពេលកន្លងមកលោក Eccles បានបង្ហាញពីឥទ្ធិពលនៃការទទួលទានទឹកក្តៅនៅពេលមានជំងឺផ្តាសាយ ហើយស្ថានជំងឺនឹងបានធូរស្បើយមួយកម្រិតបន្ទាប់ពីផឹកទឹកក្តៅរួច។
ទោះជាយ៉ាងណាក៏ដោយវីរុសមិនត្រូវបានកម្ចាត់ដោយទឹកក្តៅទេ ដូចជាក្នុងករណីជំងឺ Sars-CoV-2 ដែល Coronavirus ដែលជាបុព្វហេតុបង្កជំងឺរលាកផ្លូវដង្ហើម Covid-19 ខណៈពេលដែលវីរសុនៅក្នុងចូលទៅក្នុងខ្លួនមនុស្សតាមរយៈការស្រូបយក ឬទទួលយកដំណត់ទឹកតូចៗ (ដែលមានផ្ទុកវីរុស) បង្កើតបានជាជំងឺផ្លូវដង្ហើម។ នៅពេលចូលក្នុងខ្លួន វីរុសព្យាយាមរត់ទៅជ្រកនៅកន្លែងកំបាំងដែលអាចលាក់ខ្លួនបានពីការតាមប្រមាញ់នៃប្រព័ន្ធភាពស៊ាំក្នុងរាងកាយ ពិសេសវាព្យាយាមរត់ទៅតោងលើកោសិកាសួត។ ការសិក្សាដំបូងមួយចំនួនបានលើកឡើងថាវាអាចចំណាយពេលដល់ទៅ ៣០ ម៉ោងដែលកោសិកាដំបូងឆ្លងដំបូងអាចធ្វើការបំបែកខ្លួនចម្លងទៅកោសិកាផ្សេងៗទៀតយ៉ាងច្រើន។
ស្រដៀងគ្នានេះដែរ នៅពេលវីរុសនៅក្នុងកោសិការបស់យើង វីរុសត្រូវបានការពារពីសីតុណ្ហភាពណាមួយ រាងកាយមនុស្សមានសីតុណ្ហភាព ៣៧ អង្សាសេ ដែលជាសីតុណ្ហភាពល្អសម្រាប់វីរុសរស់នៅ ចម្លង និងធ្វើមីតូសពង្រីកខ្លួនរាលដាល។ ទឹកក្តៅឧណ្ហៗទំនងជាមិនអាចសម្លាប់មេរោគណាមួយនៅខាងក្នុងកោសិកានោះទេ។ វាត្រូវការសីតុណ្ហភាព ៥៦ អង្សាសេ ឬខ្ពស់ជាងនេះដើម្បីសម្លាប់មេរោគនេះ។ ខណៈពេលដែលការសិក្សាមិនទាន់ត្រូវបានចេញផ្សាយលើវីរុសដែលបណ្តាលពី Covid-19 និងភាពធន់ទ្រាំរបស់វាទៅនឹងសីតុណ្ហភាពខ្ពស់ វាទំនងជានឹងមានលក្ខណៈស្រដៀងពពួក Coronavirus ដទៃទៀតដែរ៕
អត្ថបទពាក់ព័ន្ធ៖
- កម្ពុជាឈរលេខ២នៅក្នុងតំបន់អាស៊ានមានអត្រា%ជាសះស្បើយពីកូវីដច្រើនជាងគេត្រឹមព្រឹកនេះ
- វៀតណាម អនុវត្តន៍វិធានការផាកពិន័យតឹងតែង ដល់អ្នកមិនពាក់ម៉ាសនៅទីសាធារណៈ
- បញ្ហាផ្ទួនៗ! Zoom ត្រូវ FBI ប្ដឹងលើករណីបែកធ្លាយព័ត៌មានរបស់អ្នកប្រើប្រាស់ទៅដល់ Facebook
ដោយ៖ Anthony
ប្រភព៖ BBC
