ចាប់​ផ្ដើម​ជំនួញ​នៅ​ថ្ងៃ​នេះ​ជា​មួយ​នឹង​​ជំនាញ​របស់​អ្នក​ និង​តម្រូវការ​នៅ​លើ​ទីផ្សារ​



គ្រប់​មុខ​ជំនួញ​ទាំងអស់​ដែល​ជោគជ័យ​ គឺ​ដោយសារតែ​​ជំនួញ​ទាំង​នោះ​អាច​ស្វែង​រក​ដំណោះស្រាយ​ពិតប្រាកដ​ឆ្លើយតប​ទៅ​នឹង​បញ្ហា​ទាំងឡាយ​របស់​អតិថិជន។ ប៉ុន្តែ​រឿង​នេះ​គួរ​ឲ្យ​ស្តាយ​ណាស់​ពីព្រោះ​ថា មនុស្ស​ភាគច្រើន​រក​មិន​ឃើញ​ថា តើ​គួរ​ចាប់​ផ្តើម​ជំនួញ​​របស់​ពួកគេ​ពី​កន្លែង​ណា​ទៅ? ពួកគេ​មិន​ដឹង​ថា តើ​គួរ​បង្កើត​ផលិតផល ឬ​សេវាកម្ម​អ្វី​​សម្រាប់​ចូលរួម​ចំណែក​ដោះស្រាយ​បញ្ហា​របស់​អតិថិជន? 

មិន​ខ្វល់​ថា ​អ្នក​បាន​ចំណាយ​ណា​ពេល​លើក​ដំបូង​នៅ​ក្នុង​ឆាក​ជីវិត​ និង​អាជីព​របស់​អ្នក​ដោយ​របៀបណា​នោះ​ទេ អ្នក​ត្រូវ​​តែ​ដុសខាត់​​ខ្លួនឯង​ឲ្យ​ពូកែ​ខាង​អ្វី​មួយ។ វា​ជា​ទេពកោសល្យ ឬ​សមត្ថភាព​​ដែល​អ្នក​មាន​ពិសេស​ជាង​អ្នក​ផ្សេង ទៀត ហើយ​មនុស្ស​គ្រប់គ្នា​មាន​ចំណុច​ពិសេស​នេះ។ នេះ​មិនមែន​មានន័យ​ថា អ្នក​ត្រូវ​តែ​មាន​សមត្ថភាព​ពិសេស​ជាងគេ​បំផុត​ក្នុង​លោក​នោះ​ទេ។ ការ​ពិត​ដោយ​គ្រាន់តែ​អ្នក​អាច​ស្វែង​រក​វិធី​ជួយ​ដោះស្រាយ​បញ្ហា​​នៅ​ក្នុង​ផ្នែក​ណាមួយ​ដែល​ជា​តម្រូវការ​​របស់​មនុស្ស​ជុំវិញ​អ្នក​បាន  គឺ​វា​អាច​ចាត់​ទុក​ថា អ្នក​មាន​សមត្ថភាព​ពិសេស​មួយ​​រួច​បាត់​​ទៅ​ហើយ។ 

គោលដៅ​នៃ​ការ​ខិតខំ​ប្រឹងប្រែង​​​​ផ្នែក​​ទីផ្សារ​សម្រាប់​អាជីវកម្ម​របស់​អ្នក​​​គឺ​ត្រូវ​ស្វែងរក​​មនុស្ស​​ដែល​ចាប់អារម្មណ៍​នឹង​គំនិត​អាជីវកម្ម​​របស់​អ្នក​ឲ្យ​បាន​គ្រប់​ចំនួន ​ហើយ​បន្ទាប់មក​ភ្ជាប់​ទំនាក់ទំនង​ជាមួយ​​​ពួកគេ​តាម​តាមរយៈ​​មធ្យោបាយ​ជា​ច្រើន​ដែល​មាន​តម្លៃ​សម្រាប់​ពួកគេ។ អ្នក​​មិន​ចាំបាច់​ធ្វើ​ទីផ្សារ​តម្រូវ​មនុស្ស​គ្រប់​គ្នា​ទេ។ អ្នក​គ្រាន់តែ​ធ្វើ​ទីផ្សារ​ទៅ​លើ​នរណា​ដែល​ជា​គោលដៅ​អតិថិជន​ស្នូល​របស់​អ្នក​ និង​ឲ្យ​តម្លៃ​លើ​​គំនិត​អាជីវកម្ម​នោះ។

តាម​ពិត​ទៅ​អ្នក​មាន​ជំនាញ​ដែល​​អ្នក​មើល​រំលង ឬ​មិន​ឲ្យ​តម្លៃ​​វា​តែ​ម្ដង។ សូម​កុំ​មើល​ស្រាល​ជំនាញ​របស់​អ្នក។ សូម​វាយតម្លៃ​ជំនាញ​របស់​អ្នក​ឡើង​វិញ​ ហើយ​បន្ទាប់មក​រក​មើល​​សមត្ថភាព​មួយ​ដែល​អ្នក​ពូកែ​លេចធ្លោ ដោយ​អភិវឌ្ឍ​វា​ឲ្យ​កាន់តែ​​ខ្លាំង​ឡើង។ ខាងក្រោម​នេះ គឺជា​សំនួរ​សំខាន់ៗ​ដែល​អ្នក​អាច​ចោទ​សួរ​​ខ្លួនឯង​ដើម្បី​​ជីក​គាស់រំលើង​​​វា​ឡើង៖
-តើ​បញ្ហា​អ្វី​ខ្លះ​ដែល​អ្នក​​គិត​ថា វា​នឹង​នៅ​តែ​​បន្ត​កើត​មាន​ស្រប​គ្នា​ទៅ​នឹង​ដំណើរ​ជីវិត​របស់​អ្នក?
-តើ​គ្រួសារ និង​មិត្ត​ភក្តិ​របស់​អ្នក​កំពុង​ក្រពុលមុខ ឬ​ខកចិត្ត​ទៅ​នឹង​បញ្ហា​អ្វី​ខ្លះ? 
-តើ​មហិច្ឆតា​របស់​អ្នក​ផ្តោត​ទៅ​លើ​អ្វី? ​
-តើ​អ្វី​ទៅ​ដែល​អ្នក​បាន​​ចេះ​ច្រើន​ជាង​អ្នក​ផ្សេង​ទៀត? ទាំង​នៅ​ក្នុង​អាជីវកម្ម? ទាំង​នៅ​ក្នុង​ជីវិត​ឯកជន? 
-តើ​​អ្នក​យល់​ថា បញ្ហា​ដែល​អ្នក​មើល​ឃើញ​​​កំពុង​ធ្លាក់​ចូល​នៅ​ក្នុង​អន្ទាក់​ដែល​ជា​​​ជំនាញ​របស់​អ្នក​​ឬទេ? 
-តើ​សេវាកម្ម​អ្វី​ដែល​អ្នក​អាច​បង្កើត​ឡើង​ដើម្បី​​ផ្ដល់​មធ្យោបាយ​សម្រាប់​ដោះស្រាយ​បញ្ហា​នោះ?

ទាំង​នេះ​គឺ​ជា​គំនិត​ដែល​អាច​ធ្វើ​ឲ្យ​អ្នក​​បង្កើត​​អាជីវកម្ម​ផ្ទាល់ខ្លួន​របស់​អ្នក​បាន​​។ សូម​ពិនិត្យ​មើល​វា​ឲ្យ​បាន​ល្អិតល្អន់​បន្តិច​។ ​អ្នក​ត្រូវ​សកម្ម​ឡើង​ក្នុង​ការ​បង្កើត​ចម្ងល់​ជា​ច្រើន​​សម្រាប់​សួរ​ខ្លួនឯង។ សរសេរ​បំណង​ប្រាថ្នា​​របស់​អ្នក​ទុក ហើយ​គិត​ពី​វិធី​ដែល​អ្នក​អាច​ដោះស្រាយ​បញ្ហា​ដែល​មាន​ស្រាប់​បាន និង​អាច​ផ្ដល់​គុណ​តម្លៃ​ឲ្យ​បាន​ច្រើន​។ ចង់​ធ្វើ​ជំនួញ អ្នក​ត្រូវ​មាន​ជំនាញ​ពិសេស​​ក្នុង​មុខ​ជំនួញ​ដែល​អ្នក​ចង់​ធ្វើ៕

ដោយ៖ ខេវិន 
ប្រភព៖ Entrepreneur 

X
5s