សំនួនវោហារស័ព្ទ (Idiom) ក្នុងភាសាអង់គ្លេស ៥ឃ្លា អ្នកគួរដឹងនិងយកទៅប្រើប្រាស់ក្នុងការនិយាយនិងសរសេរ
ភាសានីមួយៗសុទ្ធតែមានសំនួនវោហារស័ព្ទ (Idiom) របស់ពួកគេរៀងៗខ្លួន។ Idiom មិនត្រឹមតែមានន័យធៀបដែលចង់ប្រដូចទៅនឹងស្ថានភាពមួយផ្សេងទៀតនោះទេ តែ Idiom មួយចំនួនមានលក្ខណៈជាគតិអប់រំ ជាការបង្រៀនពីមេរៀននៃជីវិត ព្រមទាំងឆ្លុះបង្ហាញពីការគិតរបស់ជនជាតិដែលប្រើប្រាស់ភាសានោះផងដែរ។ ខាងក្រោមនេះគឺជាឃ្លា Idiom ក្នុងភាសាអង់គ្លេសចំនួន ៥ដែលអ្នកគួរចេះ៖
១) Linda always criticizes anyone around her. But she should understand that no one is perfect. That's why everyone pays attention to her mistakes and waits to critcize her back in order for her to have a taste of her own medicine.
«លីនដាតែងតែរិះគន់មនុស្សនៅជុំវិញខ្លួននាង។ ប៉ុន្តែនាងគួរតែយល់ថាមនុស្សយើងគ្មាននរណាម្នាក់ដែលល្អឥតខ្ចោះនោះឡើយ។ ដូច្នេះហើយទើបបានជាមនុស្សគ្រប់គ្នាយកចិត្តទុកដាក់លើកំហុសរបស់នាង ហើយរង់ចាំរិះគន់នាងវិញ ដើម្បីឲ្យនាងបានភ្លក់រសជាតិនូវអ្វីដែលនាងបានធ្វើដាក់ពួកគេ។» ។ A taste of one's own medicine សំដៅទៅលើលទ្ធផលដែលនរណាម្នាក់ទទួលបានក្រោយពីអ្វីដែលខ្លួនធ្វើមិនល្អដាក់អ្នកដទៃ។
២) My younger sister is a hard-working student, so for her, getting a good result at school is nothing to shout about.
«ប្អូនស្រីរបស់ខ្ញុំគឺជាសិស្សដែលខិតខំរៀនសូត្រ ហេតុនេះហើយសម្រាប់នាង ការទទួលបានលទ្ធផលល្អនៅសាលាមិនមានអ្វីអស្ចារ្យនោះឡើយ។» ។ Nothing to shout about ប្រើប្រាស់ដើម្បីរៀបរាប់ពីអ្វីមួយដែលមិនអាក្រក់មិនល្អ ពោលគឺមានលក្ខណៈធម្មតាៗ គ្មានអ្វីពិសេសដែលគួរឲ្យលើកឡើងនិយាយអំពីវានោះឡើយ។
៣) A necessary evil refers to something unpleasant that you have to go through in order to achieve the good result.
«A necessary evil សំដៅលើអ្វីមួយដែលមិនគួរជាទីរីករាយ ដែលអ្នកត្រូវឆ្លងកាត់ដើម្បីសម្រេចបាននូវលទ្ធផលល្អ។» ។
៤) I don't like to walk through that house. It leaves a bad taste in my mouth when it reminds me of the time that that house's big black dog barked aggressively at me.
«ខ្ញុំមិនចូលចិត្តដើរកាត់ផ្ទះមួយនោះទេ។ វាបន្សល់ទុកនូវការចងចាំមិនល្អដល់ខ្ញុំនៅពេលដែលវារំលឹកខ្ញុំដល់ពេលដែលឆ្កែពណ៌ខ្មៅធំមួយរបស់ផ្ទះនោះ បានព្រុសយ៉ាងកម្រោលដាក់ខ្ញុំ។» ។ A bad taste in one's mouth សំដៅលើបទពិសោធន៍អវិជ្ជមានដែលបានបន្សល់ទុកក្នុងការចងចាំរបស់នរណាម្នាក់។
៥) I can't sleep well these days. I think it may be due to my phone addiction's habit. From now on, I may need a digital detox for a while.
«ប៉ុន្មានថ្ងៃនេះខ្ញុំគេងមិនសូវស្កប់ស្កល់សោះ។ ខ្ញុំគិតថាវាអាចមកពីទម្លាប់ញៀននឹងលេងទូរស័ព្ទរបស់ខ្ញុំហើយ។ ចាប់ពីពេលនេះទេ ខ្ញុំប្រហែលជាត្រូវឃ្លាតឆ្ងាយពីទូរស័ព្ទក្នុងរយៈពេលខ្លីសិនហើយ។» ។ A digital detox សំដៅលើអំឡុងពេលមួយដែលនរណាម្នាក់ឃ្លាតឆ្ងាយពីរាល់ឧបករណ៍អេឡិចត្រូនិកណាដែលតភ្ជាប់នឹងអ៊ីនធើណិត៕
ដោយ៖ ស្រីពៅ
