ឱកាសល្អនៅតែមានក្នុងការអភិវឌ្ឍបច្ចេកវិទ្យា Fintech នៅកម្ពុជា ទោះបីវាហាក់នៅមានភាពយឺតយ៉ាវបន្តិចក្តី
រចនាសម្ព័ន្ធបច្ចេកវិទ្យាហិរញ្ញវត្ថុ (Fintech) នៅកម្ពុជាគឺនៅក្នុងផ្នែកមួយនៃការអភិវឌ្ឍតិចតួចបំផុតនៅអាស៊ីអាគ្នេយ៍។ ស្របពេលជាមួយគ្នានេះដែរចំនុចខ្លះ និងអ្វីដែលគួរឲ្យកត់សំគាល់គឺកំពុងមានសក្ដានុពលលើបទបញ្ញត្តិស្តីពី និងការរីកចម្រើននៃបច្ចេកវិទ្យាហិរញ្ញវត្ថុ។ កម្ពុជាកំពុងមានដំណើរឆ្ពោះទៅរកបច្ចេកវិទ្យាហិរញ្ញវត្ថុមួយ ហើយវិនិយោគិនក៏កំពុងសំម្លឹងមើលទីផ្សារកម្ពុជាសម្រាប់វិស័យមួយនេះចាប់ពីឆ្នាំ ២០១៩ តទៅ។
១) ចំនុចល្អនៃបច្ចេកវិទ្យាហិរញ្ញវត្ថុប្រទេសកម្ពុជា
Fintech នេះបានដំណើរការនៅកម្ពុជាតាំងពីឆ្នាំ ២០១៨ ដែលវាជាសមាគមបច្ចេកវិទ្យាហិរញ្ញវត្ថុកម្ពុជា (Cambodia Fintech Association) ហើយការបង្កើតនេះក្នុងគោលបំណងបង្កើនការដាក់បញ្ចូលផ្ដល់ឲ្យកាលឲ្យប្រជាជនខ្មែរទាំងអស់ ទាំងអ្នកប្រើប្រាស់ប្រព័ន្ធធនាគារនិងមិនប្រើប្រព័ន្ធធនាគារ ដើម្បីធ្វើយ៉ាងណាឲ្យស្គាល់ពីអ្វីដែលជា Fintech។ កម្ពុជាអាចនឹងមានសន្ទុះនៃការរីកចម្រើនល្អនាពេលអនាគត តែខណៈនេះដំណើរការនៃ Fintech នៅមានសភាពយឺតយ៉ាវនៅឡើយ។
ចំនុចមួយហើយដែលវិនិយោគិនយល់ថា វាជាឱកាសល្អក្នុងការបណ្តាក់ទុនវិនិយោគ។ នៅពេលអ្នកផ្តល់ប្រាក់ទូទាត់ដាក់ទុនប្រមាណ ២លានដុល្លារដែលអាចនិយាយបានថាជាទុនបណ្តុះគ្រាប់ពូជដែលមានសុវត្ថិភាព ហើយវាបានក្លាយជាក្រុមហ៊ុន Fintech ដ៏ល្អបំផុតរបស់កម្ពុជា។ វាហាក់មានកំលាំងខ្សោយបន្តិចក្នុងការប្រកួតជាមួយប្រទេសជិតខាង តែវាទើបតែចាប់ផ្តើមប៉ុណ្ណោះ ដូចនេះវានៅមានសង្ឃឹមច្រើន។
Source: Fintech News
២) មានការប្រកួតប្រជែងសំខាន់ៗជាច្រើនដែលត្រូវយកឈ្នះឲ្យបាន
បញ្ហាដ៏ធំមួយសម្រាប់ក្រុមហ៊ុន Fintech នៅកម្ពុជាគឺរចនាសម្ព័ន្ធនៃការទូទាត់ប្រាក់នៅក្នុងប្រទេសយើងផ្ទាល់ មានក្រុមហ៊ុនមួយចំនួនដែលជួបប្រទះបញ្ហានេះ គេព្យាយាមដោះស្រាយដែរតែដំណោះស្រាយមិនអាចតាមអ្វីដែលគ្រោងទុក ក៏បង្ខំឲ្យគេបិទអាជីវកម្មទៅវិញ។ តាមរបាយការណ៍បានបង្ហាញថា ៧០% នៃប្រតិបត្តិការទូទាត់ទូទាំងប្រទេសបង្កឲ្យមានបញ្ហាបរាជ័យនេះកើតឡើង។
ដោយឡែក រាយការណ៍ពីធនាគារជាតិនៃកម្ពុជាឆ្នាំ ២០១៧ បញ្ជាក់ថា កង្វះខាតកត្តាមួយចំនួនដូចជា កន្លែងធ្វើការរួមគ្នា (co-working space) ការបង្កើនល្បឿន អ្នកបណ្តុះបណ្តាល ការគាំទ្រពីសាកលវិទ្យាល័យលើ Startup ជាហេតុផលដែលនាំឲ្យមានការបរាជ័យលើ Fintech នេះ។
ទោះជាយ៉ាងណាគេក៏បានចេញផ្សាយរបាយការណ៍មុនពេលដាក់ឲ្យដំណើការសមាគមបច្ចេកវិទ្យាហិរញ្ញវត្ថុកម្ពុជា (CFA) ដែលបានស្វែងរកដំណោះស្រាយយ៉ាងសកម្មលើបញ្ហាទាំងនេះ។ ធនាគារជាតិបានដាក់ជាកាកំណត់រួមមួយសម្រាប់ទាំងអស់គ្នា នូវក្របខ័ណ្ឌច្បាប់ច្បាស់លាស់មួយសម្រាប់ក្រុមហ៊ុន Fintech ដោយធនាគារជាតិនៃកម្ពុជាបានណែនាំក្របខ័ណ្ឌផ្តល់អាជ្ញាបណ្ណសម្រាប់អ្នកផ្តល់សេវាកម្មទូទាត់។ នេះវាអនុញ្ញាតឲ្យក្រុមហ៊ុន Fintech អាចស្នើសុំដោយផ្ទាល់ទៅធនាគារជាតិដោយមិនត្រូវការធនាគារជាអ្នកឧបត្ថម្ភមុនទេ មានន័យថាមិនត្រូវការអន្តរការីពីធនាគារឡើយ។
៣) សក្តានុពលនៃការរីកលូតលាស់ Fintech នៅកម្ពុជា
កម្ពុជាកំពុងជំរុញសមត្ថភាពក្រុមហ៊ុន Fintech ជាផ្នែកមួយនៃយុទ្ធសាស្រ្តក្នុងការកសាងជាតិ។ Fintech អាចជាអ្នកផ្លាស់ប្តូរហ្គេមសម្រាប់ប្រទេស ហើយក៏មានឱកាសជាច្រើនសម្រាប់រីកចម្រើនផងដែរ។ ដំបូងគឺត្រូវធ្វើការពិចារណាលើគម្លាតរវាងតម្រូវលើវិស័យហិរញ្ញវត្ថុនិងការផ្គត់ផ្គង់ជាផ្លូវការ។ ធនាគារជាតិធ្វើការសន្និដ្ឋានគម្លាតនេះគិតជាទឹកប្រាក់ប្រមាណ ២៤ប៊ីលានដុល្លារក្នុងឆ្នាំ ២០១៧។ នៅក្នុងទ្រឹស្តីដែលថា ធ្វើឱ្យវាកាន់តែងាយស្រួលសម្រាប់ក្រុមហ៊ុន fintech វានាំឲ្យមានការរំខានដល់វិស័យហិរញ្ញវត្ថុដោយសារតែមានគម្លាតច្បាស់លាស់នៅក្នុងទីផ្សារសម្រាប់ពួកគេ។ បន្ទាប់មក ការអភិវឌ្ឍតិចណូឡូជី និងការទទួលយកនៅក្នុងប្រទេសកម្ពុជាកំពុងមានបង្កើនល្បឿន។ ការជ្រៀតចូលនេះការប្រើប្រាស់ទូរស័ព្ទមានការកើនឡើងខ្ពស់ តែនៅទាបជាង ១ភាគ៥ នៃអ្នកប្រើប្រាស់សរុបប៉ុណ្ណោះជាអ្នកដែលបានធ្វើការទូទាត់។
៤) ការរួមបញ្ចូលហិរញ្ញវត្ថុគឺជាគន្លឹះនៃការអភិវឌ្ឍក្រុមហ៊ុន Fintech កម្ពុជា
ADB បានធ្វើការសន្និដ្ឋានព្យាការណ៍ពីការការអភិវឌ្ឍក្រុមហ៊ុន Fintech ដែលអាចរកបាន ១.៧ប៊ីលានដុល្លារលើលំហូរនៃការទូទាត់តាមអេឡិចត្រូនិច និង២.៥ប៊ីលានដុល្លារបានស្រូបយកក្រេឌីតនៅកម្ពុជា។ ពិតណាស់ អ្នកជនបទក៏មានលទ្ធភាពប្រើប្រាស់ទូរស័ព្ទចល័ត វាជាកត្តាមួយដែលជួយជំរុញដល់ការប្រើប្រាស់តិចណូឡូជី និងអាចជួយដល់អ្នកផ្តល់សេវាហិរញ្ញវត្ថុ ព្រោះថាស្ទើរគ្រប់គ្នាអាចធ្វើការទូទាត់តាមប្រព័ន្ធអេឡិចត្រូនិចបាន ការពង្រីកទំហំទីផ្សារឲ្យកាន់តែធំ។
Fintech ក៏នឹងផ្តល់ជូនផ្លេតហ្វមក្នុងការជួយដល់ការរីកចម្រើននៃវិស័យហិរញ្ញវត្ថុក្នុងស្រុកដែរ ព្រោះអាចបណ្តាលឲ្យមានការប្រើប្រាស់សន្សំក្នុងធនាគារកើនឡើង មានសេវាធានារ៉ាប់រងពិសេសលើអាជីវកម្មជាដើម។
៥) តែទោះជាយ៉ាងណាវាមិនទាន់អាចចាប់ផ្តើមភ្លាមៗទេ
វាត្រូវការពេលវេលាមួយរយៈក្នុងការកសាង កត្តាខ្វះខាតដើមទុន ដំណើរការប្រតិបត្តិការអាជីវកម្មថ្មីថ្មោង បទពិសោធន៍នៅស្ទើរនៅឡើយ ក្របខ័ណ្ឌច្បាប់នៅមានកម្រិត ទាំងនេះជាបញ្ហាចំពោះមុខត្រូវគិតគូរខ្លាំង៕
ដោយ៖ យ៉ាយ៉ា
