សុភាសិតភាសាអង់គ្លេសទាំង ៦ ដែលអ្នកសិក្សាគួរចងចាំ
សុភាសិតត្រូវបានចងក្រងឡើងដើម្បីពាំនាំនូវគតិល្អៗសម្រាប់អប់រំមនុស្សនៅក្នុងការរស់នៅ។ តើភាសាអង់គ្លេសមានសុភាសិតអ្វីខ្លះ ដែលមានប្រយោជន៍សម្រាប់ការរស់នៅរបស់យើង ? ខាងក្រោមនេះគឺជាសុភាសិតចំនួន៦ដែលអ្នកគួរចងចាំ:
១) Two wrongs don't make a right. = ការសងសឹកនរណាម្នាក់ចំពោះអ្វីដែលគេបានធ្វើមិនល្អមកលើអ្នក មិនបានធ្វើឲ្យអ្វីៗត្រឹមត្រូវនោះឡើយ។
ឧទាហរណ៍: My friend gossiped behind my back, but it's not worth me to gossip her back. Two wrongs don't make a right.
«មិត្តរបស់ខ្ញុំនិយាយដើមខ្ញុំពីក្រោយខ្នង ប៉ុន្តែវាគ្មានតម្លៃអ្វីនឹងឲ្យខ្ញុំនិយាយដើមនាងវិញនោះទេ។ ការសងសឹកនរណាម្នាក់ចំពោះអ្វីដែលគេបានធ្វើមិនល្អមកលើយើង មិនបានធ្វើឲ្យអ្វីៗត្រឹមត្រូវនោះឡើយ។»
២) The pen is mightier than the sword. = ពាក្យពេចន៍ដែលយើងប្រើប្រាស់នៅក្នុងការសរសេរមានឥទ្ធិពលទៅលើមនុស្សឬទៅលើហេតុការណ៍ផ្សេងៗជាងការប្រើប្រាស់កម្លាំងបាយឬអំពើហិង្សា។
ឧទាហរណ៍: If you want to win over someone, you should try to win their heart because as the saying goes, “The pen is mightier than the sword”.
«បើអ្នកចង់យកឈ្នះនរណាម្នាក់ អ្នកគួរតែព្យាយាមយកឈ្នះចិត្តរបស់គេ ដូចដែលមានពាក្យមួយពោលឡើងថា «ពាក្យពេចន៍ដែលយើងប្រើប្រាស់នៅក្នុងការសរសេរមានឥទ្ធិពលទៅលើមនុស្សឬទៅលើហេតុការណ៍ផ្សេងៗជាងការប្រើប្រាស់កម្លាំងបាយឬអំពើហិង្សា»។ »
៣) When in Rome, do as the Romans do. = នៅពេលអ្នកទៅកន្លែងណាមួយ ត្រូវចេះចូលស្ទឹងតាមបត់ជាមួយនឹងទំនៀមទម្លាប់របស់មនុស្សនៅទីនោះ។
ឧទាហរណ៍: I visited my aunt yesterday and her family always goes to bed early, so when in rome, do as the Romans do.
«ខ្ញុំទៅលេងមីងខ្ញុំកាលពីម្សិលមិញ ហើយក្រុមគ្រួសាររបស់គាត់តែងឆាប់ចូលគេង ហេតុនេះហើយខ្ញុំមានតែចូលស្ទឹងតាមបត់នោះឯង។»
៤) Beauty is in the eye of the beholder. = ភាពស្រស់ស្អាតអាស្រ័យទៅលើអ្នកមើល ឬម្យ៉ាងទៀតថាអ្វីដែលស្រស់ស្អាតសម្រាប់មនុស្សម្នាក់មិនប្រាកដថាស្រស់ស្អាតសម្រាប់មនុស្សម្នាក់ទៀតនោះឡើយ។
ឧទាហរណ៍: Don't be so sad, Linda! Everyone is beautiful in their own way. You can't compare anything that are not of the same type. Beauty is in the eye of the beholder. You have to appreciate your unique beauty.
«កុំពិបាកចិត្តអីលីនដា! គ្រប់គ្នាស្រស់ស្អាតទៅតាមរបៀបរបស់ខ្លួន។ ឯងមិនអាចប្រៀបធៀបអ្វីដែលមិនស្ថិតនៅក្នុងប្រភេទជាមួយគ្នាបាននោះទេ។ ភាពស្រស់ស្អាតគឺអាស្រ័យទៅលើអ្នកមើល។ ឯងត្រូវឲ្យតម្លៃទៅលើភាពស្រស់ស្អាតដែលពិសេសរបស់ខ្លួនឯង។»
៥) Beauty is only skin deep. = រូបរាងខាងក្រៅមិនស្មើគ្នានឹងអត្តចរិតនោះឡើយ ឬអត្តចរិតរបស់មនុស្សសំខាន់ជាងរូបរាងដែលពួកគេមាន។
ឧទាហរណ៍: Judging from her appearance, I mistakenly thought that she was a compassionate person. I never expect that she is actually a cunning person. It is true that beauty is only skin deep.
«វាយតម្លៃតាមរយៈរូបរាងរបស់នាង ខ្ញុំយល់ច្រឡំថានាងជាមនុស្សម្នាក់ដែលមានចិត្តអាណិតអាសូរអ្នកដទៃ។ ខ្ញុំមិននឹកស្មានដល់សោះថាតាមពិតនាងគឺជាមនុស្សម្នាក់ដែលពោរពេញដោយកលល្បិចនោះឡើយ។ រូបរាងខាងក្រៅមិនស្មើគ្នានឹងអត្តចរិតពិតជាត្រឹមត្រូវណាស់។»
៦) When the going gets tough, the tough get going. = នៅពេលដែលស្ថានភាពចាប់ផ្ដើមជួបការលំបាក មនុស្សដែលស្វិតស្វាញនឹងកាន់តែខិតខំប្រឹងប្រែងជាងមុនហើយមិនបោះបង់ដោយងាយៗ។
ឧទាហរណ៍: Instead of complaining about the bad situations, we should look at it from another point of view, think that they come to test you. If you're indeed a tough person, then you'll work harder and your hard work will help you pass these bad situations. Like the saying goes, “When the going gets tough, the tough get going”.
«ជាជាងរអ៊ូរទាំអំពីស្ថានភាពទាំងឡាយដែលមិនល្អ ពួកយើងគួរតែសម្លឹងមើលវាពីជ្រុងម្ខាងទៀត ហើយគិតថាពួកវាមកដើម្បីពិសោធន៍អ្នក។ បើអ្នកពិតជាមនុស្សដែលស្វិតស្វាញ នោះអ្នកនឹងកាន់តែខិតខំជាងមុន ហើយការខិតខំរបស់អ្នកនឹងនាំអ្នកឲ្យឆ្លងផុតស្ថានភាពមិនល្អទាំងនេះ។ ដូចដែលគេចំណាំនិយាយថា « នៅពេលដែលស្ថានភាពចាប់ផ្ដើមជួបការលំបាក មនុស្សដែលស្វិតស្វាញនឹងកាន់តែខិតខំប្រឹងប្រែងជាងមុនហើយមិនបោះបង់ដោយងាយៗ»។ »
ដោយ៖ ស្រីពៅ
