ផលិតផលវៀតណាម កំពុងអង្រួនចិត្តនិងទទួលបានការពេញនិយមនៅសហរដ្ឋអាមេរិក
“ផលិតនៅប្រទេសវៀតណាម” ជាហាងមួយកន្លែងដែលកំពុងស្ថិតនៅសហរដ្ឋអាមេរិកដែលផលិតផលទាំងនោះរួមមាន៖ ទូរស័ព្ទចល័ត កៅអីអង្គុយ និងសំលៀកបំពាក់បានក្លាយជាការពេញនិយមសម្រាប់ជនជាតិអាមេរិកជាងពេលមុនៗ។
ការនាំចូលរបស់សហរដ្ឋអាមេរិកពីប្រទេសអាស៊ីអាគ្នេយ៍មួយនេះបានកើនឡើងដល់កម្រិតមួយដែលបង្ហាញថាភាគីទាំងពីរ (អាមេរិក-វៀតណាម) មានការប្រាស្រ័យទាក់ទងគ្នាកាន់តែខ្លាំង បើទោះបីជាប្រធានាធិបតីអាមេរិកដូណាល់ត្រាំ បានដាក់កម្រិតយ៉ាងតឹងរឹងលើពាណិជ្ជកម្មជាមួយវៀតណាមក៏ដោយ។
ចុចអាន៖ ពិភពលោកកាន់តែធ្ងន់ធ្ងរហើយ! ១,២លានករណី និង ៦៦ពាន់នាក់ស្លាប់
យោងតាមការិយាល័យជំរឿនសហរដ្ឋអាមេរិកបានឲ្យដឹងថា អាមេរិកបានបង្កើនបានការនាំចូលទំនិញពីវៀតណាមចូលក្នុងប្រទេសខ្លួនប្រមាណ ៣៦% កាលពីឆ្នាំទៅ គិតជាទឹកប្រាក់សរុបប្រមាណ ៦៧ ពាន់លានដុល្លារ (៦៧ ទ្រីលានដុល្លារ) ដែលចាត់ទុកថាជាកំណើនដ៏ខ្ពស់បំផុតមួយចាប់តាំងពីឆ្នាំ ២០០៣ មក។
យោងតាមលោក Michael Ryan នាយកផ្នែកសេដ្ឋកិច្ចនៅក្រុមហ៊ុន IHS Markit Economics ដែលជាក្រុមហ៊ុនស្រាវជ្រាវវិនិយោគបានឲ្យដឹងថាការកើនឡើងនេះបានបង្ហាញថា វៀតណាមកំពុងធ្វើឲ្យទំនាក់ទំនងពាណិជ្ជកម្មរបស់ខ្លួនជាមួយសហរដ្ឋអាមេរិកកាន់តែល្អប្រសើរឡើងហើយ។ ការដែលសហរដ្ឋអាមេរិកបង្វែរទិសដៅពីប្រទេសចិនទៅរកវៀតណាម គឺដើម្បីកាត់បន្ថយទំនាក់ទំនងជាមួយប្រទេសចិនក្នុងហេតុផលសង្គ្រាមពាណិជ្ជកម្ម និងការរីករាលដាលនៃការឆ្លងកូវីដ ១៩ផង។
ចុចអាន៖ New York៖ សត្វខ្លាអាយុ ៤ឆ្នាំ មួយក្បាលធ្វើតេស្តវិជ្ជមាន កូវីដ១៩
លោក Ryan មានប្រសាសន៍ថា៖ «សហរដ្ឋអាមេរិកបានក្លាយជាគោលដៅធំ និងសំខាន់បំផុតសម្រាប់វៀតណាមក្នុងការនាំគ្រឿងម៉ាស៊ីនចេញ ដែលស្មើរប្រមាណ ២ភាគ៣ នៃកំណើននាំចេញសរុបប្រទេសវៀតណាមក្នុងឆ្នាំ ២០១៩» ។ លើសពីនេះវៀតណាមក៏ជាប្រទេសសំខាន់ និងជាប្រភពក្នុងការផ្គត់ផ្គង់គ្រឿងអេឡិចត្រូនិច គ្រឿងសង្ហារឹម សម្លៀកបំពាក់ ស្បែកជើង និងត្រីសម្រាប់ជនជាតិអាមេរិក ហើយក៏ជាអ្នកនាំចេញកាហ្វេ អង្ករ និងស្បៀងអាហារដល់ពិភពលោកសំខាន់ៗដទៃទៀតផងដែរ។
លោក Trump ធ្លាប់បានគំរាមលើការដាក់ពន្ធគយដោយលើប្រទេសវៀតណាម ដោយបានលើកឡើងកាលពីខែមិថុនាថាប្រទេសវៀតណាមបានរំលោភប្រព័ន្ធពាណិជ្ជកម្ម ប៉ុន្តែលោក Trump មិនបានពន្យល់បកស្រាយពីបញ្ហានេះទេ។ លោកបាននិយាយថាលោកចង់បន្ថយគម្លាតនៃអ្វីដែលសហរដ្ឋអាមេរិកនាំចេញទៅវៀតណាមធៀបនឹងចំនួនដែលនាំចូលពីប្រទេសវៀតណាម។
ចុចអាន៖កូរ៉ូណាវីរុស៖ តើភេសជ្ជៈក្តៅអាចការពារអ្នកពីកូវីដ១៩បានទេ?
ផ្ទុយទៅវិញគម្លាតនេះបានកើនឡើងជារៀងរាល់ឆ្នាំពីចាប់ពីឆ្នាំ ២០០៨ ដល់ឆ្នាំ ២០១៩ នេះបើយោងតាមការិយាល័យជំរឿនសហរដ្ឋអាមេរិក (The U.S. Census Bureau) ។ ជាពិសេសវៀតណាមនាំចេញកាន់តែច្រើនជាងមុនកំឡុងពេលសង្គា្រមពាណិជ្ជកម្មចិន - អាមេរិក។ ដូច្នេះរាល់សមិទ្ធផលដែលវៀតណាមនាំចេញទៅកាន់អាមេរិករឹតតែទទួលបានការគាំទ្រពីមួយកម្រិតទៅមួយកម្រិត។
ដោយ៖ Anthony
ប្រភព៖ VOA
