ក្រៅពីបុណ្យ​ចូល​ឆ្នាំខ្មែរ មានបុណ្យចូលឆ្នាំថ្មីដ៏​ធំ​ទាំង​៦​ទៀត​ដែល​ត្រូវ​បាន​ប្រារព្ធ​ធ្វើ​នៅ​ជុំវិញ​ពិភព​លោក​



មាន​មនុស្ស​ជាច្រើន​បាន​ប្រារព្ធ​ពិធី​ចូល​ឆ្នាំ​ថ្មី​ប៉ុន្តែ​មិន​មែន​ទាំងអស់​គ្នា​ទទួល​ស្គាល់​ថ្ងៃ​ទី១ ខែ​មករា​ជា​ពិធី​ចូល​ឆ្នាំ​ថ្មី​ប្រពៃណី​របស់​ពួកគេ​នោះ​ទេ។ ទោះបី​ជា​កាលបរិច្ឆេទ​ខុស​គ្នា​នៅ​ប្រទេស​ផ្សេង​គ្នា​តែ​វា​បាន​ក្លាយ​​ជា​ពេលវេលា​មួយ​ដើម្បី​ជួបជុំ​ជាមួយ​គ្រួសារ​និង​មិត្តភ័ក្ដិ។ ហើយ​ ខាង​ក្រោម​នេះ​ជា​​ការ​ប្រារព្ធ​ពិធី​ចូលឆ្នាំ​ថ្មី​ផ្សេង​ទៀត​នៅ​ជុំវិញ​ពិភពលោក៖ ១) Shogatsu នៅ​ប្រទេស​ជប៉ុន៖ បី​ថ្ងៃ​ដំបូង​នៃ​ខែ​មករា​ត្រូវ​បាន​ចាត់​ទុក​ថា​ជា​ថ្ងៃ​ឈប់​សម្រាក​សំខាន់​បំផុត​សម្រាប់​ជនជាតិ​ជប៉ុន​ដែល​ត្រូវ​បាន​គេ​ហៅ​ថា Oshogatsu ។ យ៉ាង​ណា​ក៏​ដោយ​វា​មិន​បាន​បញ្ឈប់​ពី​ការ​ចូលរួម​ទិញ​ទំនិញ​ក្នុង​ហាង​ប្រពៃណី​ដែល​តាម​រដូវ​គេ​ហៅ​ថា "fukubukuro" ដែល​ជា​កន្លែង​អាច​ទិញ​ថង់​សំណាង​បាន។ ២) ពិធីបុណ្យ​ចូល​ឆ្នាំ​ចិន​ នៅ​ប្រទេស​ចិន៖ បុណ្យ​ចូល​ឆ្នាំ​ថ្មី​ចិន​ត្រូវ​បាន​ប្រារព្ធ​នៅ​ថ្ងៃ​ដំបូង​នៃ​ប្រតិទិន​ចន្ទគតិ​របស់​ចិន។ ជា​រៀងរាល់​ឆ្នាំ​ថ្មី​របស់​ចិន  សកម្មភាព​វប្បធម៌​ធម្មតា​មាន​ដូចជា​របាំ​នាគ​របាំ​សត្វ​តោ​និង​ការ​ដុត​ផាវ។ ដូចគ្នា​នេះ​ផង​ដែរ​នៅ​តាម​ដង​ផ្លូវ​ ផ្ទះ​និង​អគារ​ត្រូវ​បាន​តុបតែង​លម្អ​ដោយ​ពណ៌​ក្រហម។ បច្ចុប្បន្ន​នេះ​មាន​ភាព​ប្រែប្រួល​ពី​មួយ​ឆ្នាំ​ទៅ​មួយ​ឆ្នាំ​ចន្លោះ​ពី​ខែ​មករា​ដល់​ខែ​កុម្ភៈ។ ៣) Seollol នៅ​ប្រទេស​កូរ៉េ៖  ពិធី​បុណ្យ​ប្រពៃណី​របស់​កូរ៉េ​នេះ​មាន​រយៈពេល​៣​ថ្ងៃ​ជាប់​គ្នា​ ដែល​អាច​ធ្វើ​ឲ្យ​ប្រជាជន​របស់​ពួកគេ​មាន​ពេល​ធ្វើ​ដំណើរ​ត្រឡប់​ទៅ​ស្រុកកំណើត​របស់​ពួកគេ​និង​ចំណាយ​ពេលវេលា​ជាមួយ​ក្រុម​គ្រួសារ​របស់​ពួកគេ។ ៤) Tsagaan Sar នៅ​ម៉ុងហ្គោលី​៖ ពិធី​ចូល​ឆ្នាំ​ថ្មី​របស់​ពួកគេ​មាន​រយៈពេល​ពេល​១៥​ថ្ងៃ​សម្រាប់​ជួបជុំ​គ្រួសារ​និង​ញាតិ​មិត្ត​របស់​ខ្លួន។ ៥) Pi Mai Lao នៅ​ប្រទេស​ឡាវ៖ ពិធី​ចូល​ឆ្នាំ​ថ្មី​របស់​ឡាវ​ក៏​ស្រដៀង​នឹង​ពិធី​ចូល​ឆ្នាំ​របស់​ខ្មែរ​ដែរ​ដែល​ចាប់​ផ្ដើម​ពី​ថ្ងៃ​ទី​១៤​ខែ​មេសា។ ៦) Songkranនៅ​ប្រទេស​ថៃ៖ ថ្ងៃ​ចូល​ឆ្នាំ​ថ្មី​ផ្លូវ​ការ​គឺ​ចាប់​ផ្ដើម​ពី​ថ្ងៃ​១៣​រហូត​ដល់​១៥​ខែ​មេសា​ ហើយ​ពិធី​ចូល​ឆ្នាំ​ថ្មី​ប្រពៃណី​របស់​ប្រទេស​ថៃ​ត្រូវ​បាន​គេ​ស្គាល់​ច្រើន​ដោយ​សារ​ការ​ជះ​ទឹក​ទ្រង់ទ្រាយ​ធំ​ដ៏​សប្បាយ​មួយ៕ ប្រែសម្រួល៖ តូច ម៉ាយ៉ារស្មី ប្រភព៖ www.whenonearth.net