តើអ្នកមានគំនិតក្នុងការរៀបចំពេលវេលាអោយកាន់តែមានប្រយោជន៍ហើយឬនៅ? អ្នកត្រូវប្រើប្រាស់ពេលវេលាដើម្បីក្រេបយកអ្វីដែលមានប្រយោជន៍ ជៀសវាងការចំណាយពេលវេលាក្នុងការគិតអ្វីដែលស្មុគស្មាញ។ ខាងក្រោមនេះគឺជាវិធីដែលជួយអោយអ្នកចេះរៀបចំពេលវេលាអោយបានឆ្លាតវៃរួមមាន៖ ១) តក់ត្រាទុកនូវការងារដែលអ្នកត្រូវធ្វើ៖ អ្នកគប្បីរៀបចំកត់ត្រាទុកនូវកិច្ចការងារណាដែលអ្នកគិតថាសំខាន់។ ដោយកត់ចំណាំក្នុងសៀវភៅ ឬក៏លើក្ដារខៀនក៏បាន ដើម្បីជាសញ្ញាដាស់តឿន ជៀសវាងការភ្លេចភ្លាំង។ ២) និយាយពាក្យថា«ទេ»៖ ហេតុអ្វីត្រូវនិយាយពាក្យថាទេ? ជាការពិតណាស់ អ្នកដទៃអាចនឹងពឹងពាក់អ្នកអោយជួយធ្វើកិច្ចការរបស់ពួកគេខ្លះ ។ ប៉ុន្តែអ្នកត្រូវតែគិតថា តើការជួយនោះអាចប៉ះពាល់ដល់ពេលវេលាក្នុងការធ្វើកិច្ចការអ្នកទេ? អ្នកគួរសម្រេចកិច្ចការខ្លួនឯងជាមុនសិន រួចចាំជួយដល់អ្នកដទៃតាមក្រោយក៏បាន។ ៣) ផ្ដល់រង្វាន់ដល់ខ្លួនឯង៖ វាគឺជារឿងមួយដ៏គួរអោយធុញថប់ណាស់ដែលអ្នកត្រូវចំណាយពេលវេលា រៀនសូត្រ និងខិតខំធ្វើការ។ ដូចនេះហើយបើអ្នកចំណាយពេលវេលានិងខិតខំធ្វើវាខ្លាំងយ៉ាងនេះ អ្នកគួរមានអ្វីមួយសម្រាប់ផ្ដល់ដល់ខ្លួនឯង។ ៤) កុំចំណាយពេលលឿនពេកក្នុងការសម្រេចការងារ៖ ការចំណាយពេលលឿនពេកក្នុងការធ្វើអ្វីមួយគឺមិនមានភាពងាយស្រួលទេ ។ មិនត្រឹមតែផ្ដល់ភាពលំបាកដល់ខ្លួនឯងប៉ុណ្ណោះទេ ថែមទាំងសម្រេចការងារមិនទទួលបានផលល្អទៀត។ ដូចនេះត្រូវធ្វើកិច្ចការមួយៗ ដោយសន្សឹមៗព្យាយាមសម្រាក កុំព្យាយាមគិតលឿន ឬដាក់សម្ពាធអោយខ្លួនឯងពេក៕ ប្រែសម្រួល៖ព្រំ សុវណ្ណកណ្ណិកា ប្រភព៖manchester.unh.edu