ការងូតទឹកមិនមែនត្រឹមតែជាការងូតទឹកដើម្បីសម្អាតកាយតែមួយមុខនោះទេ មនុស្សភាគច្រើនមានទម្លាប់ងូតទឹកច្រើនដងក្នុងមួយថ្ងៃ ដោយពួកគេគិតថាវាធ្វើឲ្យពួកគេមានអារម្មណ៍ល្អត្រជាក់ស្រួល តែអ្នកវិទ្យាសាស្ត្របានស្រាវជ្រាវឃើញថា ការងូតច្រើនពេកក៏មិនមែនជារឿងល្អដែរ ជាពិសេសគឺនៅពេលយប់តែម្ដង។ ១) ត្រជាក់ដៃត្រជាក់ជើង៖ នេះមិនមែនជាសញ្ញាមួយដ៏ល្អនោះទេ ដែលវាតែងកើតមានឡើងនៅពេលដែលអ្នកងូតទឹកនៅពេលយប់ តែបើអ្នកងូតទឹកនៅពេលព្រឹកវិញ វានឹងជួយកែប្រែស្ថានការណ៍ ដែលធ្វើឲ្យឈាមរត់បានគ្រប់ទីកន្លែងនៅក្នុងរាងកាយរបស់អ្នក។ ២) ស្រស់ស្រាយ៖ ការងូតទឹកពីព្រឹកព្រលឹម ថ្វីត្បិតតែរាងត្រជាក់បន្តិចមែនតែអាចជួយអ្នកមានអារម្មណ៍ថាស្រស់ស្រាយ ហើយមិនសូវភ័យឬតប់ប្រមល់នោះទេ ទោះបីជាអ្នកមានរឿងច្រើនដែលត្រូវគិតឬបារម្ភជាដើម។ ៣) ងាយឈឺ៖ អ្នកងាយនឹងរងជំងឺផ្ដាសាយ ក្អក ឬវិលមុខជាដើម ដែលនេះកើតឡើងសម្រាប់អ្នកដែលចូលចិត្តងូតទឹកនៅពេលយប់ជាជាងពេលព្រលឹម។ មិនតែប៉ុណ្ណោះនោះទេ អ្នកក៏ងាយនឹងឆាប់ឆ្លងពីអ្នកដទៃផងដែរ។ ៤) ឡើងមុន ឬមុខឡើងខ្លាញ់៖ អ្នកអាចលាងសម្អាតមុខរបស់អ្នកឲ្យស្អាតមុនពេលអ្នកចូលគេង តែវាមិនប្រាកដថា អ្នកត្រូវងូតទឹកឲ្យបានច្រើនដងនៅពេលយប់។ នេះក៏អាចជាគន្លឹះតូចមួយដែរ ប្រសិនបើអ្នកចង់បានមុខស្អាតផូរផង់ដូចអ្វីដែលអ្នកប្រាថ្នានោះ៕ ប្រែសម្រួល៖ តូច ម៉ាយ៉ារស្មី ប្រភព៖ www.lifehack.org