ប៉ូលខាងជើង កំពុងផ្លាស់ប្ដូកម្រិតធ្ងន់ធ្ងរបំផុតបង្កក្ដីបារម្ភដល់ពិភពលោក
សីតុណ្ហភាពនៅប៉ូលខាងជើង (North Pole) បានកើនឡើងលើសកម្រិតកកដែលជាសញ្ញាមួយបង្ហាញពី «ការផ្លាស់ប្ដូរដ៏លឿន និងធ្ងន់ធ្ងរបំផុត» ដែលកំពុងបង្កក្ដីបារម្ភដល់ពិភពលោកទាំងមូល។ នេះបើយោងតាមការចុះផ្សាយដោយសារព័ត៌មាន The Independent របស់អង់គ្លេស។
ទូរទស្សន៍ផ្នែកអាកាសធាតុរបស់សហរដ្ឋអាមេរិក បានរាយការណ៍ថា តំបន់មួយចំនួននៅក្បែរប៉ូលខាងជើង មានសីតុណ្ហភាពចន្លោះពី ០ ដល់ ១,២ អង្សាសេថ្ងៃអង្គារសប្ដាហ៍នេះ ខណៈដែលផ្នែកជាច្រើននៃភាគកណ្ដាលប្រទេសរុស្ស៊ីសីតុណ្ហភាពបានកើនឡើងដល់ -៤០អង្សាសេ។
សាស្ត្រាចារ្យនៅសាកលវិទ្យាល័យមួយរបស់អាមេរិកបានលើកឡើងថា ការប្រែប្រួលអាកាសធាតុជាលទ្ធផលនៃការផ្លាស់ប្ដូរដ៏ឆាប់រហ័សនៃខ្យល់ស្ថិតនៅក្នុងរយៈកម្ពស់ខ្ពស់ ដែលបក់បោកនៅជុំវិញពិភពលោក ហើយមានឥទ្ធិពលយ៉ាងខ្លាំងដល់អាកាសធាតុ។
លទ្ធផលនៃការប្រែប្រួលអាកាសធាតុនេះ គឺនឹងធ្វើឱ្យកម្រិតទឹកសមុទ្រប្រែប្រួលខ្លាំងដែលនឹងធ្វើឱ្យប៉ះពាល់ដល់តំបន់មាត់សមុទ្រភាគច្រើននៅពេលឆាប់ៗខាងមុខនេះ៕
ដោយ៖ វេហា
