រឿង ៨យ៉ាងមិនត្រូវធ្វើដាច់ខាត ពេលអ្នកបញ្ឈប់បុគ្គលិកពីការងារ
អ្នកជំនាញផ្នែកធនធានមនុស្សផ្នែកផ្ដល់យោបល់ដល់អ្នកធ្វើការងារក្នុងវិស័យគ្រប់គ្រងធនធានមនុស្សថា មិនគួរធ្វើចំណុចទាំង ១០នេះទេ ប្រសិនបើអ្នកចង់បញ្ឈប់បុគ្គលិកណាម្នាក់នោះ៖
១) កុំបណ្ដេញបុគ្គលិកប្រសិនបើមិនទាន់បានជួបនិយាយគ្នា។ បើអ្នកបណ្ដេញបុគ្គលិកដោយប្រើវិធីសាស្ត្រតាមសារអេឡិចត្រូនិកដូចជាម៉ែល Voice mails ឬក៏ទូរស័ព្ទគឺជារឿងមិនសមរម្យទាល់តែសោះក្នុងវិជ្ជាជីវៈ។ ការងារនេះគឺត្រូវធ្វើដោយផ្ទាល់តែម្ដង។ សូម្បីតែធ្វើការបណ្ដេញតាមលិខិតក៏ដោយក៏វាមិនសមរម្យដែរ។ អ្នកគួរតែជួបពិភាក្សាជាមួយបុគ្គលិកជាមុនសិន។ ម្យ៉ាងវិញទៀត ការបញ្ឈប់តាមម៉ែលជាដើម គឺខុសទៅនឹងច្បាប់ការងារថែមទៀតផង។
២) កុំបណ្ដេញបុគ្គលិកដោយគ្មានការព្រមានជាមុន។ បុគ្គលិកគួរតែដឹងអំពីមូលហេតុ និងចំណុចខ្វះខាតដែលពួកគេត្រូវបណ្ដេញចេញ។ បុគ្គលិកគួរតែឆ្លងកាត់ការណែនាំ និងការផ្ដល់ព័ត៌មានពីការងារមកវិញ មុនពេលដែលអ្នកបណ្ដេញបុគ្គលិកចេញនោះ ហើយព្យាយាមកំណត់ អ្វីដែលធ្វើឲ្យបុគ្គលិកមិនបានបំពេញតាមតួនាទី និងការរំពឹងទុករបស់ក្រុមហ៊ុនទាំងមូល។
៣) បើអាចធ្វើទៅបានកុំបណ្ដេញបុគ្គលិកដោយគ្មានអ្នកពាក់ព័ន្ធ។ ការបណ្ដេញបុគ្គលិក រឿងល្អអ្នកគួរឱ្យអ្នកដែលពាក់ព័ន្ធ ជាពិសេសអ្នកគ្រប់គ្រងគេ ចូលរួមដែរក្រៅតែពីអ្នកធ្វើការងារផ្នែកធនធានមនុស្ស។
៤) កុំឲ្យបុគ្គលិកជឿថា ការសម្រេចចិត្តនៅមានមន្ទិលសង្ស័យ និងជាពិសេសបង្ហាញចំណុចដែលជាមូលហេតុបុគ្គលិកត្រូវបណ្ដេញចេញឱ្យបានចំៗ និងច្បាស់ៗ។ នៅអ្នកបណ្ដេញបុគ្គលិក ចូរកុំឲ្យគេគិតថា ហាក់ដូចជាគេអាចធ្វើឲ្យប៉ះពាល់ដល់ការសម្រេចចិត្តនេះ។ អ្នកគួរតែមានហេតុផលច្រើនគាំទ្រការបណ្ដេញបុគ្គលិក កុំឲ្យមានមន្ទិលសង្ស័យដល់បុគ្គលិកឡើយ។ បើមិនដូច្នោះទេ អ្នកនឹងអាចរងផលប៉ះពាល់វិញជាមិនខានឡើយ។
៥) កុំឲ្យបុគ្គលិកយកព័ត៌មាន ឬទ្រព្យសម្បត្តិក្រុមហ៊ុននៅពេលអ្នកបណ្ដេញបុគ្គលិក។ រឿងដែលត្រូវធ្វើឱ្យបាននោះគឺថា បុគ្គលិកត្រូវប្រគល់កូនសោ លិខិតចេញចូល កាតាប ទូរស័ព្ទដៃ កុំព្យូទ័រ និងទ្រព្យសម្បត្តិផ្សេងទៀតដែលជារបស់ក្រុមហ៊ុននៅពេលប្រជុំបញ្ចប់កិច្ចសន្យាការងារ។ របស់ទាំងអស់នេះ អាចឱ្យបុគ្គលិកលួចយកទ្រព្យសម្បត្តិ ឬព័ត៌មានផ្សេងៗរបស់ក្រុមហ៊ុនបាន។
៦) កុំឲ្យបុគ្គលិកត្រឡប់ទៅតំបន់ការងារតែឯងនៅពេលអ្នកបណ្ដេញបុគ្គលិក។ បុគ្គលិកភាគច្រើនមានការអាក់អន់ចិត្តខ្លះៗនៅពេលពួកគេត្រូវបានបណ្ដេញចេញ។ មានអ្នកខ្លះយំ។ ហើយក៏មានអ្នកខ្លះមានបំណងមិនល្អមកលើក្រុមហ៊ុនដែរ។ គេអាចប៉ុនប៉ងលួចឯកសារ ឬទ្រព្យសម្បត្តិផ្សេងៗរបស់ក្រុមហ៊ុននៅពេលដែលគេខឹងនឹងការបណ្ដេញចេញនោះ។
៧) កុំឲ្យបុគ្គលិកចូលប្រើប្រព័ន្ធព័ត៌មាន។ ចូរធ្វើជាដៃគូជាមួយបុគ្គលិក IT ដើម្បីកុំឱ្យបុគ្គលិកដែលត្រូវបណ្ដេញចេញនោះអាចប្រើប្រព័ន្ធកុំព្យូទ័ររបស់បុគ្គលិកបាន។ រឿងដែលត្រូវប្រយ័ត្នផងដែរនោះគឺអ៊ីមែល។ គេយកលួចយក ឬបំផ្លាញទិន្នន័យណាមួយចោលដោយចេតនា។
៨) បញ្ជាក់ឱ្យច្បាស់នូវអត្ថប្រយោជន៍អ្វីខ្លះដែលបុគ្គលិកត្រូវបណ្ដេញទទួលបាន។ ចូរពិនិត្យមើលកិច្ចសន្យាការងារនៅពេលអ្នកបណ្ដេញបុគ្គលិក។ ការពិនិត្យមើលកិច្ចសន្យាការងារឡើងវិញដើម្បីដឹងឱ្យច្បាស់ថ អ្វីដែលបុគ្គលិកទទួលបានស្របច្បាប់ពីក្រុមហ៊ុនអ្នកនៅពេលបញ្ចប់កិច្ចសន្យាការងារ៕
