សង្ឃឹមជាប់ ៩០%ក្នុងពេលសម្ភាសន៍ បើដឹងអ្វីដែលគួរ និង មិនគួរឆ្លើយនៅពេលគេសូរថា «ហេតុអ្វីចង់ឈប់ពីការងារ»
ក្នុងពេលសម្ភាសន៍ការងារ ប្រាកដណាស់ថានឹងមានសំនួរជាច្រើន ដូច្នេះហើយអ្នកត្រូវតែត្រៀមខ្លួនដើម្បីឆ្លើយ។ ក្នុងចំណោមសំនួរជាច្រើនដែលគេសួរនោះ គឺប្រាកជាមាន «ហេតុអ្វីបានជាអ្នកចាក់ចេញពីការងារបច្ចុប្បន្ន?» សំនួរនេះ មិនមែនចេះតែឆ្លើយនោះទេ ព្រោះទោះបីជាអ្នកមានសមត្ថភាព និង ចំណេះដឹងខ្ពស់សក្ដិសមនឹងតួនាទីនោះក៏ដោយ តែបើឆ្លើយមិនសមទំនង ប្រាកដជាត្រូវធ្លាក់ដោយស្វ័យប្រវត្តិ។ នៅពេលជួបសំនួរបែបនេះ អ្នកមិនត្រូវឆ្លើយថា៖
១) កន្លែងចាស់ប្រាកខែតិចពេក (វាមានន័យថា អ្នកចង់បានតែលុយ)
២) មិនចូលចិត្តថ្នាក់លើ (មានន័យថា អ្នកជាមនុស្សដែលមិនងាយចុះសម្រុង ឬ ពិបាកធ្វើការជាមួយ ឬ មិនចេះតស៊ូជាមួយការងារ)
៣) មិនចូលចិត្តមិត្តរួមការងារ (មានន័យថា អ្នកជាមនុស្សដែលមិនចេះធ្វើការជាក្រុម)
៤) ក្រុមហ៊ុនអន់ពេក (មានន័យថា អ្នកជាមនុស្សដែលពូកែនិយាយដើមក្រុមហ៊ុន) អ្នកអាចឆ្លើយថា «ចង់អភិវឌ្ឍន៍ខ្លួនឲ្យប្រសើរជាងមុន» ឬ «ក្រុមហ៊ុនរបស់អ្នក ឬ តួនាទីក្នុងក្រមហ៊ុននេះ អាចជួយឲ្យខ្ញុំក្លាយមនុស្សដែលមានជំនាញ និង ចំណេះដឹងខ្ពស់នៅពេលខាងមុខ»។
ឆ្លើយអ្វីក៏ដោយ ត្រូវចាំថា មិនត្រូវដាក់បន្ទុក ឬ បង្ហាញពីចំណុចអវិជ្ជមាននៅកន្លែងការងារចាស់នោះទេ ឬ មិនត្រូវបង្ហាញថា អ្នកចង់បានតែលុយនោះឡើយ។ ត្រូវចាំថា បើអ្នកព្យាយាមនិយាយរឿងអាក្រក់ពីក្រុមហ៊ុនចាស់របស់អ្នក នោះគេនឹងវាយតម្លៃថា អ្នកជាមនុស្សមិនល្អ ហើយថ្ងៃក្រោយនឹងនិយាយរឿងអាក្រក់ជាច្រើនប្រាប់ក្រុមហ៊ុនផ្សេងទៀត នៅពេលចាក់ចេញ៕
ដោយ៖ រតនា វិចិត្រ
