ការប៉ះទង្គិចកើតឡើង នៅថ្ងៃស្បថកាន់តំណែងរបស់លោក ត្រាំ ហើយចាប់ខ្លួនមនុស្ស២១៧នាក់
យ៉ាងហោចណាស់មនុស្សប្រមាណ២១៧នាក់ត្រូវចាប់ខ្លួន ហើយប៉ូលិសចំនួន៦នាក់បានរងរបួស ដោយសារតែការប៉ះទង្គិចគ្នារវាងក្រុមបាតុករ និង ប៉ូលីសក្នុងថ្ងៃស្បថឡើងកាន់តំណែងរបស់ប្រធានាធិបតីថ្មីអាមេរិក គឺលោក ដូណាល់ ត្រាំ។
មានក្រុមបាតុករជាច្រើននាក់បានប្រមូលផ្តុំគ្នាដើម្បីប្រឆាំងនឹង ការស្បថឡើងកាន់តំណែងរបស់លោក ដូណាល់ ត្រាំរហូតមានការផ្ទុះអំពើហិង្សាកើតឡើង។
ទោះបីជាមានការប្រមូលផ្តុំប្រឆាំងនឹង លោកដូណាល់ ត្រាំក៏ដោយ ក៏ដំណើរការនៃការស្បថឡើងកាន់តំណែងជាផ្លូវការប្រព្រឹត្តទៅដោយគ្មានបញ្ហា ហើយពេលនេះ លោកត្រាំគឺជាប្រធានាធិបតីផ្លូវការរបស់អាមេរិក។
សូមបញ្ជាក់ថា ចាប់តាំងពីមានការប្រកាសលទ្ធផលដែលបង្ហាញថា លោកត្រាំឈ្នះឆ្នោតមក មានក្រុមគាំទ្រលោកស្រី ហ៊ីលឡារី គ្លីនតុនជាច្រើនបានចេញមកតវ៉ា ប្រឆាំងនឹងមហាសេដ្ឋីអាមេរិករូបនោះ ដោយលើកឡើងថាលោកមិនសក្ដិសមជាប្រធានាធិបតីអាមេរិកនោះឡើយ៕
ដោយ៖ រតនា វិចិត្រ
