លោក ត្រាំទទួលបានលេខកូដសម្ងាត់បញ្ជាអាវុធនុយក្លេអ៊ែរ ពីលោកអូបាម៉ា ជាផ្លូវការ ខណៈអ្នកប្រឆាំងគិតថា ជារឿងគ្រោះថ្នាក់
លោក ដូណាល់ ត្រាំប្រធានាធិបតីថ្មីរបស់សហរដ្ឋអាមេរិក បានទទួលលេខកូដសម្ងាត់ សម្រាប់បញ្ជាអាវុធនុយក្លេអ៊ែរ ពីលោក បារាក អូបាម៉ាហើយ ខណៈក្រុមប្រឆាំងហាក់មានការបារម្ភអំពីសន្តិសុខពិភពលោក។
ចាប់ពីពេលនេះតទៅ លោកត្រាំមានលេខកូដសម្ងាត់អាវុធនុយក្លេអ៊ែរ ដែលសហរដ្ឋអាមេរិក មានក្បាលគ្រាប់នុយក្លេអ៊ែរជាង៤០០០ឯនោះ ដែលអាវុធប្រភេទនេះមានអនុមានខ្លាំងណាស់ ពោលគឺអាចសឹងកម្ទេចពិភពលោកទាំងមូលបាន។
សូមបញ្ជាក់ថា គ្រប់ប្រធានាធិបតីថ្មីរបស់អាមេរិក គឺសុទ្ធតែជាអ្នកដែលត្រូវគ្រប់គ្រង ឬកាន់លេខកូដសម្ងាត់ សម្រាប់បញ្ជាអាវុធនុយក្លេអ៊ែរ។
វត្តមានរបស់លោក ដូណាល់ ត្រាំក្នុងនាមជាប្រធានាធិបតីនេះ បានផ្ដល់ភាពចម្រូងចម្រាសជាច្រើនក្នុងសង្គមអាមេរិក ដោយមានក្រុមប្រឆាំងលើកឡើងថា លោកជាមនុស្សជ្រុលនិយម និង ជាមនុស្សប្រកាន់ពូជសាសន៍។ ប៉ុន្តែទោះបីជាយ៉ាងណាក៏ដោយ ការជាប់ឆ្នោតរបស់លោកត្រាំនេះ ក៏គ្មាននរណាអាចកែប្រែបាននោះដែរ៕
ដោយ៖ រតនា វិចិត្រ
