អតីត​មន្ត្រី​ជាន់​ខ្ពស់​​កូរ៉េខាងជើង​​មួយ​រូប​ដែល​បាន​រត់​គេច​ពី​​របប​ក្រុង​ព្យុងយ៉ាង​​ បាន​អះអាង​ថា​ ​ Kim Jong Un ​នឹង​បញ្ជា​ឱ្យ​បាញ់​គ្រាប់​បាញ់​នុយក្លេអ៊ែរ​ដាក់​ Los Angeles ប្រសិន​បើ​អំណាច​របស់​គេ​រង​ការ​គំរាម​កំហែង​នោះ។ លោក​ Thae Yong-ho ​​អតីត​​អគ្គរដ្ឋទូត​រង​កូរ៉េខាងជើង​​ប្រចាំ​នៅ​ទីក្រុង​ឡុងដ៍​ ​បាន​​បញ្ជាក់​ថា​ មេ​ដឹក​នាំ​ផ្ដាច់ការ​ Kim Jong Un ​នឹង​ចុះ​ប៊ូតុង​បាញ់​គ្រាប់​នុយក្លេអ៊ែរ​កម្ទេច​ទីក្រុង​ California ដោយ​មិន​គិត​ពី​ផល​អវិជ្ជមាន​អ្វី​ទាំង​អស់។ លោក​ Thae ថ្លែង​បន្ត​ថា​ ទោះបី​ជា​មាន​អ្វី​កើត​ឡើង​ ក៏​របប​ក្រុង​ព្យុងយ៉ាង​​មាន​គោល​បំណង​បញ្ចប់​កម្មវិធី​អភិវឌ្ឍន៍​អាវុធ​នុយក្លេអ៊ែរ​នៅ​ត្រឹម​ដំណាច់​ឆ្នាំ​២០១៧​ នេះ​ដែរ​ ហើយ​​​បើ​ទោះ​​ជា​ឱ្យ​លុយ​ជា​ថ្នូរ​រាប់​ទ្រីលាន​ដុល្លារ​ក៏​​កម្មវិធី​នេះ​​មិន​បញ្ឈប់​ដែរ៕