បើមានចំណុចទាំងនេះ មានន័យថា អ្នកមានអំណោយផលខាងរៀនភាសាបរទេស (រៀនអ្វីក៏ឆាប់ចេះ)
ការរៀនភាសាទីពីរមិនមែនជារឿងងាយស្រួលនោះទេ។ ប៉ុន្តែការចេះភាសាច្រើនផ្ដល់ឱកាសទីផ្សារជាច្រើនដល់អ្នក។ ក៏ប៉ុន្តែ មិនមែនមនុស្សទាំងអស់ប្រាកដថារៀនចេះនោះទេ តែក៏មានមនុស្សមួយចំនួនជោគជ័យផងដែរ។ ខាងក្រោមនេះជាអត្តចរិតនៃអ្នកពូកែរៀនភាសា
១) ចូលចិត្តការសន្ទនា៖ ការរៀនភាសាមួយមិនត្រឹមតែផ្តល់ចំណេះដឹងផ្នែកវប្បធម៌នៃភាសាដែលអ្នករៀននោះទេ ថែមទាំងបង្កើតមិត្តភាពទៀតផង។ លើសពីនេះទៅទៀត ការសន្ទនារវាងអ្នកនិងជនបរទេសមានភាពងាយស្រួលជាងមុន ជាលទ្ធផលជួយដល់ជំនួញរបស់អ្នក។
២) អនុវត្តជានិច្ច៖ ប្រសិនជាអ្នកចង់ពូកែអ្វីមួយ អ្នកត្រូវការអនុវត្ត។ អនុវត្តកាន់តែច្រើន កាន់តែល្អ។ ការអនុវត្តនោះជួយអ្នកពូកែនិងមានជំនាញលើពីមនុស្សធម្មតា។ មិនថាអ្នករៀនភាសាឬធ្វើអ្វីនោះទេ ដើម្បីពូកែបាន ការអនុវត្តគឺចាំបាច់។
៣) រៀនពីកំហុស៖ មិនថាអ្នករៀនភាសាអ្វីក៏ដោយ អ្នកនឹងមានកំហុស។ ដូច្នេះហើយ អ្វីដែលអ្នកមានគឺ៖ ហ៊ានប្រព្រឹត្តកំហុសនិងរៀនពីកំហុស។ ហើយកុំមានការអន់ចិត្តនិងបោះបង់នៅពេលអ្នកមានកំហុស៕
ប្រែសម្រួល៖ អុឹង មុយយូ ប្រភព៖ www.owlcaution.org
