ស្ត្រីជនជាតិឥណ្ឌូណេស៊ីទទួលបាន ៩០ដុល្លារជាថ្នូនឹងការបំពុលគឹមជុងណាំ តែមិនដឹងថាថ្នាំពុលទេ
ស្ត្រីជនសង្ស័យជនជាតិឥណ្ឌូណេស៊ីដែលត្រូវបានចាប់ខ្លួនពីបទធ្វើឃាតបងប្រុសបុរសខ្លាំងមេដឹកនាំកូរ៉េខាងជើងលោក គឹមជុងណាំ បានទទួលលុយ ៩០ដុល្លារជាថ្នូរនឹងការយកថ្នាំពុលវាយប្រហារទៅលើបុរសម្នាក់នោះដោយមិនទាំងដឹងថា ជាថ្នាំពុលផង។
មន្ត្រីទូតឥណ្ឌូណេស៊ីបានទៅជួបស្ត្រីឈ្មោះ Siti Aisyah វ័យ ២៥ឆ្នាំកាលពីថ្ងៃសៅរ៍កន្លងទៅនេះ នៅទីក្រុងកូឡាឡាំពួរ។ នាងបានឱ្យដឹងថា នាងបានទទួលលុយជាថ្នូរនឹងការយក «ប្រេងលាបទារក» ទៅបិតមាត់លោកគឹមជុងណាំ ដែលគេប្រាប់ថាជាផ្នែកមួយនៃកម្មវិធីកំប្លែង។ យោងតាមការធ្វើកោសល្យវិច័យបានឱ្យដឹងថា លោក គឹមជុងណាំ ត្រូវបានបំពុលដោយថ្នាំគីមីម្យ៉ាងឈ្មោះ VX ដែលត្រូវបានអង្គការសហប្រជាជាតិចាត់ទុកថា ជាជាតិគីមីនៃអាវុធប្រល័យលោក៕
