ហេតុផលទាំង៤យ៉ាងដែលអ្នកគួររៀននៅក្រៅប្រទេសឲ្យបានម្តង ក្នុងមួយឆាកជីវិត
ទោះបីជាសិស្សដែលមានភាពក្លាហានក៏ដោយ ពួកគាត់ក៏នៅមានភាពភ័យខ្លាចក្នុងការសិក្សានៅក្រៅប្រទេស។ អ្នកខ្លះមានមិត្តភ័ក្ដិដែលល្អៗជាច្រើននៅសាលារៀនហើយ តើមានអ្នកណាចង់ចាកចេញពីមនុស្សល្អដែលនៅជុំវិញខ្លួនទៅ? ចូរអ្នកកុំបារម្ភ អ្វីៗនឹងដូចដើមក្រោយអ្នកត្រឡប់មកវិញ។ ខាងក្រោមនេះជាហេតុផលទាំង៤យ៉ាងដែលអ្នកគួររៀននៅក្រៅប្រទេសម្តងក្នុងមួយឆាកជីវិត៖
១) ឥឡូវគឺជាពេលដែលល្អឥតខ្ចោះ៖ អ្នកប្រហែលជាចង់រងចាំប៉ុន្មានឆ្នាំទៀតឬចាំដល់ពេលបញ្ចប់ការសិក្សាបានទើបអ្នកទៅក្រៅប្រទេស។ តែផ្ទុយទៅវិញ អ្នកគួរតែទៅឥឡូវនេះដោយសារតែអ្នកនៅក្មេងហើយមានកម្លាំង។
២) អ្នកនឹងមានមិត្តថ្មី៖ តើអ្នកនៅចងចាំអារម្មណ៍ពេលអ្នកទើបចាប់ផ្តើមការសិក្សាដំបូង អ្នកមិនស្គាល់អ្នកណាទាំងអស់ដែរឬទេ? ជាការពិតណាស់ អ្នកដែលសិក្សានៅក្រៅប្រទេសគឺចាប់ផ្តើមពីដំបូងដូចគ្នា។ អ្នកមិនត្រឹមតែពីវប្បធម៌ពីមិត្តថ្មីរបស់អ្នក លើសពីនេះទៅទៀត អ្នកអាចផ្លាស់ប្តូរទស្សនៈទៅវិញទៅមក។
៣) អ្នកមិនមែនទៅលេងទេគឹអ្នកទៅនៅ៖ ដោយសារតែអ្នកនៅរយៈពេលយូរ អ្នកនឹងមានឱកាសរស់នៅជាមួយប្រជាជននៅទីនោះ ញាំអាហារប្រចាំតំបន់ឬប្រចាំប្រទេសដែលអ្នកទៅ។ ម៉្យាងទៀតនោះ អ្នកប្រហែលជាចង់រកការងារនៅទីនោះថែមទៀតផង។
៤)រៀនភាសាថ្មី៖ ទោះបីជាអ្នករៀនមុខវិជ្ជានៅទីនោះជាភាសាអង់គ្លេសក៏ដោយ អ្នកនៅតែអាចរៀនភាសាថ្មីនៅទីនោះផងដែរ។ ការចេះភាសាថ្មីក៏អាចផ្តល់ឱកាសការងារនាថ្ងៃអនាគតផងដែរ៕
ប្រែសម្រួល៖ អុឹង មុយយូ ប្រភព៖ www.studentuniverse.com
